Македонија
Западен Балкан бара помош од Европа за проблемот со имигрантите
Проблемот со имигрантите, со кој е соочуваат сите земји од регионот, е главна тема на состанокот на Централно европската иницијатива (ЦЕИ) којшто започна во понеделникот во Охрид, во рамки на годинешното претседавање на Република Македонија со ЦЕИ.
„Земјите од Западен Балкан, кои во просек се и посиромашни, не може да се очекува да се опремени за справување со ваков наплив од бегалци и да се справат на начин како што можат да се справат земјите од ЕУ. Доколку ЕУ обезбедува и фондови, и се координира меѓусебно за да се справи со овој проблем, незамисливо е тоа да биде успешно направено без европска помош и без наша вклученост во таа нивна стратегија“, рече министерот за надворешни работи на Македонија, Никола Попоски.Побара сеопфатна стратегија којашто ќе ги вклучи и земјите од Западен Балкан во европската стратегија за справување со сериозниот предизвик на миграциски движења.„Имавме повеќе можности за дискусии околу тоа дека сите земји од Западен Балкан имаат иднина во ЕУ и дека таа иднина ги определува и перспективите на земјите од нашиот регион. Заклучокот од тука и пораката упатена до европските партнери беше дека таквата иднина мора да биде заокружена со една јасна временска рамка. Без таква временска рамка би го намалиле кредибилитетот на таа извесна европска иднина која е пропагирана во рамки на берлинскиот процес и веруваме сите дека ќе биде потврдена на следната Виенска конференција во август“, додаде Попоски.Истакна дека е краток рокот и мандатот на оваа Европска комисија, но дека мора да постои некаква рамка којашто ќе определи временски период во кој може земјите од Западен Балкан да очекуваат да се приклучуваат кон ЕУ.Министерот за надворешни работи на Унгарија, Петер Сјарто, истакна дека Европа се соочува со загрижувачки притисок од миграцијата и дека тој е поголем од кога и да е досега.„Нивото на притисок е повисоко од било кога и доаѓа од два правци. Едниот е Медитеранот, а другиот е низ земјите од Западен Балкан. Нашата јасна позиција е дека ЕУ треба да се соочи со двата предизвици, не само со притисокот кој доаѓа од Медитеранот, туку и со миграцијата од Западен Балкан. Решението на овој предизвик не е внатре во ЕУ, туку надвор. Потребен е мир и економска стабилност во регионот кој е соочен со притисок од миграцијата. Затоа мораме да ги засилиме напорите во борба против терористичките организации како Исламската држава. Во тој контекст парламентот на Унгарија донесе одлука да испрати 150 војници на линијата на фронтот. Исто така, даваме финансиска помош за развој на регионот од каде доаѓа миграцијата, но мислам дека таа помош треба да биде одржлива, затоа што овие земји треба да ги подобрат условите во нив со што лицата кои стануваат имигранти нема да бидат принудени од политички или од економски причини да ги напуштат своите домови“, рече Сјарто.Во контекст на најавите за затворање на границата на Унгарија со Србија, шефот на унгарската дипломатија истакна дека по воспоставувањето интензивна соработка со српските власти бројот на имигранти значително бил намален.Министерот за надворешни работи на Србија, вицепремиер и актуелен претседавач со ОБСЕ, Ивица Дачиќ, рече дека Србија и Македонија имаат ист проблем, а тоа е дека имигрантите влегуваат во нашите земји од Европската унија.„Согласно тоа, ЕУ треба внатре да разгледа механизми како нивните граници се така чувствителни и како поминуваат толкав број имигранти. Ние соработуваме со Унгарија, Австрија и Германија, но и со полицијата и државните органи на Македонија и ова мора да биде заеднички европски одговор“, порача Дачиќ, додавајќи дека не очекува Унгарија да ја затвори границата со Србија поради проблемот со имигрантите.Дачиќ се осврна и на актуелната состојба во Македонија, по случувањата во Куманово.„Како претседавач на ОБСЕ го испратив двапати во Македонија претставникот за Западен Балкан кој разговараше со државниот врв и претставници на опозицијата. Ние ги подржуваме сите настојувања на ЕУ ситуацијата да се реши во политички рамки, секако осудуваме секаков облик на загрозување на Македонија, како и секаков облик на насилство и тероризам“, истакна Дачиќ.На состанокот во Охрид присуствуваат министри за надворешни работи, заменици министри за надворешни работи, претставници на министерства за надворешни работи и/или нивни претставници од државите членки на ЦЕИ како Македонија, Албанија, Австрија, Белорусија, Босна и Херцеговина, Бугарија, Хрватска, Чешка, Молдавија, Црна Гора, Полска, Романија, Србија, Словачка, Унгарија, Италија, Словенија и Украина. Покрај нив, на состанокот ќе присуствуваат и специјални претставници од Европската Унија, Европската банка за реконструкција и развој, Секретаријатот на ЦЕИ, ОБСЕ, Совет на Европа, Советот на Балтички држави, РЦЦ и многу други./крај/мф/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Безбедно пронајдени и евакуирани граѓани од височините на Осоговските планини
Денеска, во 16.15 часот од лицето за контакт од Доброволнота спасувачка служба „Осогово“ Кочани, ЦУК добил известување дека неколку лица враќајќи се од настан на „Царев Врв“ на Осоговски планини имале дефект на возилото и истите побарале помош.
Даден бил совет лицата да се јават на бројот 112 за да се утврди нивната локација.
Откако се лоцирани, лицата биле пронајдени во добра состојба и истите со возило на ДСПС „Осогово“ се вратени во викенд населба ,,Пониква”.
Нивното возило заради дефект е оставено на местото каде се најдени и дополнително ќе го отстранат сопствениците, информираат од ЦУК.
Македонија
Сиљановска Давкова со италијанскиот претседател Матарела: побарани гаранции за европските интеграции
Претседателката Гордана Сиљановска Давкова во рамки на посетата на Италијанската Република денеска оствари средба со италијанскиот претседател Серџо Матарела.
На средбата, претседателката изрази задоволство што нејзината прва посета на земја членка на ЕУ и НАТО е во Италија, што претставува потврда за пријателските односи меѓу двете земји и истакна дека ќе се залага за натамошно унапредување на политичкиот дијалог и интензивирање на севкупните билатерални односи на македонската со Италијанската Република.
Двајцата соговорници разменија мислења за предизвиците на македонскиот евроинтегративен процес при што претседателката упати благодарност за досегашната италијанска поддршка на политиката на проширување на Европската Унија, како и за позитивниот однос при надминување на меѓусоседските спорови при приемот на нови членки во Унијата. Со цел одржување на кредибилноста на процесот на проширување, почитување на меѓународното право и универзалните демократски вредности, Сиљановска Давкова изрази надеж дека Италијанската Република и во иднина ќе го поддржува мериторниот процес на исполнување на Копенхагенските критериуми во однос на евроинтеграциите. Воедно, таа изрази подготвеност за соработка со цел доследна реализација на сите неопходни реформи во клучните области кои беа нотирани од страна на Европската Комисија.
Како НАТО сојузници, на средбата беше потврдена подготвеноста за продолжување на одбранбената соработка и меѓусебна поддршка во однос на надминување на актуелните безбедносни предизвици на европскиот континент. Во таа насока, беа разменети мислења околу политичките состојби и отворените прашања на Западниот Балкан, коишто се од интерес за безбедноста и стабилноста на поширокиот регион.
Посочувајќи дека Италија е наш значаен трговски партнер, Сиљановска Давкова искажа интерес за засилување на постоечките и изнаоѓање на нови можности за продлабочување на економските односи и проширување на соработката во областа на туризмот, политиките за млади и спорт, како и на креативната индустрија.
Во изјава за медиумите таа ја оцени средбата како плодна и конструктивна, на која претседателот Матарела ја потврдил заложбата на Италија да го поддржува регионот и да нè поддржува нас во секој поглед, не само во евроинтеграциите туку и во економијата, образованието, културата, одбраната, како и италијанското и нашето членство во меѓународни организации.
„Јас побарав од италијанскиот претседател и од Италија, на нашиот натамошен пат да помогнат околу давање гаранции, гаранции за нашата европска политичка иднина, на што тој одговори дека е спремен да застане зад нас, се разбира во барањето на решенијата со соседите, рече Сиљановска Давкова, нагласувајќи дека италијанскиот претседател изразил длабоко разбирање за направените жртви во процесот на евроинтеграциите.
„Постигнавме согласност или се согласивме дека европските стандарди треба да се почитуваат од сите и од оние надвор, како нас, но и од оние внатре“, истакна претседателката со италијанскиот претседател Матарела.
Претседателката Сиљановска Давкова престојува и ја предводи државно-црковната делегација во посета на Италијанската Република и Светиот Престол по повод манифестацијата „Македонија во чест на Св. Кирил“.
Сервисни информации
АМСМ: Сообраќајот се одвива непречено, на граничните премини нема подолги задржувања
Сообраќајот на државните патишта се одвива непречено, по претежно суви коловози.
Интензитетот на сообраќај на патните правци надвор од градските средини е умерен. На граничните премини од македонска страна, нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.