Многу музика, танц, куклен театар,слики во движење, гастрономија… се дел од многуте настани што ќе го одбележат третиот ден од Биеналето на млади уметници од Европа и од Медитеранот Скопје 2009 на многуте локации низ градот

Куршумли Ан, Музеј на Македонија, Музеј на град Скопје, Куќата на креативноста (Дом на АРМ), кејот на Вардар, Македонската опера и балет, АММС канцеларијата (Асоцијација за меѓународна младинска соработка), Македонски Народен Театар, градски плоштад – ресторан Пивница, Музеј на современата уметност, МКЦ, Школка – Градски парк се локациите што продолжуваат да ,дишат, како со домашните, така и со интернационалните уметници и нивните перформанси. Овој, трет ден, ќе почне на пладне, а ќе заврши во два часот по полноќ. Уметничката Анета Стојниќ од Србија, ќе ја има честа да го отвори третиот ден од Биеналето со нејзиниот перформанс Balkan Desire во Куршумли Ан во 12 часот. Нејзиниот перформанс поставува две значајни прашања: позицијата на Источноевропскиот-Балкански уметник во западен систем на уметност и статус за да се направи дело, во пазарна смисла. Она што ќе го прикаже е еден источноевропски уметник, неговата желба е желба на другите – нудејќи се себе си како манифестација на претпоставената фантазија за Балканот (сливи, џем, жена во патријархално општество, скриена зад готвењето, сиромашен уметник барајќи бесплатна храна). Интересен перформанс ќе има Federica Casarosa од Италија, кој ќе се одржува во Музеј на современа уметност во 14 часот. За нејзиниот перформанс и е потребна публика и нејзино активно учество. Нејзиниот проект е проект во развој чијшто исход зависи од вистинскиот одговор на учесниците, согласно барањата насочени кон нив. Куклен театар ќе има во канцелариите на Асоцијацијата за меѓународна младинска соработка (АММС). Преставите почнуваат во 18, 19 и во 20 часот. Уметниците Left luggage Theatre доаѓаат од Велика Британија. Специјалност им е перформанс во кој публиката вклучена во околина опкружена со звуци, мулти-сензорна сценографија, кукларство, психички театар, текст и проекции. За тоа време пак, поточно во 19 часот, на плоштадот на Македонија кај ресторанот Пивница ќе мириса на готвено бидејќи во дисциплината Гастрономија ќе се претстават Luci Nell’aranceto, Sebastiano Randieri, Luigi Taglienti од Италија. Воинствен оброк на пример, е оброкот на Luci Nell’aranceto со вино и храна, посочуваќи ја Медитеранската култура за храна. Има за цел да спроведе култура и опсесија за здрава и природна храна. На неговото мени може да се најде храна од југот на Италија. Дојдете да го видите и готвењето на другите двајца италијански готвачи. Најударните термини за музика се од 21 часот, па се до 2 часот по полноќ. Во 21 часот, Владимир Лукаш од Македонија ќе се претстави на плоштадот Македонија, со својот проект наречен проектот Тркало. Тоа е инструментална постановка за мал камерен оркестар (обоа или кларинет, маримба, пиано…) содржејќи седум циклуси. Насловот доаѓа од зборот чакра, кој се преведува како тркало. Концертите инаку траат до 2 часот по полноќ и тоа градскиот плоштад, како и кај Школка, во Градскиот парк. Денешната оф програма ќе почне со првата регионална конференција за графички дизајн, со цел да се загатнат регионалните прашања за развојот на дизајнот како академска дисциплина, но и како силна културна и економска алатка во земјите од Источноевропските земји. Конференцијата ќе се одржи во просториите на Европскиот Универзитет, соба 229. Во куќата на креативност (Дом на АРМ) во концертната сала, од 10 до 13 часот ќе има работилница на Conspiracy band – единствена можност да се видат најголемите музички имиња во модерната и џез музика на едно место… вреди да се видат Frank London, Bob Stewart, Gianluca Petrella. Од 15 до 18 часот, работилницата Европа со емоции, треба да го скрши стереотипот дека Европа е ладна и бирократска, преку работилницата за млади дизајнери. Таа ќе се одржи на Европскиот Универзитет, соба 233 со Гордана Вренцовска и Давор Брукета.