Македонија
Вонреден психијатриски преглед и суспензија за службени лица осомничени за насилство
Доколку вработен кој ракува со службено оружје биде осомничен за насилство, задолжително да му се одземе оружјето и веднаш да се направи задолжителен вонреден лекарски преглед, предвидуваат новите законски измени за превенција од семејното насилство.
На седницата на Владата во средата, донесени се заклучоци со кои со конкретни законски измени ќе бидат предвидени одредби кои ќе треба да ги следат сите институции и раководниот кадар во нив, по двете тројни убиства во Кавадарци и Злетово, извршени од поранешен припадник на резервниот состав на безбедносните сили и од професионален војник.„Веднаш потоа, треба да се направи задолжителен вонреден лекарски преглед од стручни лица, доктори, психолози, психијатри кои треба да дадат проценка на моменталната состојба на лицето“, рече портпаролот на Владата, Александар Ѓорѓиев.Со измените институциите ќе можат да покренат дисциплинска постапка за одговорност или да го суспендираат од работа вработениот којшто е осомничен дека извршил насилство или, пак, да го прераспределат во друга институција, каде што ќе нема да има допир со оружје.Ѓорѓиев појасни дека Владата ги задолжила МВР, министерствата за труд и за правда да направат измени во своите закони, со кои ќе утврдат задолжителна обврска на нивните вработени во рок од 24 часа да ги известат институциите во кои има вработен кој има допир или ракува со службено оружје, за евидентиран прекршок или кривично дело со елемент на насилство.Министерствата за внатрешни работи, за одбрана, за финансии, за земјоделство и за правда, исто така, треба за 20 дена да направат законски измени во делот на постапување и ракување со оружје и да предвидат ситуации во кои доколку нивен вработен кој има допир со оружје биде осомничен за некое прекршочно или кривично дело со елемент на насилство, задолжително привремено да му го одземат оружјето./крај/мф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Одлуки за учество на припадници на Армијата на вежби во Германија, Бугарија, Косово
Владата на денешната седница донесе и повеќе одлуки на предлог на Министерството за одбрана, меѓу кои и за испраќање на припадници на Армијата на Република Северна Македонија за учество на вежбата „BEYOND HORIZON 24“, во Република Бугарија, за испраќање на припадници на Армијата на Република Северна Македонија за учество во НАТО операцијата „КФОР“ во Република Косово и за испраќање на припадници на Армијата на Република Северна Македонија за учество на вежбата „Combined Resolve 24-2“ во Сојузна Република Германија.
Македонија
Личните документи ќе можат да се подигнат и в среда, извести МВР
Во пресрет на претстојните Претседателски и Парламентарни избори што ќе се одржат утре, Министерството за внатрешни работи ги известува граѓаните дека Одделот за граѓански работи, односно сите отсеци за управни работи на оваа организациона единица при МВР на 08.05.2024 ќе работат за издавање на лични документи со работно време од 08.00 до 19.00 часот.
„Исто така ги известуваме граѓаните дека сите барања за лични карти кои се поднесени до 03.05.2024 година, се веќе изготвени и граѓаните можат да ги подигнат“, соопшти МВР.
Македонија
Пронајдени три полуавтоматски пиштоли и 139 куршуми, ОЈО Велес отвори истрага за недозволено држење оружје
Основното јавно обвинителство Велес донесе Наредба за спроведување истражна постапка против едно лице за кривично дело – Неовластено изработување, држење, посредување и тргување со оружје или експлозивни материи од член 396 став 5 во врска со став 3 на Кривичниот законик.
„При претрес во домот на осомничениот во селото Мелница, општина Чашка, полицијата пронашла поголемо количество оружје и муниција – три полуавтоматски пиштоли и 139 куршуми со различен калибар. За осомничениот поднесен е предлог за определување мерка притвор“, соопшти Обвинителството.
ОЈО Велес продолжува да постапува и да презема дејствија за проверка на сомненијата за изборен поткуп во однос на овој осомничен и на уште едно лице во велешко кај кое во текот на вчерашниот ден беа извршени претреси, се додава во соопштението.