Агенцијата за храна и ветеринарство забрани увоз  и  транзит  на  живина  и  диви  птици,  како  и  производи и  нуспроизводи  од  живина  и  диви  птици, вклучително и јајца, со потекло од Бугариjа, зона под надзор во радиус од 30 км од местото Пода, во регионот Бургас, откако од Европската комисија добиле потврда за појава на случај на птичји грип во регионот на Бургас.

На сила останува забраната за увоз  од Германија, зона под надзор во радиус од 30 километри од градот Анклам, во регион Ланд Мекленбург – Западна Померанија, додека поради непријавени нови жаришта, од листата на забранети земји  за увоз симнати се Велика Британија и Холандија, ниту Италија. Поради континуирано присуство на оваа болест, земјите од Африка и Азија, подолго време се наоѓаат на листата на забранети земји за увоз.  Поради појавата на оваа болест во соседството, Агенцијата за храна и ветеринарство даде насоки на официјалните ветеринари и ветеринарните друштва за следење на состојбата и даде препораки задолжително земање на  мостри од угинати птици за лабораториско испитување. До одгледувачите на живина пратени се препораки за тоа какви биосигурносни мерки треба да преземат за да се заштитат од болеста, како и апел за задолжително пријавување на евентуално угината живина на фармите. Во рамки на надзорот од досега анализираните примероци од угинати или заловени диви птици, живина држена во екстензивни и интензивни услови во изминатите години не е утврдено присуството на болеста во Република Македонија.До подрачните единици на Агенцијата за храна и ветеринарство, на бесплатната телефонска линија  на Агенцијата 0800 – 3- 22 -22, како и до ветеринарните станици,  граѓаните можат да пријават евентуално угинување на диви птици./крај/со