Забава
Дињата како лек

Дињата помага при лекување на разни болести, заштита на кожата од изгореници и детоксикација на организмот
Ова овошје не ве здебелува, ве освежува и полно е со витамини – тоа се три доволни причини за да јадете диња ова лето. Cе препорачува 2-4 пати дневно да се јаде. Дињата содржи само 34 калории во 100 грама. Освен тоа содржи 91 грама вода, 0,1 грам масти, 0,8 грама белковини, 7,9 грама јгленхидрати, 8 грама шеќер. Ниту едно друго овошје не е покарактеристично за летниот период повеќе од лубеницата. Таа е одличен извор на калиум, но дињата содржи скоро три пати повеќе калиум од лубеницата. Дињата содржи и голема количина на витамин Ц, а некои врсти имаат многу витамин А. Освен овие витамини ова овошје содржи и минерали. Според едно истражување дињата содржи бета каротен коj помага во борбата против ракот, а според некои последни истражувања се користи и во лечењето на други типови на малигни болести. Во народната медицина дињата се користи за смирување и освежување. Водата и калиумот од ова овошје помагаат во работата на бубрезите и помагаат во отстранувањето на штетните материи од вашиот организам. Дињата е природен лек за детоксикација на организмот. Дињата во народната медицина се користи и против камен во бубрег, при убод од инсекти и изгореници, при заболувања на желудникот и цревата. Помага при воспаление на жолчните и мочните патишта, при пореметено варење на храната. Сокот од диња, поради големата количина на антиоксиданси, му помага на организмот да се бори против штетните слободни радикали, кои ја оштетуваат кожата. Дињата и сокот од дињата штитат и од сончеви изгореници. Сепак немојте целосно да се потпирате на ваквите сознанија бидејќи концентрацијата на состојки не е доволна за да потполно ве заштити.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Забава
Хит серијата „Емили во Париз“ се снима во Венеција

Актерите Лили Колинс, Ешли Парк, Еуџенио Франческини и Пол Форман беа фотографирани на снимањето на новата сезона на хит серијата на „Нетфликс“ – „Емили во Париз“.
Очигледно, за разлика од претходните сезони, снимањето не се одвива во Париз, туку папараците ги фатија во Венеција.
Откако Емили се забавуваше во Париз, а потоа накратко во Рим, новата локација е Венеција. Како што претходно беше потврдено за „Варајати“, петтата сезона од популарната серија се снима во Венеција во текот на август. Досега, снимањето на петтата сезона се случуваше во мај во Рим, а потоа во јуни во Париз.
Новата сезона продолжува кога Емили се сместува во својот стан во Рим за да ја води италијанската канцеларија и да поминува време со Марчело, шармантниот и самоуверен наследник на семејниот бизнис со кашмирски текстил.
Влијанието на „Емили во Париз“ врз популарната култура беше такво што францускиот претседател Емануел Макрон во интервју за „Варајети“ минатиот октомври изјави дека Франција ќе се бори силно за да ја задржи серијата во земјата. Таа изјава потоа предизвика лежерна расправија помеѓу францускиот претседател и градоначалникот на Рим, Роберто Гвалтиери.
Точниот датум на премиерата сè уште не е објавен, но се очекува петтата сезона да пристигне до крајот на годината.
Забава
(Видео) Брачен пар платил 19.000 евра за луксузно крстарење, доживеал кошмарно патување

Наместо да се памети како авантура на целиот живот, луксузното крстарење по европските реки за Џон (78) и Розмари Кас (77) се претворило во низа непријатности и разочарувања. Откако Џон се опоравил од тешка болест, парот реши да се почасти себеси и платил речиси 19 илјади за 15-дневно крстарење со „Викинг Ривер Крузес“. Но, она што требало да биде патување од соништата се претворило во пекол.
Веќе во првите денови се соочиле со неподнослива топлина. Европа беше погодена од топлотен бран, а клима уредите на бродот престанале да работат. Персоналот ги советувал да не ги отвораат вратите од кабините, за да не влегуваат инсекти во собите, па затоа останале заробени во пареата.
По пет дена, патниците морале да бидат префрлени на друг брод поради ниското ниво на водата. Но, ситуацијата ниту таму не била подобра, клима уредот не работел, а во нивната кабина имало дури 30 степени. Покрај тоа, таванот почнал да протекува.
Кога решиле да се пожалат кај капетанот, тензиите се зголемиле.
„Морав да ја спречам Розмари да се скара со него“, признал Џон, додека неговата сопруга додала: „Имав нешто да кажам, воопшто не бев среќна“.
Како да не било доволно сето тоа, за време на патувањето се проширила болест на бродот. Двојката се заразила и го поминала остатокот од крстарењето во кревет, исцрпени и со висока температура.
„Одев по ходникот и од секоја соба доаѓаше кашлица. Немаше бегање“, се присетил Џон. Откако се вратиле дома, им бил дијагностициран бронхитис, рекле тие.
Двојката решила да се пожали до компанијата. Розмари лично му пишала на директорот на „Викинг Ривер Крузес“, но како извинување добила само околу 860 евра попуст на следното крстарење.
Незадоволни од тој одговор, се обратиле до локалната телевизиска станица WSB-TV. Дури по медиумскиот притисок, компанијата понудила нов договор, но под услов да потпишат спогодба за неоткривање информации. И покрај сè, тие велат дека имаат горчлив вкус во устата.
„Веќе не сум ни лут. Тоа е завршено. Сега сум само длабоко разочаран“, рече Џон.
Забава
Девојката на Леонардо Дикаприо позираше топлес

Викторија Черети (27), девојката на Леонардо Дикаприо, повторно привлече внимание со објавување на нови фотографии на Инстаграм. На една од нив, таа позираше топлес, покрај базен со пијалок во рака.
Италијанската манекенка ја врза косата во едноставна пунџа, а на своите следбеници, кои бројат речиси два милиони, им покажа низа други фотографии од летните денови: од одмори на јахта до вечерни излегувања во елегантни комбинации. Во описот на албумот, таа кратко напиша: „Пронајдете ме на сонце“.
Додека ужива во сонцето, Виторија го поминува летото во друштво на познатиот актер. Во јуни, двојката беше меѓу гостите на гламурозната свадба на Џеф Безос и Лорен Санчез, а потоа уживаа на јахта во Сен Тропе. Иако се заедно малку повеќе од една година, тие веќе неколку пати предизвикаа гласини за свршувачка, но блиски извори тврдат дека сè уште нема прстен.
View this post on Instagram
ДиКаприо, кој наполни 50 години во ноември, неодамна даде ретко интервју за својот приватен живот. Во интервју за Esquire UK, тој призна дека откако наполни педесет години, повеќе нема време за губење.
„Сакам да бидам поискрен и не мислам дека има смисла да се губи време. Подобро би ризикувал врската да се распадне отколку да се преправам или да молчам“, рече тој.
Холивудскиот актер, кој често беше критикуван за неговите врски со многу помлади девојки, кои наводно ги напуштал кога наполниле 25 години, додаде дека сега сака да биде подиректен.
„Тоа е и одговорност, имам повеќе живот зад мене отколку пред мене, па затоа морам да кажам што мислам“, додаде тој.
ДиКаприо претходно ги полнеше таблоидите со своите љубовни врски, од петгодишната романса со Жизел Бундхен, преку Бар Рафаели, до Камила Мороне, со која раскина во 2022 година, еден месец откако таа наполни 25 години.
Неговата нова партнерка, Виторија, е една од најбараните модели денес. Тие за прв пат беа видени заедно во август 2023 година.
Виторија претходно беше во брак со италијанскиот диџеј Матео Милери, но бракот заврши во 2023 година.