Србија постепено воведува реципрочни мерки кон Македонија, бидејќи македонската страна не ја укина уредбата со која се ограничува увозот на брашно и пченица, јавуваат белградските медиуми.

Сите гранични инспекции на Србија од денеска (петок) , а најдоцна за време на викендот, ќе започнат драстично да ги засилуваат контролите и надзорот  на сите прехранбени и земјоделски производи кои се увезуваат од Македонија, пишува влијателниот весник „Политика“, повикувајќи се на извори во српската влада.Овие мерки ќе го забават, ископкликуваат и отежнат увозот на стоки од Македонија. Тоа, барем засега, ќе биде српскиот одговор на тоа што Македонија се уште не ја повлекла уредбата со која го  ограничи увозот на брашно и пченица, се наведува во текстот.Понатаму се истакнува дека ваквиот одговор на Србија станал неопходен со оглед дека Македонија се уште не ја повлекла уредбата и покрај тоа што на 10 јули се сретнале српскиот министер за трговија Расим Љајиќ и македонскиот министер за земјоделие Љупчо Димовски.Официјална потврда за ова информација нема, но помошникот министер за трговија Бојана Тодоровиќ за „Политика“ потврди дека со денови траат консултации на ресорните српски министерства за воведување на реципрочни мерки за Македонија.„Македонија не ја повлече мерката со која го ограничи увозот, ниту според наши информации се подготвуваа за такво нешто. Иако не беше прецизиран датумот за укинување на мерката, тие ни ветија дека тоа ќе биде сторено во разумен временски период. Ние сметавме дека тоа ќе биде кон половината на август, но тоа се уште не се случи“, изјави Тодоровиќ.Таа потенцираше дека токму правилата на ЦЕФТА, чии членки се Македонија и Србија, предвидуваат погодената држава да воведе соодтени мерки како одговор.Проблемот е во тоа што секоја одлука за ограничување на увозот или зголемувањето на царините за производи од Македонија автоматски ќе се однесува на сите останати членки на ЦЕФТА, а не само за Македонија, пишува „Политика“.„Прашањето е многу чувствително. И одлуката на Македонија за ограничувањето на  увозот на брашно и пченица се однесува на сите држави, но најмногу сме погодени ние бидејќи сме главен снабдувач“, вели Тодоровиќ.Одлуката на македонската влада да го врзе увозот на брашно и пченица со купување на домашно брашно и пченица предвидено е да трае до крајот на годината, а од министерството за земјоделие неодамна соопштија дека не се планира повлекување на одлуката додека таа не го даде посакуваниот резлтат, односно да се стабилизра состојбата на домашниот пазар. /крај/