Забава
Се продаваат играчките на „Форбс“
Колекција на играчки во сопственост на познатиот магазин „Форбс“, од оловни војници, кралеви и кралици, до чамци, борбени и прекуокеански бродови, ќе се најдат на аукција во декември.
Колекција на играчки во сопственост на познатиот магазин „Форбс“, од оловни војници, кралеви и кралици, до чамци, борбени и прекуокеански бродови, ќе се најдат на аукција во декември.
Малком Форбс, син на основачот на магазинот, бил страствен колекционер, како и поголемиот број на мултимилиониери. Но, потполно различен од останатите, бидејќи не собирал антиквитети и импресионирачки платна, туку оловни војници, макети од бродови, викторијански артефакти и понекој мотоцикл. Љубовта кон играчките ја „преземал“ од својот татко кога бил во компанијата. Некој мора да го продолжи тоа што Би Си Форбс го започна кога неговите синови биле мали.
Малком се разликувал од другите богаташи по тоа што ви ниеден случај не бил „анонимен купувач“, а цената тајна. Секогаш привлекувам многу внимание кај медиумите и гордо објавувал со какво „добро“ се подновил.
Бидејќи и ова не му било доволно, тој својата збирка од играчки, пред 25 години ја поставил во холот на седиштето на „Форбс“ на њујоршката Петта авенија. Но,четири години по смртта на Малком, во 1990 година, неговото семејство одлучило да ја „прекине традицијата“, и да продаде мал дел од неговата колекција, што им донело близу 400 илјади долари.
Неодамна, Роберт Форбс, потпретседател на компанијата, изјави дека тој и неговите браќа, решиле да продадат се, поточно други да имаат шанса да ги поседуваат. Така собраните играчки кои датираат од период од 70-те години на 19 до 50-те години на 20 век, ќе бидат понудени на аукција на 17 декември во Њујорк. Аукциската куќа „Стоби“ ќе понуди вкупно 7.500 поединечни минијатури, групирани во 250 серии, за кои се очекува заработката да биде од три до пет милиони долари.
Еден од најинтересните предмети кој ќе се најде на оваа аукција е макетата од прекуокеанскиот брод „Лузитанија“, со целата своја посада и патници, долга 95 сантиметри. Покојниот издавач, оваа макета ја купил за 28.600 долари во 1983 година. Се очекува минијатурата за „Лузитанија“ да достигне цена од 10о до 200 илјади долари./крај/ртс/бс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
Ева Мендес за семејството и животот во 50-тите: Вака не го замислував мојот пат
Иaкo никогаш не го замислувала својот живот на 50 години, Ева Мендес живее во свој ритам – и не може да биде посреќна. „Не подлегнувам на притисокот на општеството. Што сакам да правам, правам“, вели актерката, која ги има ќерките Есмералда Амада (9) и Амада Ли (8) со Рајан Гослинг.
“Сигурно не мислев дека ќе имам деца и ќе бидам дома. Затоа, многу сум среќна што одреден маж влезе во мојот живот и ме натера да се предомислам за сите тие работи”, рекла таа. Пред 10 години таа ја напушти актерската кариера за да се фокусира на своите деца.
Таа вели дека тоа била „најлесната одлука“ што ја донела. „Кога забременив на 40-годишна возраст, беше страшно за другите. И кога повторно забременив на 42-годишна возраст, луѓето ми велеа: „О Боже мој, ќе бидеш толку уморна“, откри таа.
„Тоа е најглупавата работа што сум ја слушнала. Патем, потребно е само малку повеќе трпение. Мислам дека не бев подготвена за тоа во моите 20-ти, пиев и пушев. Дефинитивно не можев да подигнам деца во кое било друго време од мојот живот освен сега“, додава таа.
Една од најубавите жени на светот истакна дека е „среќна што се отишло во тој правец“.
Инаку, Мендес нема снимено ништо откако стана мајка. Нејзината последна улога беше во 2014 година. Покрај нејзината актерска кариера, таа е портпарол на голема козметичка компанија, модел и креативен директор на брендот за шминка „CIRCA Beauty“.
Забава
Емили Ратајковски го привлече вниманието со фустан кој повеќе открива отколку што крие
Емили Ратајковски присуствуваше на настанот The King’s Trust Global Gala што се одржа во Casa Cipriani во Њујорк, каде што ги привлече погледите со храбар фустан.
Познатата убавица носеше свилен крем фустан со длабоко деколте, кој допираше речиси до нејзиниот папок, а кој ја истакна нејзината витка линија. Фустанот имал и гол грб и бил врзан околу вратот.
The King’s Trust Global Gala е основана од британскиот крал Чарлс III. со цел да им се помогне на младите, а свечениот настан собра многу познати фаци, како моделот Ирина Шајк, актерката Кејт Бекинсејл, славната двојка Криси Тајген и Џон Леџенд, поранешната манекенка Кејт Мос и плус сајз моделот Ешли Греам.
Забава
Мишел Фајфер се појави на црвениот тепих, обожавателите се восхитени од нејзината убавина
Актерката Мишел Фајфер не се појавува често во јавноста, но сега позираше со сопругот Дејвид Е.Кели на црвениот тепих на Американскиот филмски институт во Лос Анџелес. Обожавателите се восхитуваат на нејзиниот изглед во 67-та година и пишуваат дека изгледа како да не старее.
Иконската жена-мачка често зборува за тоа како го прифатила стареењето и се фотографира без шминка. Иако изгледа како да го должи својот фантастичен изглед на посебни скриени трикови, таа тврди дека работата е многу едноставна.
Таа претходно за Daily Mail откри дека доволно спие, вежба и се храни здраво.