Македонија
Сексуалната експлоатација и присилните бракови најзастапени од областа на трговијата со луѓе

Сексуалната експлоатација, присилните бракови и трудовата експлоатација се најзастапени кривични дела од областа на трговијата со луѓе, покажуваат аналитичките опсервации на Министерството за внатрешни работи.
За изминатите 11 месеци идентификувани се вкупно осум жртви на трговија со луѓе, шест малолетни и две полнолетни лица, а меѓу нив има едно лице од машки пол. Сите се наши државјани, само една од жртвите е странска државјанка која добила дозвола за привремен престој во земјава.Пет од жртвите се експлоатирани во скопскиот, една во пелагонискиот регион, додека две наши малолетни државјанки се експлоатирани во странство, Словенија и Италија. Во Центарот за жртви на трговија со луѓе во моментов сместени се шест жртви на трговија кои имаат добиено првична помош и заштита.Ова го истакна министерката за внатрешни работи Гордана Јанкулоска на отворањето на денешната Национална конференција за проактивна и координирана борба против трговијата со луѓе со фокус на трудовата експлоатација што се одржува во скопскиот хотел “Стоун Бриџ“.„Во тој смисол само ќе нотирам дека во текот на оваа година (за изминатите 11 месеци) до ОЈО за организиран криминал и корупција, поднесени се три кривични пријави по член 418-а „Трговија со луѓе“ и 418-г „Трговија со дете“, при што пријавени беа четворица сторители, од кои едно лице е од женски пол“, изјави Јанкулоска.Министерката Јанкулоска потенцираше дека во изминатиот период МВР континуирано превзема мерки и се справува со кривичните дела од областа на трговијата со луѓе и илегалната миграција, при што со тие активности, како и со партнерската соработка со задолжените министерства, со меѓународните институции и асоцијации како и со граѓанските здруженија направено е многу на полето на сузбивањето на овој вид организиран криминалитет.За квалитетот и ефикасноста на тие активности, според Јанкулоска, најдобра потврда е фактот што во годишните извештаи подготвени од страна на американскиот Стејт Департмент Република Македонија по четврти пат по ред е рангирана во ТИЕР-1 групата на земји кои ги исполнуваат потребните услови за успешна борба против трговијата со луѓе./крај/мвр
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Сончево со мала до умерена локална облачност, температурата до 32 степени

Времето денеска ќе биде сончево со мала до умерена локална облачност. Ќе дува слаб до умерен ветер претежно од југозападен правец. Попладне во планинските региони ќе има услови за локален слаб дожд.
Минималната температура ќе биде во интервал од 8 до 17, а максималната ќе достигне од 25 до 32 степена.
Во Скопје, сончево со мала до умерена облачност. Ќе дува слаб до умерен југозападен ветер. Минималната температура ќе се спушти до 14, а максималната ќе достигне до 31 степен.
Времео во наредните денови
Во вторник претежно во планинските региони ќе има услови за локален слаб дожд. Дневните температури ќе бидат малку под просекот за овој период од годината. Од средината на следната седмица времето ќе биде сончево и потопло со пораст на дневната температура.
Македонија
Вкупно девет пожари на отворен простор, активен еден, а два се под контрола

На територијата на државата денеска до 18:00 часот имало вкупно девет пожари на отворен простор, од кои еден е активен, два се под контрола и изгаснати се шест пожари, информира Центарот за управување со кризи.
Активен е пожарот во село Долгаец, во Општина Долнени каде гори мешана шума.
Под контрола се пожарот во резерватот Јасен, во Општина Македонски Брод и пожарот во село Опае, во Општина Липково, каде гореше сува трева и стрниште.
Изгаснат е пожарор на улица 60, до железничка станица, во Општина Куманово, каде гореше сува трева, како и пожарот на ѓубриште кај пругата во Тетово, во Општина Тетово.
Во Општина Желино изгаснат е пожарот кај село Палатица, каде гореше сува трева, потоа пожарто во Радовиш, каде исто така гореше сува трева, како и пожарите во Општина Василево, кај село Пиперово каде гореше сува трева, трска и депонија и во Општина Босилово, кај село Моноспитово, каде гореше сува трева.
Македонија
Ѓорѓиевски вети дека ќе ги среди проблемите со ЈСП, ако стане градоначалник на Скопје

Кандидатот за градоначалник на Град Скопје од редовите на владејачката ВМРО-ДПМНЕ, Орце Ѓорѓиевски, денеска на панел-дискусијата „Локалната и централната власт работат за тебе“ која се одржа во рамки на Саем-Отчет, истакна дека на претстојните локални избори на граѓаните ќе им понуди безбеден и инклузивен град во кој граѓанинот ќе биде во централниот фокус, но пред сè, рече, ќе се посвети на решавање на двата најгорливи проблеми во градот – комуналната хигиена и јавниот превоз.
– На Скопје му требаат брзи и ефикасни решенија, она што јас ќе го понудам на нашите сограѓани за наредните четири години ќе биде отворен, транспарентен град, безбеден град и инклузивен град каде што граѓанинот како никогаш досега ќе биде во централниот фокус и ќе го има приматот, сите наши креации во наредните четири години ќе потекнува изворно од граѓанинот и ќе биде за подобрување на неговите услови за живот. Комунална хигиена и ЈСП се двата најгорливи проблеми, рече Ѓорѓиевски.
Нагласи дека уште од самиот почеток ќе се фокусира на двата столба, односно реорганизација на комуналната хигиена и средување на како што рече катастрофалната состојба со Јавното сообраќајно претпријатие (ЈСП).
– Главен и сериозен фокус ќе биде освен заштитата на животната средина, третирањето на комуналната хигиена, нејзина реорганизација од аспект на механизација и кадров потенцијал, вториот момент кој ќе биде наш фокус е средување на состојбите со ЈСП, еден од главните проблеми на нашите сограѓани е токму транспортот. Тоа се првите два сериозни столба на кои ќе се насочиме од самиот почеток, рече Ѓорѓиевски.
Програмата за претстојните локални избори ќе биде креирана заедно со граѓаните, истакна Ѓорѓиевски, а во неа, како што рече, ќе се содржат решенија за сите проблеми со кои се соочуваат граѓаните.
– Ние сме на изработка на програмата, како никогаш досега ја креираме задно со граѓаните, домашни и меѓународни експерти, ќе понудиме еден добар концепт за граѓаните, еден модел во којшто сите овие горливи проблеми со кои живеат за жал нашите сограѓани, за многу скоро време ќе станат минато. Заедно со Владата очекува силна поддршка во наредните 4 години, не се сомневам дека ќе бидат евидентни резултатите. Ќе понудиме концепт кој ќе содржи за решенија за сите проблеми на граѓаните, брзи и ефикасни,преточени во една долгорочна стратегија на градот Скопје, истакна Ѓорѓиевски.