Забава
Нови правила за заштита од свински грип
Ако летото зборувавме како да се заштитиме од свинскиот грип за време на летното патување, сега и не мора да одите некаде за да се разболите. Вирусот H1N1, тропна и на наша врата. Се пренесува од човек на човек и може сериозно да ги нападне дишните патишта и белите дробови
Добро е уште еднаш да ги повториме симптомите, иако не мора да качите температура за да се обратите кај матичниот лекар.Најчести симптоми се: 1. Покачена телесна температура (над 38 Целзиусови степени), 2. Респираторни симптоми како што се кашлање и течење на носот, 3. Треска, општа слабост и замор, 4. Губење на апетитот 5. Болки во телото (особено во мускулите) 6. Главоболка, 7. Повраќање или пролив (не се типични симптоми на грипот, но пријавени се во некои случаи на инфекција со новиот тип на вирусот на грипот).Миење на рацете, избегнување на контакт со заболено лице, воздржување од допирање на лицето, особено околу носот, устата и очите…тоа ни е веќе познато. Но постојат уште неколку мерки за кои многу малку се зборува, а навистина се пожелни да се практикуваат во ова опасно секојдневје.Нови правила за заштита од свинскиот грип:1. правило: одржувајте хигиена на предметите кои се најголем извор на бактерии. Тука спаѓаат: тастатурата, мобилниот телефон, моливите, пенкалата, бележниците… Барем еднаш во неделата практикувајте да ги бришете со алкохол. Пенкалата никако не ставајте ги в уста, а моливите острете ги почесто за да паднат бактериите. По чистката не употребувајте ги со нечисти раце.2. правило: во истражувањата се вели дека особено треба да се внимава на работното опкружување. Сигурно дека во домот водите сметка за чистотата, но колку истото го практикувате и на работа? Мора да ја кренете хигиената на повисоко ниво. Почнувајќи од тоалетот, па сè до шолјите во кои пиете кафе. Можеби е добро време да ги поделите, да се знае кој од која чаша пие вода, кафе, чај…3. правило: правете гаргара на грлото со топла солена вода, двапати дневно. Плакнењето на грлото е одлична превентивна мерка која може да ја премисли инфекцијата да се развие во H1N1-вирус. Можеби ви звучи банално, но ова е стар и проверен лек кој дејствува. Плакнењето е пожелно да го практикувате и на ноздрите. Во тенџере стоплете вода, ставете малку морска сол и неколку капки ментол. Покријте ја главата и вдишувајте од пареата. Ваквата постапка лекарите ја препорачуваат еднаш во денот.4. правило: консумирајте топли напивки како чај, какао, млеко. Топлите напивки освен што ќе го омекнат црвеното грло, ќе го затоплат желудникот. Температурата која се постигнува е неповолна за преживување на вирусите кои може да предизвикаат грип. Јапонските научници објавија дека чајот од лист од маслинка се покажал како најефикасен во борбата против свинскиот вирус.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
Ева Мендес за семејството и животот во 50-тите: Вака не го замислував мојот пат
Иaкo никогаш не го замислувала својот живот на 50 години, Ева Мендес живее во свој ритам – и не може да биде посреќна. „Не подлегнувам на притисокот на општеството. Што сакам да правам, правам“, вели актерката, која ги има ќерките Есмералда Амада (9) и Амада Ли (8) со Рајан Гослинг.
“Сигурно не мислев дека ќе имам деца и ќе бидам дома. Затоа, многу сум среќна што одреден маж влезе во мојот живот и ме натера да се предомислам за сите тие работи”, рекла таа. Пред 10 години таа ја напушти актерската кариера за да се фокусира на своите деца.
Таа вели дека тоа била „најлесната одлука“ што ја донела. „Кога забременив на 40-годишна возраст, беше страшно за другите. И кога повторно забременив на 42-годишна возраст, луѓето ми велеа: „О Боже мој, ќе бидеш толку уморна“, откри таа.
„Тоа е најглупавата работа што сум ја слушнала. Патем, потребно е само малку повеќе трпение. Мислам дека не бев подготвена за тоа во моите 20-ти, пиев и пушев. Дефинитивно не можев да подигнам деца во кое било друго време од мојот живот освен сега“, додава таа.
Една од најубавите жени на светот истакна дека е „среќна што се отишло во тој правец“.
Инаку, Мендес нема снимено ништо откако стана мајка. Нејзината последна улога беше во 2014 година. Покрај нејзината актерска кариера, таа е портпарол на голема козметичка компанија, модел и креативен директор на брендот за шминка „CIRCA Beauty“.
Забава
Емили Ратајковски го привлече вниманието со фустан кој повеќе открива отколку што крие
Емили Ратајковски присуствуваше на настанот The King’s Trust Global Gala што се одржа во Casa Cipriani во Њујорк, каде што ги привлече погледите со храбар фустан.
Познатата убавица носеше свилен крем фустан со длабоко деколте, кој допираше речиси до нејзиниот папок, а кој ја истакна нејзината витка линија. Фустанот имал и гол грб и бил врзан околу вратот.
The King’s Trust Global Gala е основана од британскиот крал Чарлс III. со цел да им се помогне на младите, а свечениот настан собра многу познати фаци, како моделот Ирина Шајк, актерката Кејт Бекинсејл, славната двојка Криси Тајген и Џон Леџенд, поранешната манекенка Кејт Мос и плус сајз моделот Ешли Греам.
Забава
Мишел Фајфер се појави на црвениот тепих, обожавателите се восхитени од нејзината убавина
Актерката Мишел Фајфер не се појавува често во јавноста, но сега позираше со сопругот Дејвид Е.Кели на црвениот тепих на Американскиот филмски институт во Лос Анџелес. Обожавателите се восхитуваат на нејзиниот изглед во 67-та година и пишуваат дека изгледа како да не старее.
Иконската жена-мачка често зборува за тоа како го прифатила стареењето и се фотографира без шминка. Иако изгледа како да го должи својот фантастичен изглед на посебни скриени трикови, таа тврди дека работата е многу едноставна.
Таа претходно за Daily Mail откри дека доволно спие, вежба и се храни здраво.