Забава
Барајќи го биолошкиот татко, дознал дека е син на Чарлс Менсон
Диџеј од Лос Анџелес барајќи го својот биолошки татко, останал шокиран од сознанието дека е син на еден од најозлогласените сериски убијци
„Прво не сакав да поверувам дека тоа е вистина. Бев исплашен и бесен. За мене тоа претставуваше сознание исто како и самиот Адолф Хитлер да ми е татко. Јас сум мирољубива личност, заробена во она што наликува на монструм“, изјавил за The Sun, 41-годишниот Метју Робертс. Но и покрај одбојноста што ја чувствувал и како што вели се’ уште ја чувствува кон неговиот биолошки татко, Метју се допишувал со Менсон неколкупати. „Ми испраќа чудни работи и секогаш се потпишува со свастиката (кукаст крст, з.н.)“, вели диџејот за татко си кој ја отслужува казната доживотен затвор во затворот Коркоран, Калифорнија. Тој е осуден за девет убиства кои ги сторија неговите следбеници во 1969 г. и сега има 75 години.Метју во разговорот со новинарите од лондонскиот таблоид рекол дека од почетокот бил вџашен, не можел да зборува ниту да јаде целиот тој ден. Тој дознал дека е посвоен уште кога имал 10 години, а вели дека неговиот очув го предупредувал дека нема ништо добро да дознае доколку почне да го бара својот биолошки татко. Метју преку локалната социјална служба прво ја нашол својата биолошка мајка Тери, која попуштила пред неговите настојувања и му открила дека вистинското презиме му е Менсон, а татко му е Чарлс Менсон кој ја силувал во 1967 г., откако подлегнала на неговата манијакална харизма, која ги збунуваше со децении психолозите и социолозите. Метју Робертс и многу личи на својот татко, пренесува весникот, а тој стравува да не наследил нешто од налудничавоста на татко си.„Не сум налудничав, ама имам малку до него. Кога ќе се налутам, очите и се испулуваат, а тоа и претходно ги плашеше луѓето, а покрај тоа сум и голем, што дополнително предизвикува страв кај луѓето околу мене“, рекол Метју додавајќи дека негов херој е Ганди, а самиот тој не е насилен, а освен тоа и вегетаријанец. Тој го добил и телефонскиот број на кој може да го побара во затвор Чарлс Менсон, но се’ уште не може да се осмели да зборува со него. Тој додал дека сепак е негов биолошки син и, и покрај фактот што ја силувал мајка му, не сака ниту да го сака, ниту да го мрази. Чарлс Менсон е еден од најпознатите сериски убијци и секако најпознат затвореник. Првично бил осуден на смртна казна за убиство на холивудската ѕвезда Шерон Тејт, сопруга на режисерот Роман Полански, која била во осмиот месец од бременоста. Освен Шерон, во куќата се убиени уште шест лица. Во 1997 г. смртната казна му е заменета со доживотен затвор. Истрагата покажала дека со помош на неговата харизматичност ги обучил за извршувања убиства и им наложил на неговите следбеници познати како сатанистичката секта „Семејството“ да го извршат масакрот.Подоцна Менсон рекол дека за формирање на сектата бил инспириран од песната на Битлси „Helter Skelter“. „Семејството“ убило најмалку 35 луѓе во секташкиот занес дека се приближува часот на војна меѓу расите и нуклеарен напад.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
(Фото) „Новата“ Ана Ивановиќ во заводливо издание на ревијата на „Викторија Сикрет
Меѓу познатите личности кои ја гледаа традиционалната годишна модна ревија на „Викторија Сикрет“ во живо, одржана во Њујорк, беше и Ана Ивановиќ, која се пофали со неколку фотографии и видеа од самиот настан.
Ана ја гледаше најочекуваната модна ревија од првите редови, која ги врати Адријана Лима, Тајра Бенкс, Алесандра Амброзио, Кандис Сванепул, Ирина Шајк, Бехати Принслу и многу други познати убавици на пистата, како и модел кој влезе во историјата станувајќи првата бремена жена што ја отвори ревијата.
За оваа посебна пригода, таа беше облечена по најновата мода, но веќе знаеме дека ги следи модните трендови, бидејќи често ги покажува своите модни избори на Инстаграм.
„Светла. Камери. Ангели. Ви благодариме за ова неверојатно искуство и сите спомени“, напиша Ана на Инстаграм, а доби многу комплименти за својот стил.
Таа ја носеше најмодерната боја оваа есен; долг, плисиран кафеав фустан со тесен крој и заводлив детаљ под градите, и кафеави сатенски чевли со високи потпетици, во комбинација со чанта што ја држеше во рака. Фустанот ја покажуваше нејзината заводлива фигура до максимум, бидејќи беше целосно тесен.
„Божествена убавина и импресивна згодна девојка. Сите ѕвезди на светскиот гламур можат само да бидат љубоморни на вашиот стајлинг и вашата убавина. Блескате во секој поглед“, пишува во еден од коментарите.
Поранешната тенисерка не го криеше својот ентузијазам за нејзиното присуство на овој настан, а имаше и можност да се фотографира со некои познати лица.
фото: принтскрин
Забава
(Видео/Фото) Адријана Лима, речиси гола, „пука“ од сексапил на ревијата на „Викторија сикрет“
Брендот „Викторија сикрет“ повторно е во центарот на вниманието по модната ревија во Њујорк на која учествуваа голем број големи имиња. Меѓу нив беше и дебитантката Емили Ратајковски, а оваа ревија ќе се памети и по тоа што е првата што ја отвори бремена жена.
Сепак, сето тоа може да биде во центарот на вниманието само привремено, бидејќи кога се појавува Адријана Лима, сè паѓа во вода.
adriana lima is so beautiful pic.twitter.com/CrokNTrAZm
— 2000s (@PopCulture2000s) October 15, 2025
Славната Бразилка е лице на брендот со години, па затоа не е ни чудо што нејзиното појавување на пистата беше со нетрпение очекувано.
Поранешната „српска снаа“, како што многумина сè уште ја нарекуваат, како и обично, носеше тешки, впечатливи крилја, но нејзината убавина дури и тоа го остави во сенка.
Прво, таа прошета во секси црна чипкана долна облека што ја надополни со чизми над колена и ракавици, а со оглед на тоа што крилјата беа направени од сребрени реси, Адријана носеше и импресивни сребрени обетки.
adriana lima back on the runway for victoria’s secret ❤️🔥 pic.twitter.com/mpnctbw3jR
— DUDA (@saintdemie) October 15, 2025
Сите ја гледаа, а потоа дојде втората комбинација.
Комбинезон во боја на кожа, покриен со светки и претежно транспарентен, едноставно зачини сè, а овој пат Лима имаше кафеави крилја. Целиот outfit и настап се викаа „Phoenix Wings“ и симболично ја претставуваа преродбата и враќањето на Адријана Лима на оваа голема сцена.
фото: принтскрин
Забава
Ставете алуминиумска фолија во замрзнувач и конечно решете го проблемот што ве мачи со години
Алуминиумската фолија е предмет кој е корисен на многу начини во домаќинството, практично феномен на модерната ера во домаќинството. Но, дали знаевте дека користењето алуминиумска фолија во замрзнувачот може да биде одличен начин да заштедите пари? Овој метод вреди да се испроба веднаш.
Колку е поголема количината мраз во замрзнувачот, толку повеќе енергија троши овој важен уред и бара редовно одржување. Во секој дом постои пакување алуминиумска фолија, во форма на практична цевка, која е неопходен сојузник на домаќинките во кујната. Нејзината корисност не лежи само во зачувувањето на храната, што е можеби нејзината главна намена. Фолијата може да задоволи и многу други потреби и да претставува добра алтернатива во секојдневните непредвидени ситуации.
Производителите објаснуваат дека обете страни на фолијата имаат иста функција. Меѓутоа, ако имаме намера да ја користиме на најдобар начин и ако ја користиме во рерна, мора да имаме предвид дека сјајната страна на фолијата апсорбира повеќе топлина, бидејќи рефлектира повеќе светлина.
Затоа, препорачливо е сјајната страна да биде одвнатре, а мат страната однадвор при готвење. Кога станува збор за пакување храна, употребата е ирелевантна, иако сјајната страна има тенденција да биде однадвор, што веројатно е повеќе естетски проблем отколку било што друго. Но, двете страни на фолијата ја вршат истата работа за готвење, замрзнување и конзервирање на храната. Нема функционална разлика.
Сепак, се чини дека алуминиумската фолија има уште една неочекувана функција, особено кога се става во фрижидер или замрзнувач. Одмрзнувањето на замрзнувачот е една од најсложените задачи што ги бара овој апарат за најдобро да се зачува храната. Но, покрај тоа, одмрзнувањето на замрзнувачот гарантира помала потрошувачка на електрична енергија.
За замрзнувачот да работи правилно, потребно е да се стопи целиот мраз, да се исклучи, а потоа да се испразни, вклучувајќи ја целата складирана храна и мразот што се формирал. За храната што треба да се врати во замрзнувачот, целата операција мора да се изврши брзо, поради што алуминиумската фолија е корисна во замрзнувачот. Имено, потребно е внимателно да се покријат сите страни на замрзнувачот со фолија.
Потоа можеме да ја вратиме замрзнатата храна и да почекаме алуминиумската фолија да си го одработи своето. Во пракса, мразот ќе се распадне и ќе се наталожи на фолијата, а кога ќе се отстранат листовите, замрзнувачот ќе биде чист без напор. Во меѓувреме, можете да продолжите со чистење на секоја преграда, чистејќи ги сите полици и фиоки на фрижидерот со топла вода и сода бикарбона, што е идеално за дезинфекција и спречување на непријатни мириси. Пробајте го овој метод и видете колку лесно и брзо можете да го одржувате замрзнувачот чист, а воедно да заштедите пари на сметките за струја.
фото: принтскрин
Трамп по телефонскиот разговор: Ќе се сретнам со Путин во Будимпешта
Американскиот претседател Доналд Трамп денес разговараше по телефон со рускиот претседател Владимир Путин, еден ден пред најавената средба со украинскиот...
МВР со детали: Поткопан е темелот на куќата на Владо Малески, против сторителот ќе биде поднесена кривична пријава
Се огласи полицијата по случајот со уривањето на дел од спомен-куќата на Владо Малески, авторот на текстот на македонската химна....
Очекувам победа во првиот круг, не за да добијам политичка круна, туку за да не се пролонгираат сегашната голгота и хаосот, рече Ѓорѓиевски
Кадидатот за градоначалник на Скопје од ВМРО-ДПМНЕ, Орце Ѓорѓиевски, е убеден во победа, а вели дека искрено очекува тоа да...
Поради сериозен дефект, МРТВ не емитува три дневника: се проверува дали е намерен упад во системот
Македонската радио-телевизија информира дека поради сериозен технички проблем, вчера не беше во можност да ги емитува телевизиските дневници во 17,...
Родителите на жртвите од „Пулс“: Привремено се прекинуваат блокадите, маршевите продолжуваат секоја сабота
Семејствата на трагично починатите деца во пожарот во дискотеката „Пулс“ во Кочани информираа дека по добивањето на датумот за почеток...
Прекин на испораката на гас за ЈСП, можни се отстапувања од возниот ред
ЈСП информира дека до утре ќе има прекин на испораката на гас и поради тоа е можно да има прекин...
На 35 вакцинални пункта во државата денеска почна вакцинацијата против сезонскиот грип, досега пријавени 43.000 граѓани
Министерството за здравство информира дека денеска почна вакцинацијата против сезонски грип, која се спроведува на вкупно 35 вакцинални пункта низ...
Судењето за пожарот во „Пулс“ почнува на 19 ноември
Судењето за пожарот во дискотеката „Пулс“ во Кочани, во кој загинаа 63 лица, почнува на 19 ноември во судницата во...
Сиљановска – Давкова очекува помош од ЕУ во пронаоѓањето креативно решение за деблокада на македонските интеграции
Претседателката Гордана Сиљановска – Давкова очекува помош од Унијата во пронаоѓањето на излезно креативно решение за деблокада на македонските интеграции....
ВМРО-ДПМНЕ: Фатмир Дехари е градоначалник на срамот во Кичево, малтретирал и сексуално понижувал жени
Фатмир Дехари е градоначалник на срамот во Кичево. Дехари е симбол за брутална злоупотреба на моќта, понижување на жените, и...
Трамп: Хамас копа во урнатините и бара тела на заложници, тоа е ужасен процес
Американскиот претседател Доналд Трамп вчера изјави дека Хамас продолжува со напорите за враќање на телата на мртвите израелски заложници држени...
Немири на пропалестинските протести во Валенсија
Најмалку пет лица беа приведени, а неколку беа повредени во пропалестинските протести во Валенсија што се одржаа пред и за...
(Видео) Трамп: Америка е во трговска војна со Кина
Американскиот претседател Доналд Трамп вчера изјави дека САД се во трговска војна со Кина. Новинарите во Белата куќа го прашаа...
Украина тврди дека идентификувала повеќе од 1.000 Кубанци, кои се борат за Русија
Украинското воено разузнавање (ХУР) објави дека најмалку 1.076 кубански државјани се бореле или сè уште се борат на страната на...
Хамас врати уште две тела на заложници, велат дека не може да ги пронајдат другите
Хамас вчера ги предаде останките на уште двајца заложници на Меѓународниот комитет на Црвениот крст, но соопшти дека во моментов...
Фон дер Лајен по посетата на Македонија: Топката е во Вашиот двор, ЕУ е подготвена
Целосно стоиме зад Северна Македонија на нејзиниот пат кон Европската Унија. Може да сметате на нас. Вашиот следен и единствен...
Гаши – фон дер Лајен: Економска интеграција на единствениот европски пазар пред интеграција во ЕУ
Претседателот на Собранието, Африм Гаши, оствари средба со претседателката на Европската комисија, Урсула фон дер Лајен, која во рамките на...
Поради изградба на објект, оштетен е ѕид и кровот на куќата на Владо Малески во Струга, споменик заштитен како културно наследство
Поради изградба на објект, оштетен е ѕид и кровот на куќата на Владо Малески во Струга, споменик заштитен како културно...
Мицкоски на средбата со фон дер Лајен: Државата очекува од Европската Унија јасна и конкретна посветеност
Денес во просториите на Владата, премиерот, Христијан Мицкоски, имаше средба со претседателката на Европската комисија, Урсула фон дер Лајен, во...
Уставниот суд не поведе постапка по иницијативата на Левица, партијата ќе се жали во Стразбур
Уставниот суд ја одби Иницијативата на Левица за оценување на уставноста и законитоста против Упатството на ААВМУ што се однесува...
