Оваа година, Светскиот ден на срцето се одбeлежува под слоганот „Избори за здраво срце за секого, секаде“, а главниот настан ќе се одржи во Градскиот парк кај Школка во Скопје во недела од 10 до 14 часот.
 

 Оваа година, Светскиот ден на срцето се одбeлежува под слоганот „Избори за здраво срце за секого, секаде“, а главниот настан ќе се одржи во Градскиот парк кај Школка во Скопје во недела од 10 до 14 часот.

Организирани се бесплатни превентивни прегледи, фотографирање со мобилни телефони – селфи портрети од волонтери на НВО Здрава иднина со секој кој ја поддржува акцијата, а сликите ќе бидат објавени на веб страницата на Светската кардиолошка федерација, на Facebook, на веб страницата на Институтот за јавно здравје, дистрибуција на пропаганден материјал со содржини за правилни избори за здраво срце,ликовна работилница и изложба на детски цртежи посветени на срцето и здравите навики

Во 12 часот ќе започне пригодна програма на која ќе учествуваат актери од сите возрасти, а претставник на Институтот за јавно здравје ќе ги презентира најновите податоци и информации во врска со заболеноста и смртноста од кардиоваскуларни болести во Македонија и во светот.

Одбележувањето на Светскиот ден на срцето – 29 септември , што Македонија го прави по 15 пат, се случува со поддршка на Министерството за здравство, Институтот за јавно здравје.

Традиционално, Институтот за јавно здравје организира активности за подигање на свеста кај општата популација за здрав стил на живот и превeнција на ризик факторите кои доведуваат до кардиоваскуларни заболувања и последици од нив.

Организацијата на настанот е во соработка со НВО Здрава иднина, здружение за превенција на КВБ, а ќе учествуваат и претставници од други здравствени установи од јавниот и приватниот сектор./крај/со/бб