Долгогодишниот британски комичар и водител на култната радиоемисија Just A Minute, Николас Парсонс, почина по кратко боледување на 96-годишна возраст, пренесуваат многубројни британски медиуми.

Парсонс во Велика Британија беше обожавано лице и глас, многу почитуван од слушателите на Радио Би-би-си. Емисијата почнал да ја води уште во 1967 година, а нејзиниот формат останал речиси ист до последните денови.

Интересно е што во 2018 година Парсонс ја пропуштил првата емисија по повеќе од 50 години. Водителот во тоа време ги загрижил своите обожаватели и слушатели, но Би-би-си набргу ја смирил ситуацијата и појаснил дека станува збор само за кратка пауза што Николас решил да ја земе по децении.

Меѓу гостите во емисијата на Парсонс биле многу познати личности, а една од најслушаните емисии била онаа кога тој му бил домаќин на принцот Чарлс (71), голем обожавател на ликот и делото на Парсонс.

Најмладата милијардерка Кајли Џенер (22) честопати летала со хеликоптерот на Коби Брајант и го изнајмила пред два месеци за 3. роденден на нејзината внука Дрим Кардашијан.

Кајли не може да верува дека Коби Брајант и неговата ќерка Џијана ги загубиле животите во истиот хеликоптер во кој на 29 ноември се возеле таа и Дрим Кардашијан.

Кајли летала неколку пати во хеликоптерот во кој Коби Брајант и неговата 13-годишна ќерка Џијана ги поминаа своите последни моменти од животот, пред фаталната несреќа во Калабасас на 26 јануари.

Сопственичката на „Кајли козметик“ ја откри оваа застрашувачка вест додека им оддавала почит на шампионот на НБА и неговата ќерка Џијана на „Инстаграм“. Кајли објави фотографија од сите девет жртви.

„Почивајте во мир и да се молиме за овие семејства … сè уште не можам да верувам дека се случило тоа. Тоа беше хеликоптерот со кој летав одвреме-навреме со пилотот Ар. Тој беше толку прекрасен човек“, напиша Кајли на својот инстаграм-профил.

Американската пејачка Гвен Стефани изгледаше беспрекорно на годинашните награди „Греми“, каде што пристигна со сопругот Блејк Шелтон. Сепак, многу фанови ги забележаа големите промени на нејзиното лице.

Педесетгодишната Гвен се појави на црвениот килим во минијатурен фустан и високи чизми, менувајќи ги облеките три пати, но најмногу од сè таа го привлече вниманието со нејзиниот неверојатно свеж изглед, без ниедна брчка на лицето, со речиси порцелански тен.

Веднаш почнаа да кружат гласови дека популарната пејачка сè повеќе се подложува на естетски операции за да изгледа што е можно помлада.

На социјалните мрежи се појавија коментари во кои обожавателите се прашуваат што се случува со нејзиното лице.

„О боже, што му направи Гвен Стефани на лицето?“ праша еден фан.

„Еј Гвен, престани со пластични операции и ботокс на твоето убаво лице. Почнуваш да изгледаш како лажна Мадона “, забележа друг обожавател.

„Лицето на Гвен Стефани е составено од 99% пластика и 1% кожа“, вели една девојка.