Политика
СДСМ и коалициските партнери повикаа на бојкот на изборите
Во името на принципите коишто се содржани во платформата што социјалдемократите и нивните партнери ги потпишаа во саботата, претседателот на СДСМ, Зоран Заев, ги повика сите граѓански организации и политички партии да не учествуваат на изборите кои ги нарече „нелегитимни“ кои „авторитарниот режим сака да ги одржи“ на 5-ти јуни.
Документ насловен „Платформа за демократска Македонија“ претходно во седиштето на најголемата опозициска партија СДСМ го потпишаа челникот Зоран Заев и претставниците на коалициските партнери со кој „се обврзуваат на заедничко и бескомпромисно дејствување во одбрана на законското и уставното функционирање на државата“.
На документот, покрај Заев, свои потписи ставија и лидерите на Новата социјалдемократска партија (НСДП), на Либерално-демократската партија (ЛДП), Обединети за Македонија, Партија за движење на Турција, Партија за целосна еманципација на Ромите, Демократскиот сојуз на Власите, Санџачката лига, Српска странка во Македонија, Движење за национално единство на Турците во Македонија, Нова алтернатива, ПЕП 21, Партија на обединети пензионери и граѓани и Граѓанско либерална партија.
„Демократскиот фронт за иднината на Македонија се шири. Денеска, СДСМ и коалициските партии ја потпишаа Платформата за демократска Македонија за враќање на слободата и демократија. Со оваа Платформа за демократска Македонија се обврзуваме заедно и бескомпромисно да делуваме во одбрана на правдата, вистината, иднината!“, рече Заев по потпишувањето на документот придружуван од челниците на помалите опозициски партии
Челникот на СДСМ прецизираше дека “Платформата за демократска Македонија“ ги содржи демократските начела од кои опозицијата нема да отстапи сé до нивното исполнување.
„Затоа што станува збор за иднината на Македонија“, порача Заев.
Меѓу споменатите принципи од документот, социјалдемократскиот лидер си истакна слободата и демократијата на коишто се темели на секое здраво општество и предуслов за нормален живот. „Целото наше општество се наоѓа во заложништво на криминалната банда на власт и можеме да го ослободиме само доколку заедно и цврсто застанеме зад овие демократски начела и принципи“, рече Заев.
Истакна дека предвремените парламентарни изборите, кои произлегуваат од икн Пржински договор меѓу четирите најголеми партии за надминување на политичката криза мора да бидат регуларни, фер и демократски.
„Во Македонија ќе се одржат регуларни, фер и демократски избори откако ќе се надминат клучните проблеми преку прочистување на избирачкиот список, спроведување на реформа на медиумите и прекинување на притисоците и заплашувањата врз гласачите“, рече уште Заев претставувајќи ја „Платформата…“ на опозициската коалиција.
Уште еднаш порача дека медиумите мора да бидат слободни и објективни. „Медиумите се столб на секое слободно општество и гласноговорници на демократијата. Заробените медиуми во Македонија може да се ослободат само преки реформи коишто ќе обезбедат професионално, избалансирано и независно работење на медиумите. Реформи за враќање на улогата на МРТВ како јавен сервис за транспарентно финансирање на медиумите. Реформи за заштита и поддршка на новинарите во професионалното извршување на работата“, смета Заев.
Денеска потпишаниот документ, посочи Заев, содржи и одредница за борбата против криминалот и корупцијата, којашто мора да биде бескомпромисна и во тој контекст рече дека „Криминалот и корупцијата го киднапираа системот, ги заробија државните институции и им донесоа несигурност и сиромаштија на граѓаните“.
Заев уште еднаш изрази целосна поддршка за работата на Специјалното јавно обвинителство како основа за бескомпромисна борба против корупцијата и криминалот, за што рече дека освоен целосната поддршка на СЈО како независна институција, неопходни се и департизирана полиција во служба на граѓаните, независна агенција за борба против корупцијата и силно граѓанско општество како гласен борец против злоупотребите.
„Ослободувањето на државните институции е клучен предуслов за демонтирање на криминалниот систем кој ја зароби држава. Отпочнувањето на овој процес директно зависи од департизација и деполитизација на државните институции, независно судство, владеење на правото и правичноста, професионална полиција во служба на граѓаните, се начелата во кои веруваме и нема да отстапиме од нивното исполнување“, порача Заев
Во името на овие принципи на демократска Македонија ги повикуваме сите граѓанки и граѓани, сите граѓански организации и политички партии да не учествуваат на нелегитимните избори кои авторитарниот режим сака да ги одржи на 5-ти јуни 2016 година./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Мицкоски од Чаир: На Македонија ѝ треба обединување и единство, а не поделби, владата на ВМРО-ДПМНЕ ќе вложи 1 милијарда евра за проекти во сите општини
Се чувствува победничка атмосфера и енергија, тоа е важно за сите нас и ни дава мотив да продолжиме посилно да се бориме. Овие денови кои ни преостануваат треба максимално да се мобилизираме, а најновите анкети кои ги добив утрово велат дека ќе биде голема победата и на 24 април и на 8 мај, изјави претседателот на ВМРО-ДПМНЕ, Христијан Мицкоски на митингот во Чаир.
Мицкоски истакна дека сега во Македонија имаме политичка гарнитура која повеќе од две децении е на власт, тоа се ДУИ чија суштина се поделби и грабеж на народот.
– Кога ќе анализирате која е суштината на ДУИ, Али Ахмети и Артан Груби, Бујар Османи, Талат Џафери и останатите, кај нив нема ништо посебно тие само го делат народот по етничка основа и така опстојуваат. Дали некој може да се сети некоја добра работа која Али Ахмети и Артан Груби ја имаат направено, но можам да кажам десетици лоши работи, рече Мицкоски.
Мицкоски нагласи дека сега ДУИ сериозно ќе бидат изненадени на овие избори, а им се познава нервозата затоа што после 8 мај треба да одговараат за сето она што му го направија на народот, за целиот грабеж.
Мицкоски се осврна на проектите кои ги планира идната влада од ВМРО-ДПМНЕ и посочи дека се планира да се инвестира 250 милиони евра секоја година во општините, 1 милијарда во 4 годишен мандат.
– Во Чаир ќе има висока сума, еден од проектите е проширување на булеварското решение на влезот од Бит Пазар кон Чаир и тоа мора да се направи и го повикувам градоначалникот да се пријави со повеќе проекти. Тоа ќе додаде вредност во квалитетот на живеење. На Македонија и треба обединување и единство не поделба, потенцираше Мицкоски.
Мицкоски додаде дека идната влада на ВМРО-ДПМНЕ планира да отвори нови 55.000 работни места, да функционира со владеење на правото на целата територија и нема да има територии каде ќе владејат шерифи.
Да обезбедиме пристојни услови за поголем инвестициски бран и од странство и од домашни инвеститори за да може децата да останат тука. Мораме и тие кои си отидоа да ги вратиме назад. Да обезбедиме надеж. Ве повикувам на 24 април сите да се обединиме околу број 2 и да гласаме за Гордана Силјановска Давкова, а потоа да се обединиме и заедно на 8 мај да испишеме историја за коалицијата Твоја Македонија предводена од ВМРО-ДПМНЕ, изјави Мицкоски.
Македонија
Доц. д-р Бобан Карапејовски: Ќе обезбедиме вработување на најдобрите 200 студенти, како и стипендии од 500 евра месечно
Носителот на листата на кандидати за пратеници во ИЕ 1, Бобан Карапејовски на денешната прес конференција рече дека во програмата на Движењето ЗНАМ – За наша Македонија за парламентарните избори, наречена „Проглас за достоинствена Македонија“ еден од приоритетите се образованието и науката, кои се суштински за градењето силна и просперитетна држава.
„Во Прогласот за достоинствена Македонија на Движењето ЗНАМ – За наша Македонија, предвидовме два сегменти: зголемување на достоинството на вработените во образованието и во науката и поставување нов систем, со кој овој сектор ќе се врати во фокусот и ќе помогне во создавањето функционално писмен и високообучен кадар, како и продлабочување на
научните истражувања“, рече Карапејовски и додаде: „Во однос на првиот постулат, достоинството на вработените во образовниот сектор, е предвидено платите на наставниците и на професорите да се зголемат до 100 % од актуелните. И, тоа е најмалку што можеме да направиме за да му го вратиме угледот на учителот и да ги привлечеме најдобрите да бидат
даскали на нашите деца“.
Тој потенцира дека за најдобрите студенти ќе се обезбедат стипендии во износ од 500 евра месечно, а за најдобрите двесте студенти вработување во научните и во институциите на системот.
„Партиските вработувања мора да запрат! Не смее партиската книшка да биде услов за вработување. На универзитетите и во државните институции треба да работат најдобрите за најдоброто за сите нас. Ни треба научен подмладок веднаш, како и
ревизија на условите и зголемување на квалитетот на акредитираните универзитети, кои се множат на секој чекор, а не даваат квалитет“, рече тој.
Карапејовски рече дека наставните програми и планови ќе се усогласат со модерните технологии и достигнувања и појасни дека ќе се изгради систем што ќе поттикнува креативно, аналитичко и логичко размислување кај учениците, но и ќе поттикнува креативност во областа на бизнисот и на финансиската едукација. Учебниците ќе бидат усогласени со новите наставни планови и програми и напишани од најдобрите автори, навреме доставени до учениците.
Тој исто така рече дека издвојувањата од буџетот за науката ќе се зголемат, а ќе има и посебни стимулации за оние што успеваат да објавуваат во најпрестижните списанија и да соработуваат со колегите од најдобрите светски универзитети, како и посебни субвенции за таканаречните национални дисциплини.
Македонија
Пендаровски: Ги знам нивните лажни анкети, ги знам и реалните анкети и реално ви кажувам дека на 8 мај победуваме!
На само неколку дена пред првиот круг на гласање, од Скопје кандидатот за претседател Стево Пендаровски искажа верување дека по повеќе од три децении независност, македонските граѓани многу добро знаат да препознаат чија програма е реална, а која е во расчекор со времето во кое живееме.
„Овој претседател и оваа политичка гарнитура никогаш не давале лажни надежи и ветувања за брза реализација на стратешките цели на државата. И денес пред вас, не велам дека Македонија за само неколку години ќе биде најразвиената држава во Европа, не ветувам дека целиот тој процес ќе трае само неколку месеци, но, говорам и повторувам секаде дека најголемиот ризик е ако на изборите им дадеме шанса на оние за кои претходно веќе видовме како владеат со луѓето цели 11 години“, истакна Пендаровски.
Пендаровски денеска повика на масовна излезност на 24 април и на 8 мај, за како што рече, да не се враќаме во режим.
„Ги знам нивните лажни анкети, ги знам и реалните анкети и реално ви кажувам дека победуваме на 8 мај. Со заокружување на бројот 1 продолжуваме кон Европа и кон развиениот свет и дефинитивно не се враќаме назад во режим и заробена држава“, рече Пендаровски.