Европа
Во Франција објавени првите резултати од истрагата за нападот во Ницa
Парискиот државен обвинител Франсоа Молен, кој ги води истрагите поврзани со тероризмот, првпат во петокот вечерта се изјасни во врска со истрагата во врска со терористичкиот напад од четвртокот ноќта во Ница.
Во четвртокот малку по 22,30 часот, камион се залета во толпата луѓе на познатото Англиско шеталиште во Ница кои го следеа огнометот по повод францускиот национален празник Денот на падот на Бастилја -14-ти јули, по што возачот отворил оган.
Во нападот загинаа 84 лица, од кои 10 се деца и тинејџери. Повредени се уште околу 200 луѓе, од кои 52 се во критична состојба, од кои 25 уште се на одделенијата за интензивна нега. Според обвинителот Молен, станува збор за прелиминарни податоци, „кои може да се променат“.
Обвинителот ги потврди претходните извештаи на медиумите за идентитетот на напаѓачот. Станува збор за Мохамед Лауеиж Булел, роден на 3-ти јануари 1985 година во Тунис, кој живеел во Ница, работел како возач доставувач, женет и татко на три деца. Идентификуван е според личната и кредитната карта најдени во кабината на камионот и по проверката на отпечатоците на прстите.
Напаѓачот дејствувал сам
Според обвинителот Молен, напаѓачот дејствувал сам. Булел на 11-ти јули го изнајмил 19-тонскиот камион-ладилник, кој требало да го врати два дена подоцна, што не го сторил. Разгледаните видео снимки од надзорните камери на разни локации во Ница, покажуваат дека на 13-ти јули возилото било паркирано во квартот Ориол во источниот дел на градот. На 14-ти јули, пак, во 21,34 часот, Булел возел велосипед кој го натоварил на камионот, се качил во кабината и тргнал во западна насока.
Камионот повторно е забележан во областа Мањан околу 22,45 часот кога навлегол на Англиското шеталиште во Ница, каде во должина од два километра од адресата со бројот 11 до бројот 147 намерно прегазил голем број луѓе кои се собирале да го гледаат огнометот.
„Терористот неколкупати пукал кон полицајците во близина на хотелот ’Negresco’, полицајците одговориле на огнот и тргнале по камионот, чиј возач успеал да измени уште околу триста метри. Полицајците успеале да го неутрализираат во близина на хотелот ’Palais de la Méditerranée’, терористот починал на совозачкото седиште“, изјави обвинителот Молен.
Според истрагата, во кабината на камионот бил најден автоматски пиштол со калибар 7,65 мм, еден магацин за куршуми 7,65 мм и неискористени патрони од истиот калибар. Исто така, биле најдени и една копија од автоматски пиштол, две копии од автоматски пушки (АК и М16), копии од гранати и мобилен телефон.
Претходно веднаш по нападот медиумите, повикувајќи се на полициски извори, објавија дека камионот бил преполн со оружје, како и експлозивни направи подготвени за употреба.
Рецидивист, но не и радикал
Парискиот државен обвинител истакна дека Булел им бил познат на полициските органи според дела од сферата на закани, насилство, кражби и оштетувања на имоти, извршени во периодот меѓу 2010 до 2016 година. Од ткн Коректорен суд во Ница на 23-ти март годинава, тој би осуден на шест месеци затвор условно за насилство со примена на оружје од јануари годинава.
Претходно во петокот, министерот за правда, Жан-Жак Ирвоаз, коментирајќи го криминалното досие на Булел изјави дека казната му била изречена за физичка пресметка. „Станува збор за една караница на јавно место по сообраќајна незгода. Во текот на тепачката тој го нападнал противникот со дрвена палка, за што добил условна казна“, рече францускиот министер за правда.
„Притоа Булел воопшто не им бил познат на разузнавачките служби, и како на национално, така и на локално ниво немало ни најмала евиденција и податоци за негова радикализација“, изјави потоа обвинителот Молен.
Тоа се совпаѓа со медиумските извештаи објавени претходно во петокот. Според одредени информации на локалниот весник Nice Matin, францускиот државјанин од туниско потекло успеал пред една година да добие лиценца и да се вработи во една мала транспортна компанија. Се наведува, исто така, дека камионот со кој го изврши масакрот бил изнајмен пред два дена.
По потекло е од тунискиот градот М’сакена, кој последен пат го посетил пред четири години, десетина километри од градот Сус, каде што минатата година џихадистите извршија смртоносен напад врз туристи во хотелски комплекс при што беа убиени триесетина странци.
На француските власти им бил познат по прекршоци и како насилник, но не бил доведуван во поврзаност со радикали. И на туниските власти не им бил познат по радикални и исламистички ставови, изјави во петокот за Reuters извор од туниските безбедносни структури.
Истрагата, сепак, ќе истражува врски со терористи
И покрај претходно спомнатите сознанија за криминалното досие на Буел, Молен истакна, дека истрагата сé уште трага по неговите можни врски со екстремисти, и откривање причините или моментот од кој се радикализирал. Досега, инаку, ниедна терористичка групација не ја презема одговорноста за нападот во Ница.
„Дозволете ми да потсетам дека иако досега никој не ја презема врз себе одговорноста за вчерашниот терористички напад, дејствијата од таков вид одговараат и точно соодветствуваат на постојаните повици на терористичките организации на убиства во упатствата кои тие ги ставаат во многу текстови и видеа објавено од нив“, рече Молен.
Обвинителот најави и дека во сабота ќе бидат спроведени претреси на две адреси, а во моментов се одземени телефони, компјутери и мобилни носители на податоци кои се проучуваат. Исто така, утрото околу 11 часот била приведена и поранешната сопруга на Булел, која сега е во притвор./крај/мф/с
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Грузија сака да донесе закон за „странски агенти“, oфицијален претставник на ЕУ: Неприфатливо
Висок функционер на Европската унија денеска ја предупреди грузиската влада дека предложениот закон за „странски агенти“ е неприфатлив и ќе претставува пречка во напорите на земјата да се приклучи кон ЕУ, доколку биде усвоен во сегашната форма.
Грузискиот парламент вчера го усвои законот во второто читање, за кој опозицијата вели дека е инспириран од Кремљ, додека полицијата употреби солзавец и шок-бомби за да ги растера толпата демонстранти.
Владата смета дека законот е неопходен за да се гарантира транспарентно странско финансирање на невладините организации.
Секоја вечер, речиси еден месец, се поголем број демонстранти излегуваат на улиците. Вчера десет илјади демонстранти го блокираа центарот на Тбилиси на најголемиот антивладин митинг организиран досега.
Герт Јан Купман, директор на Управата за проширување на Европската комисија, за новинарите во главниот град на Грузија изјави дека Брисел ја следи ситуацијата и е загрижен за тоа што се случува.
„Гледаме загрижувачки случувања кога станува збор за законодавството. Законот за транспарентност, кој беше усвоен во второ читање, е неприфатлив во сегашната форма и ќе создаде сериозни пречки на патот кон пристапување во ЕУ“, рече Купман.
„Но, има уште време. Во септември ќе излеземе со препораки дали да ги започнеме пристапните преговори со Грузија и да објавиме извештај во октомври и ноември, така што има уште време. Но, сега топката кај владата“, додаде тој.
Грузискиот парламент се очекува да го разгледа законот во третото читање за околу две недели.
Европа
Русија: Не ја гледаме поентата на мировната конференција во Швајцарија
Русија објави дека не ја гледа поентата на конференцијата за прекин на огнот во Украина што Швајцарија ја планира за средината на јуни и на која Москва не беше поканета. Швајцарската влада соопшти дека Русија „во овој момент“ не е меѓу десетиците поканети земји, додавајќи дека е отворена за нејзино учество, но дека Москва не е заинтересирана. Берн го најави собирот во јануари, велејќи дека го организирал на барање на украинскиот претседател Володимир Зеленски.
Портпаролот на Кремљ, Дмитриј Песков, нагласи дека Москва не ја смета за веродостојна иницијатива.
„Не разбираме каква пресвртница би била таа мировна конференција“, им рече тој на новинарите. „За каква конференција зборуваме, за каква сериозна конференција со сериозни очекувања дека ќе има некакви резултати, без учество на Русија?
„Тоа е целосно невозможно и јасно е дека тоа е некаква иницијатива која не е фокусирана на резултати“, заклучи тој.
Швајцарската влада соопшти дека „мировниот процес не е можен без Русија. Украина, од друга страна, ги доведува во прашање придобивките од руското учество на состанокот што ќе се одржи во близина на градот Луцерн.
„Знаеме дека нема смисла да ја имаме Русија на маса ако не можете да се осигурате дека таа ќе дејствува со добра волја“, рече шефот на украинската дипломатија Дмитро Кулеба минатата недела во интервју за магазинот „Форин полиси“.
Кулеба смета дека создавањето дополнителен притисок врз Русија на бојното поле и обединувањето на земјите „кои ги делат принципите“ ќе помогнат Русија да биде подготвена да учествува во дијалогот.
Европа
Макрон не ја исклучува можноста за испраќање војници во Украина доколку Русија „ја пробие линијата на фронтот“
Францускиот претседател Емануел Макрон во интервју за Економист изјави дека не ја исклучува можноста за испраќање војници во Украина доколку Русија „ја пробие линијата на фронтот“ и ако Киев тоа го побара од Париз, пренесува BFMTV.
„Доколку Русите ги пробија првите линии на фронтот и ако има украинско барање – што не е случај денес – би било легитимно да се постави тоа прашање“, рече Макрон.
Веќе во февруари, Макрон ја покрена можноста за испраќање западни трупи на украинска територија, потсетува БФМ.
„Како што кажав, не исклучувам ништо бидејќи има некој од другата страна кој не исклучува ништо. Без сомнение, бевме премногу сомнителни кога ги дефиниравме границите на нашата акција”, рече францускиот претседател.
Макрон рече дека „априори отфрлањето“ на можноста за испраќање војници би значело дека „не се научени лекциите од последните две години“, бидејќи во летото 2022 година биле против испраќање тенкови, ракети со долг дострел и авиони. и сега сето ова го испорачуваат во Украина.
„Имам јасна стратешка задача: Русија не смее да победи во Украина. Ако Русија победи во Украина, нема да има безбедност во Европа“, додаде тој.
„Кој може да тврди дека Русија ќе застане таму? Каква безбедност има за другите соседни земји, Молдавија, Романија, Полска, Литванија и толку многу други? И тогаш, каков кредибилитет има за Европејците кои би потрошиле милијарди, велејќи дека тоа е опстанокот на континентот и не би обезбедиле средства за запирање на Русија. Така да, не треба ништо да исклучуваме“, истакна Макрон.
Цената на осигурувањето од автоодговорност се враќа на ниво од пред 25 април, одлучи Владата
Владата ја разгледа и усвои Информацијата со Предлог- измени и дополнувања на Тарифата на премии за осигурување на сопствениците на...
„Влен“: Влада и Бадентер да, но без ДУИ и Левица
ДУИ ги напушти вредностите за кои се залагаше во 2001 кога наместо за Албанската кауза почна да се грижи единствено...
Чекајте, па ние сме на избори конкуренти, одговори Ковачевски прашан дали би им помогнале на ВМРО-ДПМНЕ ако не можат да формираат Влада
Чекајте, па ние сме на избори конкуренти, првин да ги видиме резултатите на 8 мај. Вака лидерот на СДСМ, Димитар...
ДСЗИ ќе забрани на Токсикологија да работат лица со истечени договори оти директорката, која не зборува македонски, не им ги одзела пристапите
Организациската директорка на Клиниката за токсикологија Бесија Иљази, не постапила и не ја потпишала опомената од Државниот санитарен и здравстве...
Османи: Со Рамковниот договор неопходни се две мнозинства за формирање Влада – парламентарното од 61 плус Бадентеровото
Со Рамковниот договор неопходни се две мнозинства за формирање Влада – парламентарното од 61 плус Бадентеровото, вели портпаролот на ДУИ,...
Почина таткото на Тоше Проески
Почина Никола Проески – татко на музичарот Тоше. Веста за неговата смрт на социјалните мрежи ја објави Дора, неговата ќерка....
Десна објави наводно писмо од Љупчо Палевски: Министерот Лога лаже за екстрадицијата
Политичката партија Десна на својот Фејсбук профил објави писмо од својот лидер Љупчо Палевски Палче, кој чека екстрадиција во Македонија...
Кулеба: Повеќе од половина од енергетскиот систем на Украина е оштетен во нападите на руските сили
Повеќе од половина од енергетскиот систем на Украина е оштетен во нападите на руските сили, изјави министерот за надворешни работи...
Полицијата во САД уби ученик пред училиште во Висконсин по пријава за пукање
Американската полиција убила ученик пред средно училиште во Висконсин, откако добила дојава дека таму има вооружено лице, изјави Џош Кол,...
Каевски од голтар до милионер, фатен како прави милионски проневери како директор на Агенцијата за млади и спорт, велат од ВМРО-ДПМНЕ
Каевски од голтар до милионер, фатен како прави милионски проневери како директор на Агенцијата за млади и спорт, велат од...
При уривање на автопат во јужна Кина загинаа 36 лица
Бројот на загинати во уривањето на дел од автопатот во јужната кинеска провинција Гуангдонг се искачи на 36, соопштија локалните...
Трамп: Апсењето на студенти во Њујорк „беше убаво за гледање“
Поранешниот американски претседател Доналд Трамп изјави дека е „убаво да се гледа“ како полицијата во Њујорк упадна во зградата на...
Земјотрес со јачина од 4,1 степени според Рихтер го погоди Лос Анџелес
Земјотрес со јачина од 4,1 степени според Рихтеровата скала вечерва го погоди поширокото подрачје на Лос Анџелес, соопшти Сеизмолошкиот институт...
Силјановска: Како никој не се сети да им каже во ЕУ дека самите во член 4 гарантираат немешање во внатрешните работи и почитување на уставните структури
Како може некому да ветите дека ќе го смените Уставот, кога Уставот може да го сменат само пратениците во Уставот....
СДСМ за Димитриевски: Ароганција е кога човек-партија одработува против своите довчерашни сопартијци
Ароганција е кога човек-партија одработува против своите довчерашни сопартијци и во тоа нема ништо социјалдемократски ниту вредносно туку единствено и...
Пендаровски: Не велам дека Европската преговарачка рамка е во ред, ама е договорена од 27 држави – ние или ја прифаќаме, или ја одбиваме
Во вечерашниот телевизиски дуел помеѓу двата претседателски кандидати, Пендаровски се осврна на неговиот концепт за напредок на државата, за кој,...
Борел: Западен Балкан има историска можност да ја поврзе својата иднина со ЕУ
Високиот претставник за надворешна и безбедносна политика на ЕУ, Жосеп Борел, по повод 20-годишнината од најголемото проширување на ЕУ, изјави...
Димитриевски: Ароганцијата на оние кои дозволија отварање на бугарски клубови во Македонија е ненадминлива
Движењето ЗНАМ – За наша Македонија денеска по повод празникот на трудот Први Мај организираше пикник во Пелинце. Претседателот на...
Демократски сојуз: Народот не може да создаде толку колку што власта може да украде
Демократскиот сојуз на сите работници им го честита Меѓународниот Ден на правата, 1-ви Мај. „Во услови на влошена економско-социјална положба...
„Колку повеќе не напаѓаат посилни не прават“ – Работниците дадоа црвен картон на судот поради обидите за притисоците врз синдикатите
Претседателот на ССМ Слободан Трендафилов на денешниот протест порача дека работниците даваат црвен картон на Врховниот судот за неговата одлука...
