Американските работодавачи во ноември отвориле 203 илјади нови работни места, малку повеќе отколку што се очекуваше, при што стапката на невработеност се спуштила на најниското ниво во последните пет години од 7 отсто, покажаа најновите податоци на американското министерство за труд објавени во петокот.

Бројот на новите работни места во најголемата светска економија е поголем од 180 илјади колку во просек очекуваа аналитичарите од анкетата на Reuters. Очекувана беше и за нешто поблага стапка на невработеноста, на 7,2 отсто од 7,3 отсто којашто беше забележана во октомври.

Министерството за труд на САД, исто така, нагоре ги ревидираше и податоците за претходните два месеца, според коишто сега во септември и октомври се отворени осум илјади работни места повеќе отколку што претходно објави. Во изминатата година бројот на вработените во САД месечно во просек растел за 195 илјади, објави министерството.

Растот на вработеноста во ноември е забележан во речиси во сите сектори, вклучувајќи го и транспортот, складирањето, здравствената нега и производството. Во производствениот сектор бројот на вработените е зголемен за 27 илјади, забележувајќи раст четврти месец по ред, додека во градежниот сектор пораснал за 17 илјади а во секторот на малопродажбата за 22 илјади, покажуваат официјалните податоци на министерството за труд на САД.

На ниво на вкупниот државен сектор забележан е раст на бројот на вработените, и тоа благодарејќи на тоа што вработувањата во државната управа и органите на локалната управа ги надминале отпуштањата во сојузната влада. Во сојузната влада укинати се седум илјади работни места на месечно ниво, при што вкупниот број откази во изминатата година достигнал 92 илјади.

Во ноември во САД, според податоците на тамошното министерство за труд, биле 10,9 милиони луѓе.

Внимателно следениот извештај за вработеноста во САД е објавен пред скорешното заседание на челниците на американската централна банка Federal Reserve (Fed) коешто ќе се одржи на 17-ти и 18-ти декември. Посилниот раст на вработеноста отколку што се очекуваше би можел да ги поттикне шпекулациите дека Fed уште во декември би можел да ги намалува поттикнувачките мерки, иако повеќето водечки економисти сметаат дека баката сака да добие дополнителни докази за напредувањето во економијата, па дури потоа да се реши за следните потези./крај/мф/сн