Македонија
Тодевска: Имам докази за местенки

Една од изедувачите на „Скопски фестивал“, Тамара Тодевска во изјава за телевизија Сител рече дека има докази за местењето на „Скопски фестивал“ и побара да се обелодени вистината за криминалот со телефоснкото гласање на фестивалот, за што осомничени се пејачи и продуценти од Македонија.
„Само сакам да се дознае за ова и тие луѓе да бидат казнети. Ако треба јас ќе најдам докази, имам докази“ рече Тодевска и најави дека ќе им објасни на надлежните институции и некои работи што не се знаат и за други фестивали како „Макфест“, „Валандово фест“.
„Единствена причина заради која разговарам со вас е тоа што сакам да ја дознаам е вистината, дали сум била загрозена оваа или години наназад на разни фестивали, кога секогаш сум морален победник, и сум била втора.Ова е црна дамка за еден од најреномираните фестивали – Скопскиот фестивал“ изјави Тодевска и најави дека ќе излезе со докази откако ќе се обелодени вистината.
Таа рече дека воопшто не е разочарана што го освои второто место и доколку се обелодени дека таа требало да биде прва на овој фестивал, сепак најави дека Даниел Кајмакоски ќе ја претставува Македонија на Евровизија.
Тамара Tодевска го освои второто место и 15.000 евра, доби 12 поени од жирито и 8 поени од гласањето на публиката.
Министерството за внатрешни работи ги проверува 2.500-те сим картички коишто ги заплени, по колку пати и за кој изведувач на „Скопскиот фестивал“ се гласало за да се утврди дали организираното гласање влијаело на изборот за песна на Евровизија и дали тие гласови биле давани за изведувачите кои ги освоија првите три места на овој фестивал.
Во петокот попладне поднесени се и кривични пријави против четири лица за злосторничко здружување и компјутерска измама. Постапката е прекината за еден од пејачите и композитори кој не е во Македонија, но ќе продолжи кога ќе биде донесен во земјава.Истрагата е проширена и за измамата со гласањето на фестивалот ќе одговара уште еден пејач кој бил фатен на лице место како гласа.
Сопственик на продукциска куќа и неговиот брат, автор и композитор на песни кој не е во Македонија и сопственикот на фирмата која го организираше телефонското гласање се осомничени дека организирале поголема група на малолетници да испраќаат СМС пораки за да влијаат на изборот на првите три места на фестивалот. Ќе се утврдува дали има и други инволвирани и дали осомничените влијаеле на реузлтати на други фестивали./крај/мф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
(Видео) Во Гази Баба се гради огромна дива депонија без никакви дозволи, објави Арсовска

Во општина Гази Баба, фирма затекната од инспекторат на град Скопје при вршење нелегални активности, правење огромна дива депонија со градежен и опасен отпад и бесправна експлоатација на земјиште, без лиценци, елаборати, дозволи и одобренија, што претставува сериозна опасност по здравјето на граѓаните и животната средина, објави градоначалничката на Град Скопје, Данела Арсовска.
„Апелираме до Министерството за внатрешни работи да постапи, бидејќи неказнивоста и непостапувањето предизвикува сторителите на вакви дела да мислат дека се недопирливи пред законот. Фирмата која прави дива депонија и каде се експлоатира, го има поткопано 110kV кабловски и воздушен далновод кој го напојува со електрична енергија градот Скопје. На ова земјиште сопственост на Република Македонија се прави сериозна штета на главниот далновод, известени се сите надлежни институции за кои очекуваме да не се кријат и да постапуваат“, вели Арсовска.
Македонија
Кривични пријави против двајца угостители од Берово и од Пехчево за бесправно градење

Полицијата поднесе кривични пријави против правно лице – угостителски објект од Пехчево и против С. П. (43) од Пехчево и против правно лице – угостителски објект од Берово и В. К. (32) од Берово поради постоење основи на сомнение за сторени кривични дела бесправно градење.
Пријавениот С.П., сопственик и управител на правното лице од Пехчево, на катастарска парцела во Пехчево во државна соспственост, без одобрение за градење издадено од надлежен орган, изградил тврд објект во кој што е сместен угостителскиот објект и вршел угостителска дејност.
Пријавениот В.К., сопственик и управител на правното лице од Берово, на катастарска парцела, сопственост на Т.К. и М.К., на земјоделско земјиште, надвор од урбанистички план за град Берово, бесправно изградил тврд објект во кој што е сместен угостителскиот објект во кој вршел угостителска дејност.
Македонија
Проектите што се реализираат не се на ВМРО-ДПМНЕ или на СДС, туку на македонските граѓани, реагира ВМРО-ДПМНЕ

СДС мора да почне да се однесува како сериозна партија, а не како мало дете на кое му ја земале играчката, велат од ВМРО-ДПМНЕ, на обвинувањата од СДСМ дека проектот за изградба на патот Охрид – Св. Наум е нивен.
„СДС мора да прифати дека проектите кои се реализираат, не се во нивна или наша сопственост, туку за граѓаните и за државата.
Исто така, многу е важно да се напомене дека проектите кои се почнуваат мораат и да се завршат. Е сега, разликата меѓу ВМРО-ДПМНЕ и СДС е во тоа што ние кога работиме и остваруваме, се е во временски рок, јавно и транспарентно, а додека пак СДС, ако отпочне некаков проект, тој проект потоа е корумпиран, со тендери договорени во 4 очи, поскапи цени двојно од набавните, класифицирани договори или пак, проекти кои остануваат така да блеат во празно, и никој за ништо да не одговара.
Проекти кои СДС ги има до крај завршено се, проектот за златната виза на Филипче, пари од ископ на јаглен на фирми на Филипче и Заев, проектите за уништување на Македонија, како што беа името, знамето, идентитетот и Уставот, потпишувањето на Преспанскиот и договорот со Бугарија, проектот Француски предлог и многу други проекти слични на овие.
За разлика од нив, ВМРО-ДПМНЕ вистински работи на реализација на проектите, без разлика која Влада ги започнала и ги решава на брз и ефективен начин во интерес на граѓаните“, велат од ВМРО-ДПМНЕ.