Култура
Мис Стон
Првиот македонски игран филм во боја е „Мис Стон“, снимен во 1958 година
Режисер е Жика Митровиќ според сценариото на Ѓорѓи Абаџиев и Трајче Попов. Слободно можеме да кажеме дека Мис Стон истовремено е и првиот македонски филм кој во кинестетичка смисла го прави потребниот значаен чекор во домашната кинематографија.
Мис Стон е вистински современ културен темелник со сите неопходни атрибути на еден уметнички чин. Но, за прв пат, што не е воопшто беззначајно, тој е и комерцијален филм, прв македонски а и југословенски блокбастер. Го гледале 1.700.000 гледачи. За споредба, филмот Солунските атентатори,(од 1961 година) исто така во режија на Жика Митровиќ беше само втор македонски филм по гледаност во СФРЈ со 1.318.668 гледачи.
Мис Стон е филм-модел, урнек за еден жанр, кој долго, речиси половина век ќе остане ненадминат во македонската кинематографија како на драматуршки, така и на естетски план. Од маргиналниот настан во предвечерието на Илинденското востание, кинднапирањето на американската мисионерка Елен Стон од страна на македонските револуционери, Жика Митровиќ направи вистински филм-авантура, заедно со извонредните сниматели Миша Стојановиќ и Љубе Петковски и одличните актерски остварувања на Олга Спиридоновиќ, Илија Милчин, Марија Тоциноски, Драган Оцокољиќ, Илија Џувалековски, а пред се Петре Прличко во улогата на Мандана.
Ролјата на Мандана влезе во антологијата на македонското актерство како ретко остварување во кое со само неколку секвенци е постигнат полн драматуршки, визуелен и актерски погодок.И уште еден податок кој зборува за популарноста на Мис Стон. Учествувал на фестивалите во Единбург, Њу Делхи, Мар Дел Плата и Адис Абеба а дистрибуиран во Германија, Норвешка, Иран, Уругвај, Чиле, Перу, Канада, Парагвај, Аргентина, Австралија, Мексико, Венецуела, Индонезија, Колумбија, Либан, Бурма и Бразил.Во 1959 година Вардар филм снима два филма. Едниот е Виза за злото во режија на Франце Штиглиц, а вториот е Три Ани во режија на Бранко Бауер. Оваа година снимена е и првата копродукција со странски продуцент. Се работи за филмскиот спектакл Дубровски во режија на Вилјем Дитерле.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Култура
Изложба: „Четирите мајстори на модернизмот“
Град Скопје и ЈУ Културно Информативен Центар ќе отпочнат со реализација на Европскиот проект CreArt 3, со активноста „Европски месец на креативноста“ на 10 мај во галеријата Империјал 1 – ЈУ Културно Информативен Центар, каде што до крајот на месец мај ќе биде отворена групната изложба насловена: „Четирите мајстори на модернизмот“
Учесници: Теодора Андоноска, Мартин Буровски, Илина Василеска, Сергеј Јордановски, Камелија Каламерникова, Манели Крстиќ, Сара Милошевска, Ивона Петрова и Никола Тренов, сите студенти од четврта година на студиската програма Сликарство на Факултетот за ликовни уметности, Универзитет „Св. Кирил и Методиј“ – Скопје, во класата на проф. Слободанка Стевческа.
Изложбата „Четирите мајстори на модернизмот“ е воспоставена во чест на основоположниците на Факултетот за ликовни уметности од Катедрата за сликарство, професорите Петар Мазев, Родољуб Анастасов, Димитар Кондовски и Душан Перчинков.
Изложбата ќе биде отворена до 20.04.2024 година.
Култура
Распишани конкурсите за државните награди „11 Oктомври“ и „22 Ноември“
Денеска се распишани конкурсите за државните награди „11 Oктомври“ и „22 Ноември“ за 2024 година.
Со државната награда „11 Октомври“ се оддава највисоко признание за животно дело во областа на науката, уметноста, стопанството и во другите дејности од јавен интерес на државата. Наградата се доделува на поединци, група творци, екипи, установи, трговски друштва и здруженија на граѓани од земјава.
Со државната награда „22 Ноември“, пак, се оддава признание на личностите од политичкиот, културниот и општествениот живот во нашата држава кои дале свој придонес во унапредување на меѓучовечкиот соживот и меѓусебно разбирање меѓу припадниците на различните заедници, култури и вери.
Конкурсите за државните награди „11 Oктомври“ и „22 Ноември“ за 2024 година траат од 1 до 31 мај 2024 година.
Конкурсите се објавени и на веб–страницата на Министерството за култура на следните линкови:
Државна награда „11 Октомври“ – https://kultura.gov.mk/wp-content/uploads/2023/10/odluka-3.pdf
Државна награда „22 Ноември“ – https://kultura.gov.mk/22-%d0%bd%d0%be%d0%b5%d0%bc%d0%b2%d1%80%d0%b8/
Култура
Мајските оперски вечери немаат никакви примеси на економски ниту политички стремеж, организаторите го најавија 52-рото издание
Мајските вечери немаат никакви економски ниту политички стремеж, еден ваков уникатен собир ќе го обележи и Скопје и Македонија, соопштија организаторите на прес-конференција.
„Оваа манифестација датира од крајот на 60-тите години. Тогаш имало криза со публика, која не била изразена само во Скопје. Во првите години мајските оперски вечери се празни, но со текот на годините заинтересираноста расте“, изјавја организаторите.
Како што велат оттаму, ова е еден од најголемите фестивали во регионот и со квалитетна програма сите овие години.
„Оваа година ќе има екслузивна програма. Очекуваме одлични резултати“, додаваат оттаму.
Реномираниот македонски режисер Иван Поповски, со успешна кариера во Русија, ја поставува операта „Трубадур“ од Џузепе Верди, со чија премиера ќе се отворат 52. Мајски оперски вечери (МОВ) на 9 мај во Националната опера и балет (НОБ). Диригент ќе биде Енрико Довико (Италија), сценографијата ја работи реномираниот Миодраг Табачки од Србија, костимите Марија Пупучевска, а кореографијата Саша Евтимова.
Во рамките на 52. Мајски оперски вечери, во фоајето на Националната опера и балет, од 9 до 31 мај ќе биде поставена и изложбата „Оперска одисеја“ – наследството на Милка Ефтимова. Изложбата ќе ја сочинуваат донирани лични предмети од движно материјално и нематеријално културно наследство, класифицирани во категоријата лични предмети како и голем број награди, признанија, уметнички портрети и фотографии кои во детали ја прикажуваат нејзината богата музичка кариера.
„Оперска одисеја“ е резултат на институционалната соработка помеѓу Музејoт на македонската борба за самостојност и Националната опера и балет. Автор на изложбата е Василија Чали, соработник за визуелни уметности, дизајн и архитектура.