Економија
Кипар ќе го олесни добивањето државјанство за оние што изгубиле 3 млн евра
Кипарските власти ќе им овозможат полесно добивање државјанство на странските вложувачи кои во кипарските банки изгубија повеќе од три милиони евра поради договорот со Европската унија и Меѓународниот монетарен фонд, настојувајќи да го задржи интересот меѓу странците за инвестирање во оваа земја која важеше за еден од „даночните раеви”.
Како што соопшти во неделата кипарскиот претседател Никос Анастасиаедес во подготвениот договор за руските деловни луѓе во градот Лимасол, неговата влада седмицава ќе ги ублажи условите за странците кои бараат државјанство на Кипар, којашто е најмалата членка на Европската унија од 2004 година.
Инвеститорите кои не се државјани на Кипар а кои таму имале банкарски депозити и штедни влогови пред 1-ти март кога беше донесе планот според клиентите на кипарските банки ќе изгубат дел од своите сметки, а коишто изгубиле најмалку три милиони евра, ќе можат да побараат кипарско државјанство, рекол претседателот Анастасиадес, пренесува РИА Новости.
Постојната кипарска програма „државјанство низ вложување” ќе биде изменет за да износот вложувања потребен за вклучување во програмата да се намали од претходните 10 милиони на три милиона евра.
„Тие одлуки ќе бидат спроведени по брза постапка”, рекол кипарскиот претседател. Според него, се разгледувале и други одлуки, меѓу кои и понуда за даночни олеснуваа за постојните и новите компании кои работат на Кипар.
Кипар, чијашто економија се најде пред крах, во замена за помош од ЕУ и ММФ беше принуден да усвои пакет мерки со кои со специјални даноци ги погоди инвеститорите со големи депозити во тамошните банки.
Преструктуирање на најголемата кипарска банка „Bank of Cyprus” и ликвидацијата на втората по големина банка „Laiki”, заедно со можната продажба на златните резерви на оваа островска медитеранска земја, треба да придонесе Кипар да обезбеди околу 11 милијарди евра придонес како дел од програмата за спас од колапс на банкарскиот систем и самата земја од банкрот.
Претходно централната банка на Кипар објави дека отписот на депозитите поголеми од 100 илјади евра во „Bank of Cyprus” при реорганизација на кредитните институции ќе изнесува 37,5 отсто. Првично, банката ќе ги размени овие 37,5 проценти од големите депозити за акции. На уште 22,5 отсто од депонираните средства нема да се пресметува камата. Се претпоставува дека овие средства банката, исто така, во иднина може да ги претвори во акции. На останатите 40 отсто од депозитите поголеми од 100 илјади евра ќе се акумулира камата, но средствата ќе останат на сметките во банката до нормализирање на ситуацијата, односно нема да може да се префрлаат.
Претседателот Анастасиадес, чијашто десничарска влада е на власт помалку од два месеца, изјави дека земјите коишто го обвинуваа Кипар за перење на парите на компаниите како што е во прв ред Русија се лицемерни, бидејќи истите тие земји сега, исто така, се обидуваат да ги привлечат странските компании.
Финансиската помош за Кипар, првпат побарана во јуни 2012 година, делумно беше одложувана поради загриженоста коишто ја изразуваа некои земји од еврозоната, во прв ред Германија, дека кипарскиот финансиски сектор е нетранспарентен, со што го потпомага перењето пари. Кон крајот на март францускиот министер Пјер Московиси на европските даночни обврзници им порача на европските даночни обврзници дека во случајот на кипар „Станува збор за казино-економија која беше на работ од банкрот и треба да се стори нешто, бидејќи инаку сите ние за тоа ќе ја платиме сметката”. „Кипарските челници сакаат да ја заштитат таа казино-економија, повеќе отколку да му помогнат на својот народ, меѓутоа луѓето се на улица и треба да бидат послушани”, рече Московиси.
„Меѓутоа, Кипар не е ниту место за перење пари, ниту даночно засолниште”, рече во неделата кипарскиот претседател. „Многу ме растажува, ќе се воздржам од зборот лути, што откако е постигнат договорот со Еврогрупата (министрите за финансии на земјите членки на еврозоната -з.р.), некои делови од финансискиот сектор на ЕУ партнерите го демнат нашиот сектор на финансиско работење за да го поттикнат преместувањето на средствата во своите економии”, рече уште Анастасиадес.
Според него „апсурден парадокс” е дека владите на тие деловни субјекти тврдеа дека тире средства на незаконски патишта биле депонирани и вложени во Кипар. „Цврсто сум убеден во правилата на слободниот пазар, меѓутоа дозволете ми да го коментирам лицемерството на тие методи”, рече Анастасиадес./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Економија
Славески на средби со ММФ: Мерките на Народната банка придонесуваат за постепено намалување на инфлацијата и задржување на финансиската стабилност
Гувернерот на Народната банка, Трајко Славески, во рамки на Годишните средби на Меѓународниот монетарен фонд (ММФ) и Светската банка, што се одржуваат во Вашингтон, оствари низа билатерални средби со високи претставници на ММФ. На средбите присуствуваше и министерската за финансии Гордана Димитриеска Кочоска.
Славески се сретна со заменик-директорот на ММФ Бо Ли, директорот на Европскиот оддел во ММФ Алфред Камер, извршниот директор Јерон Клик, заменик-директорите Марникс ван Рај и Владислав Рашкован и шефот на Мисијата на ММФ за нашата земја Ник Гигинеишвили.
На средбите, високите претставници на ММФ го поздравија приклучувањето и реализацијата на првите трансакции во СЕПА, како и потпишувањето на Писмото на намери со Банката на Италија за развивање на клон на ТИПС системот на ЕЦБ за земјите од Западен Балкан за натамошна модернизација и овозможување инстант плаќања во домашните, меѓусебните прекугранични плаќања и плаќањата со другите земји во СЕПА.
На средбите се разговараше за најновите макроекономски случувања во земјата, како и за очекувањата за идните движења. Славески истакна дека Народната банка е цврсто посветена на одржувањето на ценовната стабилност, за што се осврна на мерките преземени од страна на централната банка во насока на остварувањето на оваа цел. Дополнително, гувернерот ги образложи новите макропрудентни мерки донесени од страна на Народната банка насочени кон понатамошно одржување на финансиската стабилност.
Претставниците на ММФ посочија дека прудентната монетарна политика што ја спроведува Народната банка придонесува за ефективно управување со ризиците и постепено намалување на инфлацијата, при што создава услови за стабилен економски раст, што се потврдува и со најновите проекции на ММФ за македонската економија, со очекуван растот годинава од 3,4%, а за следните години одржување на нивото околу 3%. Истовремено, инфлацијата се очекува во континуитет да продолжи да забавува и да се сведе на историското ниво од околу 2% на среден рок.
Во разговорите беше потврдена и континуираната успешна соработка меѓу Народната банка и ММФ. Во изминатиот период, преку техничките мисии на ММФ беа реализирани повеќе активности за модернизација на монетарните операции, подобрување на проекциите за ликвидноста на банкарскиот систем и зајакнување на супервизорските капацитети на Народната банка. Со тоа се зголеми ефикасноста и предвидливоста во спроведувањето на монетарната политика, како и отпорноста на банкарскиот систем на потенцијални ризици. Соработката со ММФ ќе продолжи и во наредниот период, со цел понатамошно усогласување со меѓународните стандарди и унапредување на аналитичките и оперативните капацитети на Народната банка.
Економија
Ѓорѓиевски: Регионалниот пристап за земјите од Западен Балкан е можност за раст на економиите и подобро позиционирање на европскиот пазар
Делегација на Сојузот на стопански комори на Македонија учествуваше на дводневната престижна конференција во Будва, Република Црна Гора организирана по 14 пат од страна на Стопанската комора на Црна Гора. Во рамките на конференциите ЕЕN – IFNNO на која покрај презентациите за европските проекти се остварија значајни контакти на групацијата за проекти при ССКМ со потенцијалните партнери и донатори од Европската Унија за идна соработка.
На маргините од првиот ден претседателот на ССКМ , Горан Ѓорѓиевски со делегацијата оствари средба со министерот за земјоделство, шумарство и води на Црна Гора, Владимир Јоковиќ. На средбата се потврди подготвеноста за соработка во aгро сегментот, заедничка соработка и споделување на искуства во развојот на руралниот туризам како неискористен потенцијал на двете земји. Се искажа подготвеност за заедничка соработка во аплицирањето на европските проекти како и соработката во споделување на искуства од страна на ССКМ со министерството за земјоделиe, шумарство и водостопанство на Република Црна Гора.
Претседателот на ССКМ Ѓорѓиевски истакна дека идниот период потребно е двете земји да се фокусираат за зголемување на меѓусебната економска размена, развој на aгро сегментот, фокус на aгро и екотуризмот кој ќе доведе до успорување на миграцијата и намалување на притисокот во делот на човечките ресурси.
Покрај излагањето на врвни експерти за економија на конференцијата кои ги трасира идните чекори кон раст на регионот, на маргините од вториот ден Ѓорѓиевски оствари средба со претседателката на стопанската комора на Црна Гора, Нина Дракиќ, на која се предложија поголем број од иницијативи за развој на човечките ресурси како клучен елемент на идниот развој на бизнисите на двете земји, организирање на В2В состаноци во најзначајните економски сектори на двете земји, заеднички настап на европски проекти како и зајакнување на регионалниот пристап како клуч на успехот за економии на двете земји.
Ѓорѓиевски на средбата истакна дека во периодот пред нас потребно е да се изградат уште поцврсти мостови на соработка помеѓу двете бизнис комори во повеќе економски гранки од кои во следните години се очекува најзначаен удел во Бруто домашниот производ на Република Македонија и Република Црна Гора.
Економија
Електродистрибуција ја зајакнува нисконапонската мрежа со инвестиции над 10 милиони евра
Екипите на Електродистрибуција, во првите 6 месеци од 2025 година, успешно реализираа повеќе инфраструктурни проекти насочени кон модернизација и подобрување на нисконапонската мрежа.
Главниот фокус на овие активности е зголемување на стабилноста на системот, намалување на загубите и воведување современи решенија во управувањето со дистрибутивната мрежа.
Во рамки на проектите беа поставени 135 километри нова нисконапонска мрежа, заменети старите столбови и проводници, како и инсталирани нови далечински уреди за мерење на нови локации.
Вкупната вредност на инвестициите за овој период изнесува 10,4 милиони евра, додека дополнителни 2 милиони евра се планирани до крајот на 2025 година. Со овие инвестиции, Електродистрибуција ја зајакнува дистрибутивната мрежа и поставува уште постабилна основа за понатамоштен развој на енергетскиот систем.
ПР
Трета жртва од тешката сообраќајка во Сремска Митровица – почина за време на операцијата
Уште едно лице загинало по сообраќајната несреќа што се случи денес во Сремска Митровица, кога автобус се преврте и излета...
Трамп: Царината од 100 отсто за кинеска стока не е одржлива, но бев принуден на тоа
Американскиот претседател Доналд Трамп изјави дека неговата најавена царина од 100 проценти на кинеска стока не е одржлива, но дека...
Контролорите за летање нема да штрајкуваат, но обвинуваат за незаконска одлука и лоши услови за работа без вода и систем за греење
Струковиот синдикат на контролори на летање на Македонија соопшти дека ќе ја почитува одлуката на Граѓанскиот суд во Скопје со...
Одобрено обвинението против сопственикот на фирмата за обезбедување на „Пулс“
Кривичниот суд информира дека е одобрено и второто обвинение за пожарот во дискотеката „Пулс“ во Кочани, со што предметот преминува...
Штитеници во установа за згрижување деца имале сексуален однос пред 12-годишно дете
Вчера во 16:45 часот во СВР Скопје е пријавено дека во август 2025 година во соба во установа за згрижување...
Пукање во Ѓорче Петров, жител пријавил дека му е скршен прозорецот од дневната соба, а во куќата нашол две зрна од оружје
Доцна синоќа во 03:00 часот во СВР Скопје, М.Ј.(39) од Скопје пријавил дека околу 02:50 часот, додека бил во неговиот...
Се гледаме во вториот круг, рече Шукова и повика недела да биде празник на демократијата и на слободата на одлучување
Кандидатката за градоначалничка на Скопје од СДСМ, Каја Шукова, ја заокружи кампањата за првиот изборен круг со повик до граѓаните...
Секој изгубен ден во политички престрелки е изгубена можност за Скопје, в недела масовно да излеземе, повика Ѓорѓиевски
На последниот ден од изборната кампања за првиот круг на локалните избори, кандидатот за градоначалник на Скопје од ВМРО- ДПМНЕ,...
Андоновски: Македонија добива современ и сеопфатен план за дигитален развој
Министерот за дигитална трансформација, Стефан Андоновски, денеска ја претстави новата Национална стратегија за информатичко-комуникациски технологии – „СМАРТ/МК 2030“, со што,...
Нема моќно оружје за Украина: Трамп ја менува приказната по разговорите со Путин
Американскиот претседател Доналд Трамп денес ќе го угости украинскиот претседател Володимир Зеленски во Белата куќа, но има сè повеќе знаци...
(Фото) Министерот за здравство се вакцинира против грип: Апелирам граѓаните навреме да се заштитат
Министерот за здравство Азир Алиу денеска го посети одделението за епидемиологија во Гостивар, каде и тој прими вакцина против сезонскиот...
(Видео) Русија: Нападнавме украински аеродром, каде што беа стационирани авиони на НАТО
Руските сили извршија напад врз воениот аеродром во Криви Рих, каде што наводно биле стационирани авиони на НАТО, објави руската...
Зеленски реагира на најавениот самит Трамп – Путин: тој денес пристигнува во Белата куќа
Американскиот претседател Доналд Трамп денес е домаќин на украинскиот претседател Володимир Зеленски во Вашингтон за да разговараат за иднината на...
(Видео) Трамп: Го прашав Путин дали би имал ништо против ако им дадам неколку илјади „томахавки“ на Украинците
Претседателот на САД, Доналд Трамп, изјави дека за време на разговорот со рускиот претседател Владимир Путин ја споменал можноста Украина...
Пицула ја критикува ЕУ за пофалбите што ги дава на Србија: „Наместо тоа, барајте вистински реформи“
Известувачот на Европскиот парламент за Србија, Тонино Пицула, изјави дека претставниците на ЕУ треба да се воздржат од прекумерно фалење...
Дописник на Би-би-си: Заборавете на „томахавките“, состанокот Трамп – Путин е ладен туш за Украинците
Доналд Трамп повторно се обидува да ги комбинира дипломатијата и политиката на моќ – овој пат помеѓу Москва и Киев....
Шукова: Време е за резултати, уреден Бутел, нови паркови, подобар превоз и вода за сите
Кандидатката за градоначалник на Град Скопје од СДСМ, Каја Шукова, вчера одржа митинг во Бутел, каде пред жителите порача дека...
Трамп по телефонскиот разговор: Ќе се сретнам со Путин во Будимпешта
Американскиот претседател Доналд Трамп денес разговараше по телефон со рускиот претседател Владимир Путин, еден ден пред најавената средба со украинскиот...
МВР со детали: Поткопан е темелот на куќата на Владо Малески, против сторителот ќе биде поднесена кривична пријава
Се огласи полицијата по случајот со уривањето на дел од спомен-куќата на Владо Малески, авторот на текстот на македонската химна....
Очекувам победа во првиот круг, не за да добијам политичка круна, туку за да не се пролонгираат сегашната голгота и хаосот, рече Ѓорѓиевски
Кадидатот за градоначалник на Скопје од ВМРО-ДПМНЕ, Орце Ѓорѓиевски, е убеден во победа, а вели дека искрено очекува тоа да...
