Забава
Gallup: Латиноамериканците најпозитивни, Македонија при дно на листата
Жителите на латинска Америка се најпозитивните луѓе на светот, додека југоистокот на Европа се наоѓа при дно на листата најпозитивни луѓе, покажа најновото истражување на агенцијата Gallup.
Жителите на Панама и Парагвај најпозитивно гледаат на светот, додека на дно на листата се жителите на Сингапур, Ерменија, Ирак, Србија, а во долниот дел се најдоа и жителите на Македонија.Gallup ги мереше позитивните емоции во 148 држави во 2011 година, користејќи пет прашања: дали вчера се чувствувавте добро, дали чувствувате дека другите ве почитуваат, дали многу се смеевте, дали научивте нешто интересно и дали уживавте.Осумдесет и пет отсто од жителите на Панама и Парагвај одговориле со „да“ на прашањата, следуваат Ел Салвадор и Венецуела со процент на позитивни одговори од 84 отсто, па Тринидад и Тобаго, Тајланд со 83 отсто, Гватемала и Филипини со 82 отсто и Еквадор и Костарика со 81 отсто.На дно на листата е Сингапур со 46 отсто, Ерменија (49 отсто), Ирак (50 отсто) и Србија со 52 (отсто). При дното на листата се најде и Македонија со 55 отсто, колку што имаат и Авганистан, Азербејџан, Хаити и Того. Од соседните држави, во Црна Гора 56 отсто од испитаниците одговориле позитивно на прашањата, во Хрватска 57 отсто, а во БиХ 59 отсто, додека во Словенија тој процент изнесувал 68 отсто.Податоците на Gallup изненадија многу аналитичари, кои традиционално се фокусираат на економските показатели како параметри за позитивен живот.Жителите на Панама, која се наоѓа на 90 место според БДП по жител, изразуваат најпозитивно гледање на светот, додека жителите на Сингапур, петта држава според БДП, имаат најмалку позитивни емоции.Резултатите се добиени преку телефонски разговори или директни интервјуа со испитаниците спроведени во текот на 2011 година во 148 држави. /крај/х/ап/Copyright 2012 makfax. Сите права се задржани. Текстов не смее да се печати или емитува, во целина или во делови, без договор со makfax.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
Марко Новески објави прва фотка со близначињата: „Мојата дупла среќичка“
Водителот Марко Новески на својот Инстаграм профил објави прва фотографија со новородените близначиња Веда и Вања.
Новески, на 23 април 2024 откри дека заедно со сопругата станале родители и тогаш на неа и се заблагодари на сопругата што му го остварила најголемиот сон.
View this post on Instagram
10-тина дена по раѓањето, Марко објави фотографија, а во прегратка му се двете дечиња.
„Мојата дупла среќичка“, напиша тој,
Забава
Ева Мендес за семејството и животот во 50-тите: Вака не го замислував мојот пат
Иaкo никогаш не го замислувала својот живот на 50 години, Ева Мендес живее во свој ритам – и не може да биде посреќна. „Не подлегнувам на притисокот на општеството. Што сакам да правам, правам“, вели актерката, која ги има ќерките Есмералда Амада (9) и Амада Ли (8) со Рајан Гослинг.
“Сигурно не мислев дека ќе имам деца и ќе бидам дома. Затоа, многу сум среќна што одреден маж влезе во мојот живот и ме натера да се предомислам за сите тие работи”, рекла таа. Пред 10 години таа ја напушти актерската кариера за да се фокусира на своите деца.
Таа вели дека тоа била „најлесната одлука“ што ја донела. „Кога забременив на 40-годишна возраст, беше страшно за другите. И кога повторно забременив на 42-годишна возраст, луѓето ми велеа: „О Боже мој, ќе бидеш толку уморна“, откри таа.
„Тоа е најглупавата работа што сум ја слушнала. Патем, потребно е само малку повеќе трпение. Мислам дека не бев подготвена за тоа во моите 20-ти, пиев и пушев. Дефинитивно не можев да подигнам деца во кое било друго време од мојот живот освен сега“, додава таа.
Една од најубавите жени на светот истакна дека е „среќна што се отишло во тој правец“.
Инаку, Мендес нема снимено ништо откако стана мајка. Нејзината последна улога беше во 2014 година. Покрај нејзината актерска кариера, таа е портпарол на голема козметичка компанија, модел и креативен директор на брендот за шминка „CIRCA Beauty“.
Забава
Емили Ратајковски го привлече вниманието со фустан кој повеќе открива отколку што крие
Емили Ратајковски присуствуваше на настанот The King’s Trust Global Gala што се одржа во Casa Cipriani во Њујорк, каде што ги привлече погледите со храбар фустан.
Познатата убавица носеше свилен крем фустан со длабоко деколте, кој допираше речиси до нејзиниот папок, а кој ја истакна нејзината витка линија. Фустанот имал и гол грб и бил врзан околу вратот.
The King’s Trust Global Gala е основана од британскиот крал Чарлс III. со цел да им се помогне на младите, а свечениот настан собра многу познати фаци, како моделот Ирина Шајк, актерката Кејт Бекинсејл, славната двојка Криси Тајген и Џон Леџенд, поранешната манекенка Кејт Мос и плус сајз моделот Ешли Греам.