Забава
Писмата на првиот грчки гувернер продадени за 26 илјади евра
Трисет и седум писма коишто ги напишал првиот водач на независната грчка држава, гувернерот Јоанис Каподистриас, продадени се на наддавање за 26 илјади евра соопшти аукциската куќа Vergis.
Писмата продадени во неделата, ги напишал Јоанис Каподистриас а биле адресирани на неговиот близок соработник Александрос Контоставлос и биле пишувани во периодот меѓу 1828 и 1830 година.
Идентитетот на купувачот на писмата не се наведува.
Во писмата се споменуваат големите напори на Каподистриас кој се трудел да направи ред во новосоздадената грчка држава, особено, ете и тогаш, главно мислејќи на финансиската дисциплина. Содржината на писмата импресивно потсетуваат на актуелната ситуација, пишува Greek Reporter.
Фрустрираниот гувернер очајнички се обидувал да стави ред во функционирањето на новоформираната грчка држава, без разлика што тоа ќе биде на товарот на народот.
Во писмата тој навестува дури и оти смета да се употреби сила против моќните земјопоседници кои му се испречиле на патот, бидејќи тој не можел да верува дека алчноста на некои може да доведе до игнорирање на неговите соработници. Овие искази се однесуваат на февруари 1828 година, кога Каподистриас морал да се соочи со владејачката елита на земјата.
Во друго писмо тој му одговара на својот соработник Контоставлос со убедување дека државниот буџет е избалансиран. Тој нашол ресурси достапни но во тоа време далеку помалку отколку што било потребно за да се покријат потребите на грчката држава. Тој признава дека страдал повеќе од својот народ, бидејќи тие немаат леб да јадат а тој не е во состојба да им ги обезбеди нивните дневни потреби./крај/ана/гр/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
Ева Мендес за семејството и животот во 50-тите: Вака не го замислував мојот пат
Иaкo никогаш не го замислувала својот живот на 50 години, Ева Мендес живее во свој ритам – и не може да биде посреќна. „Не подлегнувам на притисокот на општеството. Што сакам да правам, правам“, вели актерката, која ги има ќерките Есмералда Амада (9) и Амада Ли (8) со Рајан Гослинг.
“Сигурно не мислев дека ќе имам деца и ќе бидам дома. Затоа, многу сум среќна што одреден маж влезе во мојот живот и ме натера да се предомислам за сите тие работи”, рекла таа. Пред 10 години таа ја напушти актерската кариера за да се фокусира на своите деца.
Таа вели дека тоа била „најлесната одлука“ што ја донела. „Кога забременив на 40-годишна возраст, беше страшно за другите. И кога повторно забременив на 42-годишна возраст, луѓето ми велеа: „О Боже мој, ќе бидеш толку уморна“, откри таа.
„Тоа е најглупавата работа што сум ја слушнала. Патем, потребно е само малку повеќе трпение. Мислам дека не бев подготвена за тоа во моите 20-ти, пиев и пушев. Дефинитивно не можев да подигнам деца во кое било друго време од мојот живот освен сега“, додава таа.
Една од најубавите жени на светот истакна дека е „среќна што се отишло во тој правец“.
Инаку, Мендес нема снимено ништо откако стана мајка. Нејзината последна улога беше во 2014 година. Покрај нејзината актерска кариера, таа е портпарол на голема козметичка компанија, модел и креативен директор на брендот за шминка „CIRCA Beauty“.
Забава
Емили Ратајковски го привлече вниманието со фустан кој повеќе открива отколку што крие
Емили Ратајковски присуствуваше на настанот The King’s Trust Global Gala што се одржа во Casa Cipriani во Њујорк, каде што ги привлече погледите со храбар фустан.
Познатата убавица носеше свилен крем фустан со длабоко деколте, кој допираше речиси до нејзиниот папок, а кој ја истакна нејзината витка линија. Фустанот имал и гол грб и бил врзан околу вратот.
The King’s Trust Global Gala е основана од британскиот крал Чарлс III. со цел да им се помогне на младите, а свечениот настан собра многу познати фаци, како моделот Ирина Шајк, актерката Кејт Бекинсејл, славната двојка Криси Тајген и Џон Леџенд, поранешната манекенка Кејт Мос и плус сајз моделот Ешли Греам.
Забава
Мишел Фајфер се појави на црвениот тепих, обожавателите се восхитени од нејзината убавина
Актерката Мишел Фајфер не се појавува често во јавноста, но сега позираше со сопругот Дејвид Е.Кели на црвениот тепих на Американскиот филмски институт во Лос Анџелес. Обожавателите се восхитуваат на нејзиниот изглед во 67-та година и пишуваат дека изгледа како да не старее.
Иконската жена-мачка често зборува за тоа како го прифатила стареењето и се фотографира без шминка. Иако изгледа како да го должи својот фантастичен изглед на посебни скриени трикови, таа тврди дека работата е многу едноставна.
Таа претходно за Daily Mail откри дека доволно спие, вежба и се храни здраво.