Скопје
Завршена реконструкцијата на повеќе улици во Козле
Општина Карпош ја реконструираше улицата „Леринска“ во населбата Козле, во должина од 960 метри.
Проектот за реконструкција на улиците, кој вреди два милиони евра, а кој вклучува подземни инсталации, нов коловоз, тротоари, фекална и атмосферска канализација, како и поставување на ново улично осветлување претставува олеснување при движењето за жителите од овој дел на општината.
Првиот човек на локалната самоуправа, Стевчо Јакимовски, за медиумите говореше за инфраструктурата која е во полн ек во општина Карпош.
„Со асфалтирање на улицата „Леринска“, која што е во должина од 960 метри, практично го завршуваме целиот овој блок во Козле, каде што целосно се реконструирани улици токму од овој дел. Изградена е атмосферска и фекална канализација, заменети се рабници и тротоари, заменето е уличното осветлување. Целата инвестиција е околу два милиони евра, а покриени се улицата „Брадфорска“, „Пијанец“, „Крчин“, „Копачка“, „Илија Плавев“, „Стрезово“, „Ловќенска“, краците од улица „Ловќенска“, „Ловќенска 9 и 4“, односно целиот потег на улици, лево од главната улица „Козле“. Со ова, на граѓаните на Козле им се намалуваат проблемите околу фекалната и атмосферската канализација, како и нов асфалтиран коловоз, каде што ќе можат безбедно да возат, со што претставува особено задоволство за овој дел од општина Карпош“, истакна Јакимовски. /крај/со/ст
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Скопје
100 санкционирани возачи во Скопје
Секторот за внатрешни работи Скопје во текот на вчерашниот ден продолжи со контролите во областа на сообраќајот.
„На територија на град Скопје изречени се вкупно 100 мерки, меѓу кои за возење без возачка дозвола 14 санкции, 12 мерки за користење мобилен телефон при возење, пет санкции за некористење сигурносен појас…“, велат од МВР.
Од таму додаваат дека сообраќајните контроли продолжуваат и во наредните денови.
Скопје
Нема да се наплаќа паркирањето во Центар за време на Велигденските празници, извести ПОЦ
Паркирањето во oпштина Центар за време на Велигденските празници ќе биде без наплата за сите граѓани. На 03.05.(петок), 05.05. (недела) и 06.05.2024 година (понеделник) граѓаните ќе можат да паркираат без надомест на сите паркиралишта со кои стопанисува ЈП Паркинзи на Општина Центар, извести ПОЦ.
Согласно програмата за неработни денови за 2024 година на Министерството за труд и социјална политика, 04.05.2024 година (сабота) е работен ден и следствено на тоа паркиралиштата со кои стопанисува ЈП ПОЦ ќе работат со вообичаено работно време.
Депото на „Пајак“ службата на ЈП ПОЦ ќе работи 24/7 за време на празниците.
Редовната наплата за паркирање на паркиралиштата и издавање на договори во Дирекцијата на ЈП ПОЦ ќе продолжи на 07.05.2024 година (вторник) со вообичаено работно време, се додава во соопштението на ПОЦ.
Скопје
Пуштен во употреба новиот парк на булеварот „Февруарски поход“ во Аеродром
Во пресрет на големиот христијански празник Велигден, со интонирање на македонската химна и подигнување на македонското знаме, денеска официјално беше пуштен во употреба новиот парк лоциран на булеварот „Февруарски поход“ во Општина Аеродром.
На денешниот настан присуствуваше градоначалникот на Општина Аеродром, кој заедно со претседателот на советот Дејан Митески, извидниците и дечињата од детската градинка „Буба Мара“, го означија крајот на изведбата на еден важен проект реализиран од страна на општинското јавно претпријатие за комунални дејности.
Работните активности опфатија целосно хортикултурно и партерно уредување, поставување на нова урбана опрема, како и јарбол со македонското знаме.