Забава
Флит шер – делење на службените возила
Изнајмувањето на автомобил на час одамна се смета за евтина и еколошки чиста алтернатива на поседувањето автомобили
Изнајмувањето на автомобил на час одамна се смета за евтина и еколошки чиста алтернатива на поседувањето автомобили.
Во САД компаниите како што е Зипкар имаат голем број автомобили што претплатниците можат да ги резервираат и да ги возат онолку колку што им е потребно.
Тој вид сервис стекнува популарност во големите градови каде често е скапо и нефункционално да се поседува сопствено возило.
Некои градови, јавува Гласот на Америка сега се обидуваат да применат сличен систем и со службените возила.
Керин Лебланк, работи во градскиот Секретаријат за транспорт во Вашингтон и е една од првите кои го испробале програмот наречен Флит шер.
Бел автомобил од марката хонда сивик, на природен гас, паркиран е позади зградата на градската управа. Керин го резервирала преку интернет. На внатрешната страна на ветробранското стакло е прицврстен мал апарат наречен транспондер, што реагира на предмет сличен на кредитна картичка.
“Кога ова ’картонче’ ќе го допрам на стаклото, се слуша мало ’клик’ и автомобилот се отвора“, ја објаснува Керин едноставната операција што значи – резервоарот е полн, клучевите се во колата и Керин може да тргне.
“Го користам Флит шер два до три пати неделно за било каков состанок на кој треба да одам и многу сум задоволна“, вели таа.
Овој процес им е познат на граѓаните кои ги користат услугите на Зипкар. Засега, Вашингтон има 60 автомобили опремени со слични уреди. Но, она што е посебно важно е фактот дека тие автомобили заменуваат 360 возила, бидејќи нивниот степен на искористеност се искачил на 71 отсто.
Заменик градоначалникот на Вашингтон, Ден Тангерлини, кој во меѓувреме преминал на друга функција, го покажува паркингот позади градската влада.
Од една страна празни места резервирани за возилата користени на час, а од друга страна низа од бели службени возила.
“Го гледате ли овој куп метал овде? Сите тие возила ги задолжиле разни функционери кои моментално немаат потреба да бидат во нив“, вели тој.
Тангерлини тврди дека системот на користење на службени возила по потреба ќе му заштеди на градот околу шест милиони долари во наредните пет години, што не е мал износ во време на буџетски рестрикции.
Тоа е воедно една од главните причини што телефонот на Скот Грифит непрекинато звони. Грифит е директор на компанијата Зипкар, која моментално преговара со властите во 25 американски градови.
“Сите имаат ист проблем – недоволни даночни приходи и премногу возила. Но, нивните луѓе мора да се движат по градот во текот на денот, поради што ние сме тука да им помогнеме да го направат тоа на најефикасен начин“, нагласува Грифит, додавајќи дека сепак не е се во парите.
“Кога делат исто возило, луѓето возат на поефикасен начин – кога мора да го резервираат однапред, тогаш се трудат повеќе обврски и да ги поврзат во едно возење“, тврди тој.
Слични програми веќе функционираат во Чикаго, Сан Франциско, Филаделфија и во други градови. Некои градови им овозможуваат на своите службеници да ги користат истите автомобили кои приватните граѓани ги изнајмуваат на час.
“Една од предностите на користење на автомобилот на час за општините, па дури и за приватните компании, е во тоа што обичните граѓани почесто ги користат навечер и преку викенд, додека општините и фирмите повеќе ги користат преку ден и во работно време“, вели Ели Масер, еден од основачите на непрофитната организација Фили кар шер.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
Принцезата Шарлот денеска полни девет години, обожавателите со нетрпение очекуваат фотографија
Принцот и принцезата од Велс, имаат уште една причина за славење оваа недела – роденденот на принцезата Шарлот.
Принцезата Шарлот денеска наполни девет години и обожавателите со нетрпение ја очекуваа годишната роденденска фотографија што семејството ќе ја објави на нивниот посебен ден, објави Мирор.
Сепак, тие ја прекинаа традицијата минатата недела кога принцот Луис наполни шест години, а се чини дека планираат да го сторат истото и овој пат.
Забава
Принцот Вилијам ја воодушеви и шокираше сопругата Кејт со подароци: Најчуден е оној од почетокот на нивната врска
Повеќето сопрузи им подарувале на своите сопруги подароци за годишнината што би сакале да ги заборават, а принцот Вилијам не е исклучок.
Тој со текот на годините ја воодушевуваше и шокираше принцезата Кејт со подароци што таа или ги мразеше или сакаше, објави Мирор, истакнувајќи дека парот веќе ја прослави 13-годишнината од бракот.
Самиот Вилијам призна дека некои од неговите подароци биле погодени или промашени.
Принцот Вилијам (41) и купи на Кејт нежен часовник од 4.850 фунти Balloon Blu d Cartier за нивната трета годишнина од брак во 2014 година.
За време на кралската турнеја низ Канада во 2016 година, принцезата од Велс беше видена како носи часовник со ситни сафири, што одговараше на нејзиниот веренички прстен, исто така уште еден скап подарок.
Сепак, принцот Вилијам неодамна призна дека еднаш на својата сопруга и подарил двоглед на почетокот на нивната врска бидејќи во тоа време се чинело соодветно.
Принцот Вилијам и купил на својата сопруга комплет за накит вреден 121.000 фунти за нејзиниот роденден.
Се верува дека тоа било подарок за нејзиниот 30-ти роденден во 2012 година, иако тоа не е потврдено, а во 2022 година, Кејт носеше пар обетки од 100 фунти, кои беа божиќен подарок од принцот Вилијам од брендот Сезан.
Наука
Здравиот начин на живот го неутрализира влијанието на генетиката за повеќе од 60 проценти, покажува истражување
Здравиот начин на живот може да го компензира влијанието на генетиката за повеќе од 60 проценти и да додаде уште пет години на животот, според првата студија спроведена на оваа тема.
Добро е познато дека некои луѓе се генетски предиспонирани за пократок животен век, објави Гардијан.
Исто така, добро е познато дека факторите на животниот стил, особено пушењето, консумирањето алкохол, исхраната и физичката активност, можат да влијаат на долговечноста.
Сепак, досега не е направено истражување за степенот до кој здравиот начин на живот може да се спротивстави на генетиката.
Наодите од неколку долгорочни студии сугерираат дека здравиот начин на живот може да ги ублажи ефектите од гените што го скратуваат животот за 62 проценти и да додаде дури пет години на животот.
Резултатите беа објавени во списанието BMJ Evidence-Based Medicine.
Оваа студија ја појаснува клучната улога на здравиот начин на живот во ублажувањето на влијанието на генетските фактори врз скратувањето на животниот век, заклучија истражувачите.
Студијата опфатила 353.742 луѓе од Обединетото Кралство Биобанка и открила дека оние со висок генетски ризик за пократок живот имаат 21 отсто зголемен ризик од рана смрт во споредба со оние со низок генетски ризик, без оглед на нивниот животен стил.