Забава
Чија е Хајди
Потеклото на еден од најпознатите детски ликови е причина за нова расправа меѓу Германците и Швајцарците
Тврдењето дека русокосото девојче Хајди кое живее со дедото во планините, е Германка а не Швајцарка како што се мислеше досега, потекна откако се отвори прашањето дали авторката швајцарската писателка Јохана Шпири наводно ја украла идејата за книгата од германскиот автор Адам вон Камп.Ова тврдење го промовираше стручњакот за германската книжевност и култура Петер Бетнер, според кој Шпири ја добила инспирацијата и ја зела идејата за своето дело од приказна која била напишана половина век претходно. Интересно е што иако постои анимозитет меѓу германофоните во Швајцарија, односно Швајцарци од германско потекло и Германците од другата страна на Алпите, Бетнер живее во Цирих но е роден во Германија. „Не велам дека Шпири ја препишала германската книга, но претпоставувам дека ја знаела таа книга и тоа ја инспирирало“, вели Бетнер нагласувајќи дека немал намера Хајди да им ја одземе на Швајарците. Тој своето тврдење го поткрепува со многу големи сличности во „Хајди“ и во постарото германско дело „Аделаида, девојченцето од Алпите“, односно дека Хајди всушност е скратеница од Аделаида. И во двете книги станува збор за девојче кое расте со дедото и кое мора да го напушти дотогашниот дом во планините. Во Швајцарија се крена голема прашина во заштита на Шпири аргументирајќи дека многу книжевници од средна Европа во 19. век пишувале на темата населување во градовите и негативните влијанија на градските средини врз децата.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
Кејт Мидлтон направи нова фотографија, има добра причина за тоа
Кенсингтонската палата објави нова слика од принцезата Шарлот за да го прослави нејзиниот деветти роденден.
„Среќен 9-ти роденден принцеза Шарлот! Ви благодариме за сите љубезни пораки денес“, пишува во описот покрај фотографијата објавена на социјалните мрежи.
Happy 9th Birthday, Princess Charlotte! 🎂
Thank you for all of the kind messages today.
📸 The Princess of Wales pic.twitter.com/2DSDiuO93c
— The Prince and Princess of Wales (@KensingtonRoyal) May 2, 2024
Како што е наведено, фотографијата ја направила принцезата од Велс.
Пред нешто повеќе од една недела на социјалните мрежи беше објавена нова фотографија и од нејзиниот помлад брат, принцот Луис.
Фотографијата, исто така направена од принцезата Кејт, беше споделена на 23 април за да го одбележи шестиот роденден на младиот член на кралското семејство.
Најстарото дете на Вилијам и Кејт, принцот Џорџ, ќе наполни 11 години на 22 јули.
Забава
Празнично ретро шоу на автомобили-олдтајмери на Градскиот плоштад во Крива Паланка
Градскиот плоштад во Крива Паланка, во сабота (4 мај), ќе биде возбудливо место на празнично Меѓународно ретро шоу на автомобили-олтајмери од Македонија и соседството, кои ќе бидат изложени за јавноста од 11,00 – 13,30 часот.
Љубителите на старите атрактивни автомобили ќе можат да уживаат во овој ретро авто-собир и ревијата на околу 30-тина автомобили, стари и по 40 години, од моделите на Мерцедес, Опел , Шевролет и други.
Ретро шоуто на олдтајмери го организира Општина Крива Паланка, во соработка со Клубот “Олдтајмер Витези” од Куманово, а учесници се повеќе олдтајмер клубови од нашата држава и од Србија.
Старата класа возила од минатиот век ќе тргне од собирното место во Куманово и ќе пристигне во 10,30 часот на паркингот кај ресторан „Облаче“ каде сите автомобили ќе бидат нумерирани и обележани со симболите на „Крива Паланка-Град на културата“. Возилата ќе продефилираат низ централното градско подрачје до Градскиот плоштад каде ќе бидат изложени и поставени нивните обележја.
Настанот ќе биде збогатен со настап на ДЏ Буѓо, а сите граѓани ќе можат одблиску да се запознаат со ретките примероци на олдтајмери, нивната приказна и историја, па дури и да си обезбедат специјално возење со овие стилски антиквитети на четири тркала.
Во 13,30 часот, олтајмерите ќе се упатат кон манастирот „Св. Јоаким Осоговски“ каде ќе бидат изложени на паркингот над црквата.
Ретро шоуто на олтајмери за првпат се организира во нашата општина , а е дел од манифестацијата „Крива Паланка- Град на културата 2024“.
Забава
Принцезата Шарлот денеска полни девет години, обожавателите со нетрпение очекуваат фотографија
Принцот и принцезата од Велс, имаат уште една причина за славење оваа недела – роденденот на принцезата Шарлот.
Принцезата Шарлот денеска наполни девет години и обожавателите со нетрпение ја очекуваа годишната роденденска фотографија што семејството ќе ја објави на нивниот посебен ден, објави Мирор.
Сепак, тие ја прекинаа традицијата минатата недела кога принцот Луис наполни шест години, а се чини дека планираат да го сторат истото и овој пат.