Култура
Инсталација од Јане Чаловски во лондонски „Тејт Британ“
Во сабота, 15-ти мај, во лондонската галерија „Тејт Британ“ (Tate Britain) ќе биде презентирана инсталцаијата од македонскиот уметник Јане Чаловски во рамките на изложбата „Размисла, пауза, процес (Ситуација)“ која ќе биде поставена до 20-ти август
Изложбата ќе биде отворена во 11 часот, со разговор на Јане Чаловски со Луси Бајат, а пото ае планирана поширока дискусија во простор со ОуУнПо (Работилница на потенцијални светови).Инстлацијата на Чаловски е дел од програмата на националната организација “Современо уметничко друштво” (Contemporary Art Society) во соработака со „Тејт Британ” во Лондон која се реализира по повод стогодишнината од нејзиното постоење. Во рамки на програмата „Современо уметничко друштво” покани три уметника да ја користат колекцијата на „Тејт” како појдовна точка за селектирање дела преку кои се доловува една поиканва и оргинална слика за развојот на модернизмот во уметноста. Оваа серија на изложби е насловена „Основање платформа” и започна во Тејт Британ со инсталацијата на Елизабет Прајс „Совршени текови и треперливи супстанци” (5 февруари – 3 мај). Вториот проект е делото на Јане Чаловски „Размисла пауза процес (Ситуација)” а третата селекција на делата ќе ја направи неодамнешниот добитник на британската награда „Тарнер”, Ричард Врајт, и која ке биде поставена есенва.Јане Чаловски ја прифати поканата на „Современото уметничко друштво” за да работи на колекцијата и архивата на „Тејт” како можност да започне период на истражување кое го водело, можеби неизбежно, да преиспита широк ранг на преокупации и претпоставки кои се однесуваат на концептите и теоретските постулати во моденизмот вклучувајки уметнички дела кои се потпираат на идејата за активно и концептуално залагање на публиката. Селектираните дела во проектот на Чаловски се „Голема конференциска платформа платформа”, (1998) на Лијам Гилик, дело кое повеќе од било кое друго се обидува да создаде простор како отворена структура за слободно размислување и за се уште „ненапишано” сценарио. Други дела кои се вклучени во инсталацијата на Чаловски се на уметниците Френсис Елис , ВитоАконци, Џозеф Бојс, Ема Кеј, Кристофер Вул, Анри Матис, Џеф Вол и необјавениот ракпоис на авторот Свен Берлин. Со додавање на саунд-арт делото „Група ротации” на францускиот уметник Самон Такахаши (Самон Такахасхи) и интерактивното делото на Чаловски “Улај” инсталацијата станува повеќе од збир на индивидуални дела, всушност тоа станува една поголема нарација за флексибилноста на идеите и флуидноста на кураторските и уметнички процеси. Овие дела го предвидуваат ефектот на гледачот кој е повикан да искуси нов начин на согледување на модернизмот во контекст на современата уметност. Како дополнение на проектот, на 15-ти мај Чаловски ќе одржи и јавна дискусија со истражувачката група „ОуУнПо (Работилница на потенцијални светови)” во која е член и еден од основачите. “ОуУнПо” е флексибилна работна група од дванаесет уметници, кураори и научни истражувачи кои ги поврзува интересот кон концептот на време и простор и улогата на субјективноста во современиот уметнички дискурс. Јане Чаловски живее и работи во Скопје. Студирал на Факултетот за ликовни уметности во Пенсилванија, САД (1992-96) и колеџот Бенингтон (1997) и завршил постдипломски студии во Китакјушу, Јапонија (1999/00) и Академијата Јан Ван Ајк во Маастрихт, Холандија (2002/04). Неговата уметничка практика вклучува уметнички и кураторски проекти кои од критката се опишани како повеќеаспектни, кооперативни, ориентирани кон создавање контексти и базирани на цртеж. Неговите главни интереси гравитираат кон создавање на јазик на слободни асоцијации и значења кои се конструирани од лични искуства и од пронајдени уметнички и историски извори. Неговите дела ја акцентираат формулацијата на нарација во доменот на концептулната уметност која е поврзана со социјалниот дискурс и институционалната критика.Негови проекти неодамна беа претставени на Еуропеан Кунстхалле во Келн, ХДЛУ – Загреб и Манифеста 7 во Болзано, Италија. Неговиот следен проект ќе бидат претставен во галеријата „Жак-Браницка” во Берлин и Музејот на современа уметност во Скопје на есен, 2010 . „Современото уметничко друштво” во последните сто години подарило повеќе од осум илјади уметнички дела на јавните колекции во оваа земја. Друштвото во овој период игра улога на агент кој посредува во развојот на современите визуелни уметности на оваа земја создавајќи публика, уметници, куратори, колекционери како и колекции. Благодарение на блиската соработката и партнерство со 63 членови-музеи на Друштвото, во колекциите низ Велика Британија ќе се одвива програма по повод стогодишнината од неговото постоење.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Култура
Театар Куманово настапи на фестивалот „MOST“ во Германија
Претставата на Кумановскиот театар „Прво лице еднина“ вчера вечер настапи на Интернационалниот камерен театарски фестивал во Германија, „MOST“ кој од први до шести октомври се одржува во Хановер.
На огромно задоволство на германската публика актерката Владанка Крстевски потполно ги освои нивните срца со емоцијата која ја прикажа преку монодрамата – Прво лице еднина, во која на маестрален начин прикажа дванаесет женски ликови со своите проблеми, лични ставови и карактери.
Режијата на претставата е на Драгана Гунин.
Актерката доби признание за исклучително моќно и емотивно прикажување на карактерите во претставата.
-Околу нас има многу жени кои секојдневно се борат и работат по 12 часа дневно. Тие жени жртвуваат се за своите семејства, за своите деца, за да обезбедат подобар живот, а никој не зборува за нив. Ова е претстава во која зборуваме токму за тие жени. Ние денеска сме ќерки, а утре ќе бидеме мајки и сакаме да имаме поддршка, бидејќи не знаеме кај ќе не однесе животот. Инспирацијата за мојот текст е од книгата „Добра ноќ за бунтовни девојчиња“, во која се зборува за жени кои направиле многу за сите нас, но останале на маргините на општеството, – раскажува младата актерка Владанка Крстевски, пренесува Кумановски театар.
Култура
Премиера на комедијата „Жени во црвено“ во Македонија
Премиерата на комедијата „Жени во црвено“ во Македонија ќе се одржи на 9 октомври во 19 часот на сцената на Националната опера и балет во Скопје. Претставата, која ја носи JEС Продукција од Скопје, ги обединува на сцената неповторливите актерки Олга Одановиќ, Дубравка Мијатовиќ, Анастасија Мандиќ и Сена Ѓоровиќ, под режија на Бојана Лазовиќ.
Претставата раскажува за четири жени кои се наоѓаат во комична, но истовремено и сериозна ситуација. Поранешната стјуардеса Тамара и нејзината сестра Нора, која е невработена, се соочуваат со финансиски тешкотии и неможност да го платат својот станбен кредит. Динка, службеничка од банката, доаѓа со намера да го конфискува имотот, но се соочува со неочекуван отпор од сестрите. За да го задржат својот дом, тие преземаат драстични чекори, додека надвор од нивната зграда полицијата и специјалните единици го заоструваат конфликтот. Во меѓувреме, на местото на настанот пристигнува полицајката Анѓа, со свој личен проблем.
Комедијата „Жени во црвено“ на комичен начин ги обработува темите на долгови, финансиски кризи и животните предизвици, истовремено потсетувајќи на важноста од солидарноста, пријателството и заедничкото справување со проблемите.
Текстот е на Давор Шпишиќ, режијата на Бојана Лазовиќ, сценографија и костимографија на Јелена Стокуќа, а музиката на Ирена Поповиќ Драговиќ.
Култура
Изложба „Мотиви од полошкото поднебје“ на Илирјан Беќири и Агрон Абдули
Во галеријата на Културно-информативниот центар во Софија, на 3 октомври (четврток) 2024 ќе биде отворена изложбата „Мотиви од полошко поднебје“ на ликовните уметници Илирјан Беќири и Агрон Абдули.
Двајцата уметници од Тетово ќе изложат околу дваесетина дела од нивниот најнов сликарски опус. На изложбата ќе можат да се видат сликите на Илирјан Беќири, изработени во техниката маслени бои на платно и сликите на Агрон Абдули, изработени во техниката акрилни бои на платно.
На отворањето на изложбата во КИЦ во Софија ќе присуствуваат двајцата ликовни уметници – педагози, кои ќе ја запознаат публиката со нивната уметност, творештво и дејност.
Илирјан Беќири е роден во 1968 година во Тетово. Дипломирал 1998 година на Универзитетот во Тетово, отсек сликарство, во класата на проф. Тахир Емра, каде завршил и постдипломски студии. Живее и работи во Тетово како професор на Факултетот за ликовни уметности на Универзитетот во Тетово.
Самостојни изложби: 2019 – Prima Center Berlin – Berlin , 2017 – Културно информативен центар на РСМ во Софија, 2009 – MC Galery, New York, 2014 – Културно информативен центар – Скопје, 2008 – Национална галерија на С.Р. Македонија – Чифте амам, Скопје, 2008 – Ателје “Cite Internationale des arts”, Париз, 2004 – Галерија на Министерство за култура, Приштина, 2003 – Дом на култура, Тетово, 1998 – “Europe Galery”, Гостивар
Излагал на многу групни изложби во земјава (Тетово; Скопје, Куманово, Гостивар др.) и странство (Тирана, Приштина, Париз, Берат, Призрен, Истанбул).
Од 2007 год. е член на и активен учесник на изложбите на ДЛУМ .Во 2008 година имал студиски престој во “Cite Internationale des arts” Во Париз. Од 2019 година е претседател на ЗЛУТ – Тетово.
Агрон Абдули е роден 1971 година во Џепчиште, Тетово, РСМ. Основното образование го заврши во Џепчиште, средното во 1993 год. во гимназијата во Тетово. Дипломирал во 1999 година на Факултетот за Ликовна Уметност, сликарство, на Универзитетот во Тетово, во класата на познатиот педагог проф. Тахир Емра. Постдипломските студии, сликарство, ги заврши во 2002 година кај истиот професор во Факултетот за Уметност во Приштина.
Работи како професор на Факултетот на Уметности, Ликовна Уметност, на Универзитетот во Тетово
Самостојни изложби: 2023-Културен Информативен Центар, MC Gallery, Њујорк, 2022-Културен Информативен Центар, Скопје, 2021-Центар за Култура, Гостивар, 2016-Галерија на Министерство за Култура на Р. Косово ,,Ќафа” Приштина, 2015-Национална галерија на Република Македонија ,,Чифте амам”, Скопје, 2015-Градска галерија, Бихач, 2015-Галерија ,,Роман Петрович” Сарајево, 2011-Уметничка галерија, Тетово, 2008-Културен Информативен Центар, Скопје, 2008-Сите Интернатионале дес Артс, Париз, 2006-Уметничка галерија, Гилане, 2004-Музичко училиште, Тетово.
Учествувал во голем број на колективни изложби и ликовни колонии во Република Северна Македонија и во странство. Активен член е на Здружението на Ликовните Уметници на град Тетово и Друштво на Ликовни Уметници на Македонија.