Забава
Гостите на скандалозната забава на принцот Хари користеле кокаин
Некои учесници на забавата со принцот Хари во Лас Вегас, по која на интернет се појавија скандалозните фотографии на разголениот британски принц, консумирале во хотелскиот апартман дрога, пишува во четвртокот порталот radaronline повикувајќи се на изјава на сведок.
„Сите пиеја алкохол, некои користеа наркотици, а некои шмркаа кокаин, еден од гостите дојде на забавата веќе под влијание на халуциногени средства или марихуана“, ги цитира порталот зборовите на еден од учесниците на забавата, кој сакал да остане анонимен.
Порталот нагласува дека неговиот соговорник не видел дека принцот Хари самиот земал каква и да е дрога.
Минатата седмица американскиот портал TMZ објави скандалозни фотографии, на кои принцот Хари беше фатен како во разголено друштво игра билијард на забавата во еден хотел во Лас Вегас. На една од фотографиите направени со мобилен телефон, Хари ја става раката над својата интимност, а зад него се крие некој неидентификувана гола девојка. На втората фотографија, принцот гушка гола девојка под него.
Според британските медиуми, истекувањето на сликите на интернет предизвика бес кај британското кралско семејство. Нејзиниот портпарол, сепак, беше принуден да го потврди идентитетот на принцот Хари на фотографиите. Тој подоцна изјави дека палатата Кларенс Хаус, официјалната резиденција на принцот од Велс, побарала од Комисијата за поплаки на медиумите (Press Complaints Commission, PCC) да се забрани објавувањето на фотографиите во националните весници, бидејќи со тоа според нив го нарушува правото на приватност. Фотографиите, наводно, биле направени без знаење на принцот, затоа што сликите тој гледал во спротивен правец од камерата.
Меѓутоа, ноќта кон 24-ти август, фотографиите на голиот принц се појавија не само на интернет, туку и на странците на печатените изданија во Велика Британија. Таблоидот The Sun беше првото печатено издание кое се осмели да ги објави фотографиите на член на британското кралско семејство, иако тоа испрати молба да не се објавуваат спорните фотографии./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
Ева Мендес за семејството и животот во 50-тите: Вака не го замислував мојот пат
Иaкo никогаш не го замислувала својот живот на 50 години, Ева Мендес живее во свој ритам – и не може да биде посреќна. „Не подлегнувам на притисокот на општеството. Што сакам да правам, правам“, вели актерката, која ги има ќерките Есмералда Амада (9) и Амада Ли (8) со Рајан Гослинг.
“Сигурно не мислев дека ќе имам деца и ќе бидам дома. Затоа, многу сум среќна што одреден маж влезе во мојот живот и ме натера да се предомислам за сите тие работи”, рекла таа. Пред 10 години таа ја напушти актерската кариера за да се фокусира на своите деца.
Таа вели дека тоа била „најлесната одлука“ што ја донела. „Кога забременив на 40-годишна возраст, беше страшно за другите. И кога повторно забременив на 42-годишна возраст, луѓето ми велеа: „О Боже мој, ќе бидеш толку уморна“, откри таа.
„Тоа е најглупавата работа што сум ја слушнала. Патем, потребно е само малку повеќе трпение. Мислам дека не бев подготвена за тоа во моите 20-ти, пиев и пушев. Дефинитивно не можев да подигнам деца во кое било друго време од мојот живот освен сега“, додава таа.
Една од најубавите жени на светот истакна дека е „среќна што се отишло во тој правец“.
Инаку, Мендес нема снимено ништо откако стана мајка. Нејзината последна улога беше во 2014 година. Покрај нејзината актерска кариера, таа е портпарол на голема козметичка компанија, модел и креативен директор на брендот за шминка „CIRCA Beauty“.
Забава
Емили Ратајковски го привлече вниманието со фустан кој повеќе открива отколку што крие
Емили Ратајковски присуствуваше на настанот The King’s Trust Global Gala што се одржа во Casa Cipriani во Њујорк, каде што ги привлече погледите со храбар фустан.
Познатата убавица носеше свилен крем фустан со длабоко деколте, кој допираше речиси до нејзиниот папок, а кој ја истакна нејзината витка линија. Фустанот имал и гол грб и бил врзан околу вратот.
The King’s Trust Global Gala е основана од британскиот крал Чарлс III. со цел да им се помогне на младите, а свечениот настан собра многу познати фаци, како моделот Ирина Шајк, актерката Кејт Бекинсејл, славната двојка Криси Тајген и Џон Леџенд, поранешната манекенка Кејт Мос и плус сајз моделот Ешли Греам.
Забава
Мишел Фајфер се појави на црвениот тепих, обожавателите се восхитени од нејзината убавина
Актерката Мишел Фајфер не се појавува често во јавноста, но сега позираше со сопругот Дејвид Е.Кели на црвениот тепих на Американскиот филмски институт во Лос Анџелес. Обожавателите се восхитуваат на нејзиниот изглед во 67-та година и пишуваат дека изгледа како да не старее.
Иконската жена-мачка често зборува за тоа како го прифатила стареењето и се фотографира без шминка. Иако изгледа како да го должи својот фантастичен изглед на посебни скриени трикови, таа тврди дека работата е многу едноставна.
Таа претходно за Daily Mail откри дека доволно спие, вежба и се храни здраво.