Забава
Заборавете на шопинг – помирисајте роза
Доколку сте нерасположени, депресивни или едноставно тажни, заборавете го лекувањето со шопинг, кое на крајот, откако ќе ја видите сметката во банка
Доколку сте нерасположени, депресивни или едноставно тажни, заборавете го лекувањето со шопинг, кое на крајот, откако ќе ја видите сметката во банка ќе резултира со уште полошо расположение, туку помирисајте роза, свежо печено колаче, или пак покосена трева.
Пријатните мириси, тврдат научниците, можат во миг да орасположат секого.
“Мирисот е најдиректно сетило. Кај останатите сетила прво мора да се процесуира информацијата, додека мирисот веднаш доаѓа до мозокот менувајќи ги чувствата и будејќи спомени“, објаснува доктор Чарлс Спенс, од одделението за експериментална психологија на Оксфорд.
Притоа важна улога имаат токму спомените и сеќавањето на времето кога прв пат сме го почувствувале некој мирис и какво чувство тој мирис разбудил во нас.
На пример, мирисот на бебешката пудра го смирува скоро секого – тој враќа во времето на кои можеби не се сеќаваме, но нашиот мозок го запомнил како нешто што е поврзано со чувството на сигурност, заштитеност и безгрижност.
Аромите имаат и физиолошко влијание врз нашето тело, што исто така може да не “подигне“. Пријатните мириси ги успоруваат отчукувањата на срцето и го намалуваат стресот поради што човекот се чувствува подобро.
Затоа се препорачува при купувањето парфеми или тоалетни вози да се бираат оние што содржат камилица, роза или цитрус.
Камилицата веќе долго е позната по смирувачките својства, додека мирисот на розата делува како антидепресив. Сличен ефект имаат и цитрусите, честа состојка на парфемите, меѓу кои се истакнува лимонот, кој е еден од најдобрите состојки за подигање на расположението.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
Ева Мендес за семејството и животот во 50-тите: Вака не го замислував мојот пат
Иaкo никогаш не го замислувала својот живот на 50 години, Ева Мендес живее во свој ритам – и не може да биде посреќна. „Не подлегнувам на притисокот на општеството. Што сакам да правам, правам“, вели актерката, која ги има ќерките Есмералда Амада (9) и Амада Ли (8) со Рајан Гослинг.
“Сигурно не мислев дека ќе имам деца и ќе бидам дома. Затоа, многу сум среќна што одреден маж влезе во мојот живот и ме натера да се предомислам за сите тие работи”, рекла таа. Пред 10 години таа ја напушти актерската кариера за да се фокусира на своите деца.
Таа вели дека тоа била „најлесната одлука“ што ја донела. „Кога забременив на 40-годишна возраст, беше страшно за другите. И кога повторно забременив на 42-годишна возраст, луѓето ми велеа: „О Боже мој, ќе бидеш толку уморна“, откри таа.
„Тоа е најглупавата работа што сум ја слушнала. Патем, потребно е само малку повеќе трпение. Мислам дека не бев подготвена за тоа во моите 20-ти, пиев и пушев. Дефинитивно не можев да подигнам деца во кое било друго време од мојот живот освен сега“, додава таа.
Една од најубавите жени на светот истакна дека е „среќна што се отишло во тој правец“.
Инаку, Мендес нема снимено ништо откако стана мајка. Нејзината последна улога беше во 2014 година. Покрај нејзината актерска кариера, таа е портпарол на голема козметичка компанија, модел и креативен директор на брендот за шминка „CIRCA Beauty“.
Забава
Емили Ратајковски го привлече вниманието со фустан кој повеќе открива отколку што крие
Емили Ратајковски присуствуваше на настанот The King’s Trust Global Gala што се одржа во Casa Cipriani во Њујорк, каде што ги привлече погледите со храбар фустан.
Познатата убавица носеше свилен крем фустан со длабоко деколте, кој допираше речиси до нејзиниот папок, а кој ја истакна нејзината витка линија. Фустанот имал и гол грб и бил врзан околу вратот.
The King’s Trust Global Gala е основана од британскиот крал Чарлс III. со цел да им се помогне на младите, а свечениот настан собра многу познати фаци, како моделот Ирина Шајк, актерката Кејт Бекинсејл, славната двојка Криси Тајген и Џон Леџенд, поранешната манекенка Кејт Мос и плус сајз моделот Ешли Греам.
Забава
Мишел Фајфер се појави на црвениот тепих, обожавателите се восхитени од нејзината убавина
Актерката Мишел Фајфер не се појавува често во јавноста, но сега позираше со сопругот Дејвид Е.Кели на црвениот тепих на Американскиот филмски институт во Лос Анџелес. Обожавателите се восхитуваат на нејзиниот изглед во 67-та година и пишуваат дека изгледа како да не старее.
Иконската жена-мачка често зборува за тоа како го прифатила стареењето и се фотографира без шминка. Иако изгледа како да го должи својот фантастичен изглед на посебни скриени трикови, таа тврди дека работата е многу едноставна.
Таа претходно за Daily Mail откри дека доволно спие, вежба и се храни здраво.