Забава
Во Алејата на сфингите ископана црква од петтиот век
Тим египетски археолози во градот Луксор нашол остатоци од црква од петтиот век и вдлабнатина за мерење на нивото на водата на Нил од вториот век пред нашата ера
Според соопштенијата на египетската Агенција за старини, остатоците од црквата на вдлабнатината се пронајдени во текот на рутинските ископувања во локалитетот кој во светот е позната како Алејата на сфингите. Овој локалитет кој е едно од најпознатите туристички дестинации во Египет и во светот воопшто, ги поврзува големите храмови од древната египетска цивилизација во Луксор и во Карнак. Како што пренесуваат агенциите, за изградба на црквата биле користени камени блокови од времето на фараоните од ткн. грчко-римски период. Тие на места биле украсени со натписи, појасниле од Агенцијата за остатоци од средниот век. Покрај црквата било пронајдено и вдлабнувањето за мерење на нивото на водата на реката Нил. Тоа е подземна просторија длабока седум метри која е составена од камени блокови и басамаци во облик на полжав кои ја обвиваат просторијата. Ткн. нилометар бил поплочен со керамика од времето на Новото египетско царство, 1530 до 1075 г. пре.н.е. Црквата и нилометарот се пронајдени при реставрацијата на Алејата на сфингите која е долга 2.700 а широка седумдесет метри. По нејзината должина се наредени сфинги со тела на лав и галва на човек или овен што го симболизираат богот Ра. Алејата е градена во времето на владеењето на фараонот Аменхотеп Трети (1379-1340 г.пр.н.е.). На деловите каде недостигаат сфинги ќе биде оставен простор бидејќи Египјаните е се согласува со идејата таму да бидат поставени реплики.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
Како изгледа денес Роуз од „Два и пол мажи“ која го демнеше Чарли
Хит серијата „Два и пол мажи“ се емитуваше од 2003 до 2015 година, а во главните улоги беа Чарли Шин, Џон Крајер и Ангус Т. Џонс.
Улогата на композиторот и женкар Чарли ја толкуваше Чарли Шин, се до кавгата со продуцентите кога беше заменет со Ештон Качер, а многумина се сеќаваат и на Роуз која со сите сили се трудеше да го освои неговото срце.
Улогата на Роуз ја толкуваше актерката Мелани Лински, која се прослави по оваа улога. Актерката минатата година постигна голем успех во кариерата со улогата во серијата “Yellowjackets”, но и покрај тоа се бореше со „стандардите за убавина“.
Таа изјави за „Њујорк Тајмс“ дека нејзината кариера првично се засновала на сценарија за „дебела пријателка“ или „смешна дебела жена“.
„Луѓето кои ја оценуваат мојата тежина и здравје се приказна за мојот живот уште од премиерата на “Yellowjackets”, напиша таа на мрежата „Х“ и додаде дека „да се биде слаб не секогаш значи да се биде здрав“.
Нејзиниот сопруг ја поддржал, пишувајќи на мрежата „Икс“: „Ако некој има несакани коментари за нечиј изглед, слободно нека ги напише со трајно мастило на челото и нека излезе директно на сонце“.
Забава
Луѓето родени во овие два хороскопски знаци не сакаат да готват
Готвењето е уметност – барем за некои луѓе. Меѓутоа, други секогаш ја избегнуваат кујната и често може да ги фатите како нарачуваат храна од ресторани. Тие луѓе можеби се родени во овие хороскопски знаци.
Водолија
Водолиите се современи визионери, а нивната имагинација често ги надминува секојдневните задачи како што е готвењето. Наместо да поминуваат време на сечкање зеленчук, тие веројатно се зафатени со создавање револуционерни идеи кои ќе го променат светот. Кујната е едноставно преполна и премногу рестриктивна за нив; тие попрво би откриле нови светови отколку да мешаат сосови.
Стрелец
За Стрелците светот е нивна авантура, а кујната е како темнина која едноставно не сакаат да ја истражуваат. Тие се премногу зафатени со мечтаење за нивната следна дестинација или планирање авантури, па кујната често ја нема на нивната мапа. Стрелците ја сакаат слободата и слободата на движење, а готвењето често ги спречува да истражат се што може да понуди светот.
Забава
Петар Грашо и Хана Хуљиќ го очекуваат своето второ дете
Петар Грашо и Хана Хуљиќ го чекаат своето второ дете.
Ова го потврди пејачката во емисијата Ин Магазин. Парот ќе станат родители по втор пат, откако пред година и девет месеци ја добија малата Алба.
View this post on Instagram
Хана неодамна проговори за мајчинството.
„Толку многу уживам во секој момент со неа, знам дека брзо ќе порасне и можеби сега едвај чекам да порасне, но кога ќе порасне ќе ми биде жал. Убава е, весела е. Таа донесе нешто посебно во нашиот живот“, изјави Хана. Вели дека многу и помагаат двете баби.
Хана е среќна што Алба расте во вљубено семејство.
„Горда сум што детето расте во љубов, што за жал не е толку често во денешно време и секогаш ми е жал за децата кои ја немаат и ми е тешка тема“, додаде таа.
Хана и Петар се венчаа во февруари 2022 година во Сплит.