Забава
Магариња или тигри
Еден ресторан во кинескиот град Хаилин, недалеку од Шангај, бил познат по своите скапи специјалитети од тигарско месо
Еден ресторан во кинескиот град Хаилин, недалеку од Шангај, бил познат по своите скапи специјалитети од тигарско месо.
Бидејќи ловењето тигри во Кина е забрането, за работата на ресторанот се заинтересирале ветеринарите и полицијаците, кои констатирале дека гостите всушност добиваат магарешко месо, кое било маринирано во урина од тигар.
Ресторанот, кој се наоѓа во непосредна близина на резерват на тигри, се рекламирал дека нуди пржено месо од тигар во лут сос по цена од 800 јуани (околу 78 евра), чашка специјален алкохолен пијалак од ориз со парче тигрова коска за околу 60 евра.
За 7000 јуани односно за неверојатни 694 евра ресторанот продавал килограм „свежо тигрово“ месо.
Ловот на тигри во Кина е најстрого забранет, а бидејќи ловокрадците ги чека доживотен затвор, сопственикот на ресторанот признал дека на гостите им сервирал магарешко месо збогатено со благ мирис на урина од тигар.
Ресторанот веднаш е запечатен и конфискуван, банкарската сметка на сопственикот блокирана, а тој е обвинет за измама и загрозување на здравјето на луѓето.
Кинеските власти имаат големи проблеми во сузбивањето на илегалната трговија со тигарско месо, кожа, коски .. бидејќи кинезите веруваат дека секоја дел од телото на тигарот има волшебна моќ, особено како афродизијак./крај/фонет/мп
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
Ева Мендес за семејството и животот во 50-тите: Вака не го замислував мојот пат
Иaкo никогаш не го замислувала својот живот на 50 години, Ева Мендес живее во свој ритам – и не може да биде посреќна. „Не подлегнувам на притисокот на општеството. Што сакам да правам, правам“, вели актерката, која ги има ќерките Есмералда Амада (9) и Амада Ли (8) со Рајан Гослинг.
“Сигурно не мислев дека ќе имам деца и ќе бидам дома. Затоа, многу сум среќна што одреден маж влезе во мојот живот и ме натера да се предомислам за сите тие работи”, рекла таа. Пред 10 години таа ја напушти актерската кариера за да се фокусира на своите деца.
Таа вели дека тоа била „најлесната одлука“ што ја донела. „Кога забременив на 40-годишна возраст, беше страшно за другите. И кога повторно забременив на 42-годишна возраст, луѓето ми велеа: „О Боже мој, ќе бидеш толку уморна“, откри таа.
„Тоа е најглупавата работа што сум ја слушнала. Патем, потребно е само малку повеќе трпение. Мислам дека не бев подготвена за тоа во моите 20-ти, пиев и пушев. Дефинитивно не можев да подигнам деца во кое било друго време од мојот живот освен сега“, додава таа.
Една од најубавите жени на светот истакна дека е „среќна што се отишло во тој правец“.
Инаку, Мендес нема снимено ништо откако стана мајка. Нејзината последна улога беше во 2014 година. Покрај нејзината актерска кариера, таа е портпарол на голема козметичка компанија, модел и креативен директор на брендот за шминка „CIRCA Beauty“.
Забава
Емили Ратајковски го привлече вниманието со фустан кој повеќе открива отколку што крие
Емили Ратајковски присуствуваше на настанот The King’s Trust Global Gala што се одржа во Casa Cipriani во Њујорк, каде што ги привлече погледите со храбар фустан.
Познатата убавица носеше свилен крем фустан со длабоко деколте, кој допираше речиси до нејзиниот папок, а кој ја истакна нејзината витка линија. Фустанот имал и гол грб и бил врзан околу вратот.
The King’s Trust Global Gala е основана од британскиот крал Чарлс III. со цел да им се помогне на младите, а свечениот настан собра многу познати фаци, како моделот Ирина Шајк, актерката Кејт Бекинсејл, славната двојка Криси Тајген и Џон Леџенд, поранешната манекенка Кејт Мос и плус сајз моделот Ешли Греам.
Забава
Мишел Фајфер се појави на црвениот тепих, обожавателите се восхитени од нејзината убавина
Актерката Мишел Фајфер не се појавува често во јавноста, но сега позираше со сопругот Дејвид Е.Кели на црвениот тепих на Американскиот филмски институт во Лос Анџелес. Обожавателите се восхитуваат на нејзиниот изглед во 67-та година и пишуваат дека изгледа како да не старее.
Иконската жена-мачка често зборува за тоа како го прифатила стареењето и се фотографира без шминка. Иако изгледа како да го должи својот фантастичен изглед на посебни скриени трикови, таа тврди дека работата е многу едноставна.
Таа претходно за Daily Mail откри дека доволно спие, вежба и се храни здраво.