Регион
Романски локални избори, многу кандидати под истраги за корупција
Повеќе од 18 милиони Романци во неделата избираат градоначалници и општински советници на локалните избори кои се одбележани со корупциски истраги против бројни кандидати за локалните власти, или не се темелно проверени за разни злоупотреби на овластувањата на претходните функции, пренесуваат агенциите истакнувајќи дека третина од 350-те локални функционери кои се кандидирале на овие избори или се под истрага за корупција или веќе им се суди.
Многумина од нив, наведува Reuters, се уверени дека градоначалничките и другите функции се осигурени. Со главниот град Букурешт, на пример, управува преодна градска власт, бидејќи против поранешниот градоначалник Сорин Опреску, се води судската постапка поради примање мито. Пет од шест од градоначалници на окрузи се под разни истраги за кривични дела.
„И 26 години по Николае Чаушеску гледаме дека се уште не сме го достигнале нивото на граѓанска култура за да се изврши притисок да не ги поднесуваат своите кандидатура“, изјави за AFP политичкиот аналитичар Ради Магдин.
Романскиот закон, имено, не ги попречува лицата кои се под корупциска истрага да конкурираат за официјални позиции, како што се на овие избори 3.000 градоначалнички места и 8.000 мандати во градските совети.
Со население од 20 милиони луѓе подеднакво распоредени меѓу селата и градовите, градоначалниците и советниците се стварни големи играчи во политиката на коишто на располагање им е поголем дел од 30 милијарди евра наменети за Романија од европските фондови од 2014 до 2020 година. Ризикот корупција е голем, имено новиот градоначалник на Букурешт, потсетува европското издание на Politico, ќе располага со годишен буџет од 900 милиони евра.
Поранешната комунистичка Романија, која ѝ се придружи на Европската унија во 2007 година, веќе долго го има епитетот на корумпирана земја на високите политички нивоа, и покрај обидите на државното обвинителство да се пресмета со практиката на мито и корупција. Transparency International ја става земјата на третото место на најкорумпираните држави во ЕУ, по Бугарија и Италија.
Овие локални избори се и првиот тест за политичката класа и земјата по фаталниот пожар во дискотека во Букурешт кон крајот ланскиот октомври кој со повеќето десетици жртви ја шокираше Романија и доведе до пад на социјалдемократската влада на PSD, Виктор Понта.
Аналитичарите сметаат дека, сепак, PSD има голема шанса да ги освои овие избори, што би претставувало удар за либералите и десната струја пред парламентарните избори оваа есен. Во Букурешт, анкетите ѝ даваат голема шанса за победа на Габриел Фиреа, кандидатка на сојузот на PSD и Националната унија за напредок на Романија (UNPR)./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Договорен текстoт на резолуцијата за Сребреница
Предлогот за резолуција за комеморација на геноцид врз Бошњаците од Сребреница, извршен во јули 1995 година, е договорен, а за него треба да се расправа на седницата на Генералното собрание на Обединетите нации, потврди амбасадорот на БиХ во ОН, Златко Лагумџија.
Лагумџија на социјалната мрежа „Икс“ објави дека процесот на усогласување на резолуцијата, чии формални предлагачи се Германија и Руанда, е завршен и испратен до претседателот на Генералното собрание на ОН, Денис Френсис, па нејзиниот текст ќе биде претставен до земјите членки. на светската организација, од која се очекува поддршка.
Резолуцијата повикува да се воспостави 11 јули како меѓународен ден на сеќавање на жртвите на геноцидот во Сребреница, уште еднаш се осудуваат сите дејствија со кои се величат сторителите на воени злосторства, злосторства против човештвото и геноцид утврдени со пресудите на меѓународните судови. Ја нагласува важноста од завршување на потрагата по останките на преостанатите жртви кои досега не се пронајдени и повикува на продолжување на гонењето на сторителите на геноцидот кои се уште се на слобода.
Резолуцијата има намера да ги повика сите држави целосно да ги почитуваат своите обврски од Конвенцијата за спречување и казнување на злосторството геноцид, да го почитуваат меѓународното обичајно право за спречување и казнување на геноцид и да ги почитуваат релевантните одлуки на Меѓународниот суд на Правдата (МСП).
Од генералниот секретар на ОН се бара да воспостави информативна програма наречена „Геноцид во Сребреница и Обединетите нации“, која треба да се спроведе пред следната година, кога се одбележува 30-годишнината од тоа злосторство.
Сите земји-членки на ОН, како и невладините организации и граѓанското општество, предлагачи на резолуцијата истовремено повикуваат на соодветни активности за комеморација и чест на жртвите на геноцидот во Сребреница во 1995 година.
Македонија е коспонзор на оваа резолуција.
Српскиот претседател Александар Вучиќ и лидерот на босанските Срби Милорад Додик инсистираат дека оваа резолуција е обид да се наметне колективна вина врз српскиот народ.
Регион
Tлото на Балканот се тресе: По Хрватска, земјотреси и во Албанија и Грција
Два земјотреси, во растојание од една минута – во 19.19 и 19.20 часот – вечерва се регистрирани на територијата на Албанија.
Земјотресите се со интензитет од 2,1 степен според Рихеровата скала.
Епицентарот на првиот земјотрес бил на седум километри од Елбасан, додека вториот на 62 километри од Тирана.
Според информациите на ЕМСЦ, неколку минути претходно, земјотрес од 2,5 степени имало и во јужниот дел од Грција, а уште два од 2 и 2,3 степени се регистрирани предмалку на Крит.
Претходно денес, Хрватска ја погоди силен земјотрес од 4,7 степени, а беше почувствуван и во Босна и Херцеговина. По овој потрес, следеа неколку помали.
Регион
Не ги навредив Бугарите, туку ја критикував нашата влада, објасни хрватскиот претседател по изјавата на која реагираше Софија
Хрватскиот претседател Зоран Милановиќ изјави дека со изјавата дека Хрватска е „на дното на ЕУ по повлекувањето на европските пари, а само Бугарија е полоша“, не ги навредил Бугарите, туку ја исмејува хрватската влада која прави „будали и социјални случаи“ од нејзините граѓани.
Милановиќ претходно рече дека „Хрватска е дното на Европската унија и дека само Бугарија е полоша“, па секој ден се молат на Бога, Бугарија да остане последна и ништо да не и се случи, бидејќи во спротивно би била Хрватска“. По изјавата, според хрватските медиуми, Бугарите ја повикале хрватската амбасадорка во Софија, Јасна Огњеновац и изразиле незадоволство, пренесува порталот „Индекс“.
Бугарското Министерство за надворешни работи на хрватскиот амбасадор му пренело „длабоко разочарување од изјавата на претседателот Милановиќ“, каде што истакнале „дека изјавата е неприфатлива за Бугарија и не е во согласност со одличните билатерални односи меѓу Хрватска и Бугарија“.
Тие истакнаа и дека се надеваат дека „хрватската влада ќе се огради од таа изјава“.
„Не ги навредив Бугарите, туку исмевав некои елементи на хрватската влада кои не’ прават будали и социјален случај“, рече шефот на хрватската држава и додаде дека претходно ја критикувал земјата на тема повлекување европски пари.
„Дали можеме да кажеме дека Хрватска се моли Сингапур последен да подигне пари? Дали тоа звучи подобро? Но, Сингапур не е европска земја. Значи некој мора да биде последен. Тоа е Бугарија, а Хрватска е претпоследна“, рече Милановиќ и потсети дека тоа се статистички податоци и дека тоа досега го кажал десет пати.
„Тоа е потсмев, за жал, на сметка на некои во Хрватска кои не прават социјален случај, кои не можат да земат доволно европски средства, па затоа сме претпоследни. Нормално, гледаш кој е последен. Бугарија е последна, секогаш е последна (…) Хрватска е претпоследна“, рече Милановиќ.
„И тоа е факт за кој зборував десет пати. Алелуја (…) Тоа се факти за кои мора да се разговара во политиката бидејќи се многу релевантни податоци. Зошто Хрватска е претпоследна? Зошто не е петата одоздола, или петта одозгора. Зошто не е? Веројатно некој е одговорен за тоа“, додаде тој.
На крајот, како што додаде, никој не се моли Бугарија да пропадне, туку дека неговата изјава е верзија на американската шега за сојузната држава Арканзас, која „се моли на Бога Мисисипи, кој е најсиромашниот, да биде здрав и добро“, бидејќи во спротивно тоа би бил Арканзас.
„За да го знаете тоа, треба да прочитате нешто во животот, а не да се занимавате со селски скандали“, рече Милановиќ.