Забава
Словенец со четири деца добро живее од едно евро дневно
Се прашувате дали е возможно некој да живее во централна Европа и да се храни здраво за само едно евро дневно? Да, возможно е!
Тоа го докажа Словенецот Алеш Церин, кој промовирајќи едноставен начин на живот , се обидува да ги убеди останатите луѓе да научат нешто од неговиот пример.
Церин, инаку татко на четири деца, кој сака да ја подигне свеста на луѓето за глобалната сиромаштија и прекумерното трошење на Западот, открива дека тоа може да се направи само ако се одгледува овошје и зеленчук.
„За храна во последните два месеци трошев 1,1 евро дневно. Јадам јаболка, праз, пипер, грав и друго овошје и зеленчук кои ги одгледувам во својата градина“, вели 48 годишниот церин во интервју за Ројтерс.
Главната лекција која ја научил во текот на овој експеримент, кој завршува на крајот на неделата, е дека е возможно значајно да се намалат трошоците, притоа хранејќи се здраво.
„Потрошувачката на Западот е голема, посебно ако ја споредиме со онаа во неразвиените делови на светот. Сакам да ги сменам навиките на потрошувачите и да им ја покажам вистинската мерка. Луѓето на Западот се грижат колку калории внесуваат со желба да ги смалат, додека остатокот од светот ги брои калориите како да ги зголеми“, објаснува тој.
Церин пие вода, чаеви и млеко кое го купува од фармата во близина. Зелениот чај и сирењето се како што вели прескапи за неговиот буџет, а тие се единствените продукти кои му недостасуваат.
Семејствата во развиените земји трошат 400 пати повеќе на храна, од оние во неразвиените земји. Така според неговите зборови кога би се живеело по западен начин, светот би требало да биде шест пати поголем за да произведува доволно продукти за сите./крај/бл/бд
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
Како изгледа денес Роуз од „Два и пол мажи“ која го демнеше Чарли
Хит серијата „Два и пол мажи“ се емитуваше од 2003 до 2015 година, а во главните улоги беа Чарли Шин, Џон Крајер и Ангус Т. Џонс.
Улогата на композиторот и женкар Чарли ја толкуваше Чарли Шин, се до кавгата со продуцентите кога беше заменет со Ештон Качер, а многумина се сеќаваат и на Роуз која со сите сили се трудеше да го освои неговото срце.
Улогата на Роуз ја толкуваше актерката Мелани Лински, која се прослави по оваа улога. Актерката минатата година постигна голем успех во кариерата со улогата во серијата “Yellowjackets”, но и покрај тоа се бореше со „стандардите за убавина“.
Таа изјави за „Њујорк Тајмс“ дека нејзината кариера првично се засновала на сценарија за „дебела пријателка“ или „смешна дебела жена“.
„Луѓето кои ја оценуваат мојата тежина и здравје се приказна за мојот живот уште од премиерата на “Yellowjackets”, напиша таа на мрежата „Х“ и додаде дека „да се биде слаб не секогаш значи да се биде здрав“.
Нејзиниот сопруг ја поддржал, пишувајќи на мрежата „Икс“: „Ако некој има несакани коментари за нечиј изглед, слободно нека ги напише со трајно мастило на челото и нека излезе директно на сонце“.
Забава
Луѓето родени во овие два хороскопски знаци не сакаат да готват
Готвењето е уметност – барем за некои луѓе. Меѓутоа, други секогаш ја избегнуваат кујната и често може да ги фатите како нарачуваат храна од ресторани. Тие луѓе можеби се родени во овие хороскопски знаци.
Водолија
Водолиите се современи визионери, а нивната имагинација често ги надминува секојдневните задачи како што е готвењето. Наместо да поминуваат време на сечкање зеленчук, тие веројатно се зафатени со создавање револуционерни идеи кои ќе го променат светот. Кујната е едноставно преполна и премногу рестриктивна за нив; тие попрво би откриле нови светови отколку да мешаат сосови.
Стрелец
За Стрелците светот е нивна авантура, а кујната е како темнина која едноставно не сакаат да ја истражуваат. Тие се премногу зафатени со мечтаење за нивната следна дестинација или планирање авантури, па кујната често ја нема на нивната мапа. Стрелците ја сакаат слободата и слободата на движење, а готвењето често ги спречува да истражат се што може да понуди светот.
Забава
Петар Грашо и Хана Хуљиќ го очекуваат своето второ дете
Петар Грашо и Хана Хуљиќ го чекаат своето второ дете.
Ова го потврди пејачката во емисијата Ин Магазин. Парот ќе станат родители по втор пат, откако пред година и девет месеци ја добија малата Алба.
View this post on Instagram
Хана неодамна проговори за мајчинството.
„Толку многу уживам во секој момент со неа, знам дека брзо ќе порасне и можеби сега едвај чекам да порасне, но кога ќе порасне ќе ми биде жал. Убава е, весела е. Таа донесе нешто посебно во нашиот живот“, изјави Хана. Вели дека многу и помагаат двете баби.
Хана е среќна што Алба расте во вљубено семејство.
„Горда сум што детето расте во љубов, што за жал не е толку често во денешно време и секогаш ми е жал за децата кои ја немаат и ми е тешка тема“, додаде таа.
Хана и Петар се венчаа во февруари 2022 година во Сплит.