Македонија
Пржино: Нема договор за излез од кризата
Уште една преговарачка рунда на претставниците на четирите политички партии заврши во петок, без да се постигне конкретен договор.
Претставниците на партиите кои се сретнаа во резиденцијата на ЕУ во Пржино, останаа на вчерашните позиции, ВМРО-ДПМНЕ и ДУИ дека има мал напредок, а СДСМ дека нема поместување. „Не може да се преговара и да прифатиме во избирачкиот список да останат имиња кои ниту со теренски, ниту со вкрстени проверки не може да бидат верификувани. Ние сакаме список кој е соодветен на реалноста во земјата. Исто така, нема никакви сигнали дека ВМРО-ДПМНЕ е подготвена да се откаже од контролата на медиумите“, изјави по средбата Рената Дескоска од СДСМ.Според неа, не се знае ни дали до 15 јули ќе има договор, а секако нема најава ни за лидерска средба.Од друга страна пак, претставникот од ВМРО-ДПМНЕ, Никола Тодоров, денеска е поголем оптимист од вчера и вели дека има поголем напредок.„Стравот на СДСМ од избори и од соочување со граѓаните е повеќе од очигледен“, изјави тој и додаде дека СДСМ и ВМРО-ДПМНЕ се согласиле околу барањата на опозициската партија за избирачкиот список, а и во голем дел од предлозите за медиумите.„Не се согласивме само околу казните за медиумите затоа што од СДСМ бараат поголеми казни, а ние, симболични, од едно евро“, рече Тодоров.Одговарајќи на новинарско прашање дали оптимизмот го црпи од новата еврообврзница и од задолжувањето, пари кои, наводно, ќе се користат за популистички мерки, Тодоров рече дека задолжувањето не е причина за оптимизмот туку дека ВМРО-ДПМНЕ сака со инвестиции и со проекти да го направи животот на граѓаните подобар.Артан Груби од ДУИ го повтори вчерашниот став дека тој сè уште е оптимист и дека напредок има, а одговорноста ја префрли кај СДСМ, при што рече дека ако има конструктивност од македонската опозициска партија, многу бргу може да има фер и демократски избори.Со овие позиции за Избирачкиот список и за реформата на медиумите, четирите партии ќе ја пречекаат Викторија Нуланд в понеделник, затоа што за викендов не се предвидени нови средби./крај/мф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
(Видео) Безбеден град денес регистрираше 500 казни
Министерот за внатрешни работи Панче Тошковски вечерва преку објава на социјалната мрежа Фејсбук им порача на граѓаните дека треба да бидат горди на себе.
-Први февруари 2026 година, околу 20 часот. Има драстично намалување на бројката на сообраќајни прекршоци споредено со пред 2 месеци кога почнавме со тест периодот. Имаме околу 500 сообраќајни прекршоци констатирани од страна на паметните камери и сакам да укажам огромна благодарност до македонските граѓани и совесните учесници во рамки на сообраќајот зашто вие сте тие кои овозможивте драстично да се намали бројката за период од околу 2 месеци од 120 илјади прекршоци на 500, порача министерот.
Македонија
Сообраќајниот хаос во центарот ќе се намали за најмалку 30 отсто
Градоначалникот на Град Скопје, Орце Ѓорѓиевски, денеска официјално го означи почетокот на градежните активности на булеварот Македонија, проект за кој, како што рече, со години се зборувало, но без конкретна реализација.
Ѓорѓиевски истакна дека стартува првата фаза, која треба значително да придонесе за растоварување на сообраќајот во централното градско подрачје, со проекција за намалување на сообраќајниот метеж за најмалку 30 проценти. Првата фаза, според најавите, ќе се реализира во рок од 90 дена.
Тој најави дека веќе наредната недела ќе започне тендерската постапка за втората фаза, која ќе опфати изградба на два нови кружни текови и влез во подземна сообраќајница. Целта, како што рече, е да не се губи време и втората фаза да започне веднаш по завршувањето на првата.
Во рамки на првата фаза се предвидува проширување на дел од постојните сообраќајници, уредување на просторот, изградба на нова атмосферска канализација и поставување на 60 нови шахти, со што ќе се решава и проблемот со атмосферските води во овој дел од градот. Проектот вклучува и проширување на улицата „Пролет“, нов приклучок и крак кон булеварот „Борис Трајковски“, како и проширување и нов крак кон улицата „11 Октомври“.
Ѓорѓиевски изрази уверување дека по истекот на 90 дена ќе биде пресечена лентата за завршување на првата фаза и нагласи дека до крајот на неговиот мандат ќе вложи максимални напори, заедно со својот тим, целата сообраќајница со должина од околу два километри целосно да биде завршена. Проектот, според него, претставува еден од најзначајните за главниот град и дел од ветувањата дадени пред граѓаните.
На крајот, градоначалникот со симболична забелешка посочи дека речиси секој значаен проект што го започнуваат заедно со претседателот на Владата е проследен со дожд, што, како што рече, го доживува како добар знак и бериќет за брза и успешна реализација на градежните активности.
Македонија
СДСМ и ВМРО-ДПМНЕ се скараа за дрогата која била набавена во Македонија
Опозициската СДСМ денеска со остро соопштение реагираше по заплената на околу пет тони дрога во Србија, наведувајќи дека наркотиците пристигнале преку Македонија и дека станува збор за, како што велат, „картелски скандал од огромни размери“.
Од СДСМ посочуваат дека меѓу уапсените лица има и косопственик на македонска фирма, што, според нив, отвора сериозни прашања за одговорноста на институциите и можната вмешаност на државни структури.
„Како е можно пет тони дрога да поминат преку македонската граница, а Владата да молчи? Без поддршка или затворање очи од структури во власта и институциите, ваков шверц е невозможен“, наведуваат од партијата.
Од ВМРО-ДПМНЕ возвратија:
СДСM прашуваат како поминала дрогата? Одговорите на овие прашања нека ги постават кај познатиот сопственик на фабрика за марихуана Зоран Заев, независно дали се наоѓа во Струмица или на трошење на пари во сигурниот Дубаи. Директен линк со него има Венко Филипче.

