Македонија
Анкета на ИПИС: Владиката Петар треба да биде разрешен
Владиката Петар е одговорен за несогласувањата меѓу него и македонските црковни општини во Австралија и треба да биде разрешен, сметаат верниците кои биле анкетирани од страна на Институтот за Политички Истражувања од Скопје (ИПИС).
Истражувањето е спроведено во периодот помеѓу 18 и 21 декември 2014 година на 1012 полнолетни граѓани со православна вероисповест во коешто биле опфатени сите епархии во Република Македонија. Во ова истражување граѓаните ги искажуваа своите ставови во однос на спорот помеѓу Владиката Петар и македонските црковни општини во Австралија, како и перцепциите во однос на работата на Владиците на МПЦ-ОА.
Над половина од испитаниците (56,7%) се запознаени со долгогодишниот спор меѓу Владиката Петар и македонските црковните општини, при што поголемиот дел од нив сметаат дека Владиката Петар е одговорен за несогласувањата, односно 29,2% од вкупниот број на анкетираните граѓани, наспроти 14,1% од испитаниците кои сметаат дека Владиката има право.
Исто така 30,2% од вкупниот број на испитаници сметаат дека за да се надмине спорот, Владиката Петар треба да биде разрешен, наспроти 16,5% кои тоа не го одобруваат. Дополнително 44,2% од испитаниците сметаат дека Владиката Петар го нарушува угледот на МПЦ, наспроти 14,5% кои не се согласуваат.
Дека во овој спор лична одговорност има и Архиепископот г.г. Стефан сметаат 42% од испитаниците, а дека нема 20,4%2. За сите владици од македонската православна црква, постои позитивна перцепција во однос на нивната работа како свештени лица, со исклучок на Владиката Петар, кај кого таа перцепција е негативна.
Голем дел од граѓаните не се доволно запознаени со работата на МПЦ и нејзините Владици, со оглед на тоа дека за поголемиот дел од Владиците, голем процент од испитаниците немаат изградено мислење.
Одговорноста за овие состојби лежи и кај граѓаните, од кои голем број од нив се само декларативно верници, без притоа да ја практицираат религијата, но и кај свештените лица кои треба повеќе да се залагаат за повторно да ги придобијат и привлечат своите верници кон МПЦ-ОА.
Истражувањето е спроведено за потребите на Здружението на македонските православни општини во Австралија./крај/со/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Почина таткото на Тоше Проески
Почина Никола Проески – татко на музичарот Тоше.
Веста за неговата смрт на социјалните мрежи ја објави Дора, неговата ќерка.
„Светол патот, татко мој“, напиша таа.
Музичарот Тоше Проески загина пред 16 години во сообраќајна несреќа во Хрватска. Неговите родители, по смртта на синот, не се појавуваа во јавноста.
Македонија
ВМРО-ДПМНЕ ветува изградба на магистрален гасовод од Свети Николе до Велес
За Свети Николе предвидуваме изградба на магистрален гасовод до Велес, реконструкција и проширување на патот до Пробиштип, реконструкција и проширување на градинката „Рахилка Гонева“ и нови 8 милиони евра за општината Свети Николе, изјави Драган Ковачки, носител на третата изборна единица од ВМРО-ДПМНЕ.
„Почитувани граѓани, за земјоделците од овој крај, вклучително и за сите земјоделци, предвидуваме 800 милиони евра коишто ќе бидат директна поддршка за земјоделците, за навремени субвенции, за чистење на водоснабдителните системи. Нашите земјоделци заслужуваат подобар живот. Нашите граѓани заслужуваат подобар живот“, рече Ковачки.
Повика на излезност на изборите на 8 мај.
Македонија
Десна објави наводно писмо од Љупчо Палевски: Министерот Лога лаже за екстрадицијата
Политичката партија Десна на својот Фејсбук профил објави писмо од својот лидер Љупчо Палевски Палче, кој чека екстрадиција во Македонија и судска постапка. Палевски е првоосомничен за двојното убиство на Вања Ѓорчевска и Панче Жежовски.
Во писмото, тој се обраќа до министерот за правда Кренар Лога за кој вели дека „лаже“, и дека токму Палевски барал кратка и брза екстрадиција, без противење.
„Многу важно, го прашав судијата колку време трае БРЗАВА, КРАТКАВА ЕКСТРАДИЦИЈА, добив одговор дека целиот процес е 40 дена од денот на хапсење. На 22 декември бев во Баликесир на повисокиот суд каде за разлика од Првиот, Понискиот Суд, ме прашаа дали постои опасност од МАЧЕЊЕ и УБИВАЊЕ во Македонија. За прв пат почувствував СРАМ за мојава држава и од ИНАТ ако ништо друго дадов изјава: „НЕ, инсистирам на КРАТКА и БРЗА ЕКСТРАДИЦИЈА во Македонија за да се бранам во ИСТРАГАТА.“ Сѐ ова после 5-6 писанија до обвинителот, го добив на коректен Англиски со печат и потпис од Судот. Од тогаш, од минатата година до денес, едни други курветини, „НАТО Прогресивци“, но кои на ЕРДО се клањаат, Министер за Правда, колега на малоумниов Кренар Лога го држат ПАЛЧО во „ЕКСПРЕС“ БРЗА ЕКСТРАДИЦИЈА“, пишува наводно Палчо.
Претходно министерот за внатрешни работи, Панче Тошковски кажа дека добил информација од Секторот за меѓународна полициска соработка дека е одобрена екстрадицијата за Љупчо Палевски Палчо, со тоа што македонските полициски службеници се во комуникација со турските колеги.