Забава
Моногамијата не им е вродена особина на луѓето
Со неодамна објавената книга „Нови правила:интернет дејтинг, афери и еротска моќ“, социологот Кетрин хаким се придружува на своите колеги кои сметаат дека моногамијата е надминат концепт што не може да ги задоволи потребите на современиот човек.
Интересно е што ова е уште една книга во низата што го критикуваат концептот на моногамија, а чии автори се во долг и среќен брак:Ален де Ботон го фалеше неверството во книгата „Како повеќе да мислите на сексот“, додека Кристофер Рајан со својата сопруга ја објави книгата „Секс пред зори“, чија теза е дека моногамијата не им е вродена особина на луѓето.
Сите споменати автори, кои уживаат голем углед во британскиот научен свет, тврдат дека моногамијата како конструирана идеја, забрзано паѓа во вода.
Во аристократското општество во XII век прељубата беше сосема нормална работа бидејќи се сметало дека вистинската љубов не е возможно да се оствари со животниот партнер, пишува Хелен Кројдон за британски „Гардијан“. Бракот од љубов, за каков што денес зборуваме, почна да се склопува дури во XVIII век.
Познатиот ренесансен мислител Мишел де Монтењ уште во XVI век пишувал дека секој маж што е во среќна врска со својата сопруга веројатно е толку глуп бидејќи никој друг не може да го сака. Врз основа на ова пишување и бројни антрополошки истражувања, Кројдон заклучува дека морализирањето за „традиционални семејни вредности“ и „традиционален брак“ е лажно бидејќи таа традиција не е баш со многу долг век.
Дали тоа значи дека е невозможно да се оствари бајката „живееја среќно до крајот на животот“ во пар?Не сосема, пишува Кројдон. Попрво ќе биде потребно преобликување на ригидните правила и соочување со фактот дека, колку и да не ни се допаѓа, љубовните афери се дел од нашето секојдневие. /крај/б92/ст
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
Емили Ратајковски го привлече вниманието со фустан кој повеќе открива отколку што крие
Емили Ратајковски присуствуваше на настанот The King’s Trust Global Gala што се одржа во Casa Cipriani во Њујорк, каде што ги привлече погледите со храбар фустан.
Познатата убавица носеше свилен крем фустан со длабоко деколте, кој допираше речиси до нејзиниот папок, а кој ја истакна нејзината витка линија. Фустанот имал и гол грб и бил врзан околу вратот.
The King’s Trust Global Gala е основана од британскиот крал Чарлс III. со цел да им се помогне на младите, а свечениот настан собра многу познати фаци, како моделот Ирина Шајк, актерката Кејт Бекинсејл, славната двојка Криси Тајген и Џон Леџенд, поранешната манекенка Кејт Мос и плус сајз моделот Ешли Греам.
Забава
Мишел Фајфер се појави на црвениот тепих, обожавателите се восхитени од нејзината убавина
Актерката Мишел Фајфер не се појавува често во јавноста, но сега позираше со сопругот Дејвид Е.Кели на црвениот тепих на Американскиот филмски институт во Лос Анџелес. Обожавателите се восхитуваат на нејзиниот изглед во 67-та година и пишуваат дека изгледа како да не старее.
Иконската жена-мачка често зборува за тоа како го прифатила стареењето и се фотографира без шминка. Иако изгледа како да го должи својот фантастичен изглед на посебни скриени трикови, таа тврди дека работата е многу едноставна.
Таа претходно за Daily Mail откри дека доволно спие, вежба и се храни здраво.
Забава
(Видео) Ен Хатавеј доживеа незгоден момент во шоуто на Џими Фалон
41-годишната оскаровка Ен Хатавеј гостуваше во емисијата The Tonight Show на Џими Фалон. Ен е една од ѕвездите на филмот The Idea of You, каде ја игра самохраната мајка Солен, која започнува врска со 24-годишниот Британец Хејс Кембел, кој го игра Николас Галицин.
Филмот е снимен на истоимениот роман на Робин Ли од 2017 година. Актерката имаше прилично непријатен момент во шоуто кога ја спомна книгата на Робин и ентузијастички ја праша публиката: „Дали некој овде ја прочитал книгата?“
“We don’t read. This is the Tonight Show. You wanna go over to Stephen Colbert if you wanna get people that read books.”
You could hear a PIN DROP I’m fucking crying help ??? 💀 pic.twitter.com/0B6Q0b53jY
— Taylor Robinson (@finelytaylored) April 30, 2024
Одговорот на публиката беше – целосна тишина. Од нејзиниот израз се виде дека е засрамена и шокирана од недостатокот на реакција на публиката, но Џими Фалон веднаш се вклучи за да ја спаси.
Тој рече: „Не, не читаме“. Таа досетка ја прекина тензијата во студиото, а публиката и актерката се насмеаа.