Скопје
Скопјани покажаа дека го поддржуваат животот на тркала
Огромна група велосипедисти, велосиопедски здруженија, граѓани со тротинети, млади со ролерки, родители со колички за бебиња и пешаци во неделата од 18 часот ја поддржаа ревијалната трка „Вози право, вози здраво“ во организација на Стопанска банка, чија стартна позиција беше i-bank storе концепт филијалата на Стопанска банка.
Трката заврши во градскиот парк со голема забава со 5+ Бендот, единствената Калиопи и диџеј Гоце САФ.
Со оваа ревијална трка на алтернативни превозни средства што не ја загадуваат животната средина, а помагаат во развивање на здрави навики, Стопанска банка сакаше да ја подигне свеста за предностите на ваквиот начин на превоз како нешто од големо значење за Скопје, посебно за најмладите.
Со секој извозен метар, учесниците во оваа трка донираа за изградба на урбан детски велосипедски и сообраќаен полигон, кој ќе се наоѓа во Парк Македонија и ќе биде безбедно место каде децата ќе може да учат да возат велосипеди, тротинети, ролерки, но и сообраќајни правила преку поставената вертикална и сообраќајна сигнализација.
На вчерашниот настан во градски парк се доделија и бројни награди за учесниците, најмалите цртаа на АРТ улицата, играа игри и имаа можност да ги разубават своите велосипеди или скејтови со уникатен дизајн.
Сведоштвата од добрата атмосфера ги преплавија и социјалните медиуми каде посетителите под #ВозиПравоВозиЗдраво објавуваа свои фотографии и импресии.
Како пример за општествено одговорна компанија, во своето делување Стопанска банка посебно внимание посветува на оркужувањето и неговото оплеменување. Во текот на изминатите години Банката инвестираше во оперативна инфраструктура, развој на модерни и флексибилни банкарски производи, како и во алтернативни и еколошки канали за банкарските услуги преку i-bank сервисите.
Изградбата на урбаниот велосипедски полигон за деца ќе биде завршена за помалку од два месеца. Ќе се протега на површина од 660м2 и со должина од 270м. Широчината на патеката е поделена на дел за возење од 100см и два дела – тротоари од по 50см за пешаци. Патеката ќе има гумена облога како завршна обработка што се нанесува врз бетонска подлога и делумно завршна обработка во вид на калдрма. Скопје ќе добие ново место за одмор, рекреација и уживање за целото семејство, а користењето на овој детски полигон ќе биде бесплатен./крај/мф/би
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Скопје
Паркингот во Центар денеска е бесплатен
По повод Македонските претседателски и парламентарни избори, од ЈП Паркинзи на општина Центар известуваат дека денеска паркиралиштата со кои стопанисува јавното претпријатие ќе бидат без наплата за сите граѓани.
Дирекцијата на ЈП Паркинзи на Општина Центар во катната гаража „Судска палата“ нема да работи, а сите услуги можат да се користат електронски на www.poc.mk.
Редовната наплата за паркирање на паркиралиштата и работењето на дирекцијата ќе продолжат од утре со вообичаено работно време.
Скопје
Извршена ларвицидна дезинсекција во општина Илинден
Во согласност со програмата за спроведување општи мерки за заштита на населението од заразни болести за 2024 година, Општина Илинден во координација со екипите на ДТУ ТОКСИ ВЕТ – Скопје, реализира прскање против ларви од комарци на целата територија на општината.
Во согласност со елаборатот за спроведување на превентивна дезинсекција за спречување и искоренување вектор преносливи заболувања, во овој период се врши ларвицидна дезинсекција на водни површини за уништување ларви од комарци.
Со третирањето се опфатени сите водни површини на отворените одводни канали (главни, секундарни и терцијални), речното корито на Сува Река и вештачката акумулација во Бучинци, на вкупна површина од 50 хектари.
Дезинсекција се врши со еколошко средство, кое е безопасно за здравјето на луѓето, одобрено и пуштено во промет од Бирото за лекови.
Скопје
Оваа сабота во „Јавна соба“: базар на втора рака облека, накит, книги и детски играчки
Трендот во големите градови и културата е рециклирање и рекреирање веќе на постојното. Колку понапредни општествата, толку повеќе се рециклира, се води сметка за животната околина и сè погласна и популарна е second hand модата.
Скопје полека ја прегрнува оваа нова филозофија, но колку е поголема и подобра понудата – толку повеќе ќе има интерес од страна на потрошувачите и ќе има поголем успех.
Оваа сабота (11 мај) во „Јавна соба“, под слоганот „Second hand е подобро од ново“, почнува базарот, каде што посетителите може да си набават добро сочувано парче гардероба, чевли, накит, книга или можеби некоја играчка. Ќе има многубројни штандови со разноразни парчиња, кои дефинитивно заслужуваат втора шанса.
И сето тоа во еден забавен, опуштен и пријателски амбиент, еве неколку причини зошто е подобро да купувате работи од втора рака:
– заштеда на пари;
– помагање на животната средина и зачувување на природните ресурси;
– поддржувате локален и мал бизнис;
– развивате уникатен стил;
– имате чувство како да сте во потрага по богатство.