Забава
Линколн бил смртно болен уште пред да го убијат
Познатиот калифорниски доктор Џон Сотос смета дека американскиот претседател Абрахам Линколн веќе умирал од ретка генетска болест пред да биде убиен
Познатиот калифорниски доктор Џон Сотос смета дека американскиот претседател Абрахам Линколн веќе умирал од ретка генетска болест пред да биде убиен во театарот во Вашингтон во 1865. година.
Докторот се надева дека својата теорија ќе ја докаже со анализа на ДНК на 16. американски претседател.
Сотос, кардиолог и публицист, побарал од Републиканскиот музеј во Филаделфија да му ја отстапи крвавата перница од Линколновата смртна постела за да може да ја анализира.
Управниот одбор на Музејот ја одбил молбата, но оставил отворена можност анализата да биде направена во некое идно време.
Сотос смета дека анализата ќе покаже дека Линколн боледувал од болест позната како мултипла ендокрина неоплазија од типот 2Б (МЕН), кои нервните станици и коските ги тера на претеран раст. Сите пациенти со таа болест, ако не се лекува, порано или подоцна добиваат рак на тироидната жлезда.
„Сите знаеме како умре Линколн, но јас сакам да знам како живеел. Би ги прашал историчарите дали можеби болеста влијаела на неговото однесување во текот на Граѓанската војна. На пример, последните месеци од живото бил неверојатно благонаклонет кон Југот“, рече Сотос, кој е стручен консултант на популарната телевизиска серија „Др. Хаус“.
Сотос своето тврдење го поткрепува со долгите екстремитети на Линколн, испакнати усни и проблемите со констипацијата, што се класични симптоми на МЕН, редок генетски синдром.
Но докази наоѓа уште повеќе во семејството на Линколн, чии тројца од четворицата синови умреле млади. Единствениот син кој го надживеал физички немал сличности со таткото и тројцата браќа. Сотос исто вели дека Линколн имал симптоми на напреднат рак.
„Во последната година од мандатот многу се променил. Изгуби доста на тежина и постојано се жалел на умор. Впрочем, ако имал МЕН, за човек на негова возраст(56) ракот веќе би бил развиен“, вели докторот.
„Линколн беше паметен човек и сигурно знаел дека се случува нешто лошо…но поради состојбата во САД тоа не би го кажал никому“, тврди Сотос, кој е убеден дека 16. американски претседател веќе бил на умирање и пред да го погодат куршумите на неговиот атентатор. /крај/хн/ст
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
Кејт Мидлтон направи нова фотографија, има добра причина за тоа
Кенсингтонската палата објави нова слика од принцезата Шарлот за да го прослави нејзиниот деветти роденден.
„Среќен 9-ти роденден принцеза Шарлот! Ви благодариме за сите љубезни пораки денес“, пишува во описот покрај фотографијата објавена на социјалните мрежи.
Happy 9th Birthday, Princess Charlotte! 🎂
Thank you for all of the kind messages today.
📸 The Princess of Wales pic.twitter.com/2DSDiuO93c
— The Prince and Princess of Wales (@KensingtonRoyal) May 2, 2024
Како што е наведено, фотографијата ја направила принцезата од Велс.
Пред нешто повеќе од една недела на социјалните мрежи беше објавена нова фотографија и од нејзиниот помлад брат, принцот Луис.
Фотографијата, исто така направена од принцезата Кејт, беше споделена на 23 април за да го одбележи шестиот роденден на младиот член на кралското семејство.
Најстарото дете на Вилијам и Кејт, принцот Џорџ, ќе наполни 11 години на 22 јули.
Забава
Празнично ретро шоу на автомобили-олдтајмери на Градскиот плоштад во Крива Паланка
Градскиот плоштад во Крива Паланка, во сабота (4 мај), ќе биде возбудливо место на празнично Меѓународно ретро шоу на автомобили-олтајмери од Македонија и соседството, кои ќе бидат изложени за јавноста од 11,00 – 13,30 часот.
Љубителите на старите атрактивни автомобили ќе можат да уживаат во овој ретро авто-собир и ревијата на околу 30-тина автомобили, стари и по 40 години, од моделите на Мерцедес, Опел , Шевролет и други.
Ретро шоуто на олдтајмери го организира Општина Крива Паланка, во соработка со Клубот “Олдтајмер Витези” од Куманово, а учесници се повеќе олдтајмер клубови од нашата држава и од Србија.
Старата класа возила од минатиот век ќе тргне од собирното место во Куманово и ќе пристигне во 10,30 часот на паркингот кај ресторан „Облаче“ каде сите автомобили ќе бидат нумерирани и обележани со симболите на „Крива Паланка-Град на културата“. Возилата ќе продефилираат низ централното градско подрачје до Градскиот плоштад каде ќе бидат изложени и поставени нивните обележја.
Настанот ќе биде збогатен со настап на ДЏ Буѓо, а сите граѓани ќе можат одблиску да се запознаат со ретките примероци на олдтајмери, нивната приказна и историја, па дури и да си обезбедат специјално возење со овие стилски антиквитети на четири тркала.
Во 13,30 часот, олтајмерите ќе се упатат кон манастирот „Св. Јоаким Осоговски“ каде ќе бидат изложени на паркингот над црквата.
Ретро шоуто на олтајмери за првпат се организира во нашата општина , а е дел од манифестацијата „Крива Паланка- Град на културата 2024“.
Забава
Принцезата Шарлот денеска полни девет години, обожавателите со нетрпение очекуваат фотографија
Принцот и принцезата од Велс, имаат уште една причина за славење оваа недела – роденденот на принцезата Шарлот.
Принцезата Шарлот денеска наполни девет години и обожавателите со нетрпение ја очекуваа годишната роденденска фотографија што семејството ќе ја објави на нивниот посебен ден, објави Мирор.
Сепак, тие ја прекинаа традицијата минатата недела кога принцот Луис наполни шест години, а се чини дека планираат да го сторат истото и овој пат.