Култура
Гостувања на Никола Маџиров во Берлин
Утре во Берлин, на традиционалното читање „Книжевен тандем“ ќе учествува македонскиот ппоет Никола Маџиров, заедно со германската поетеса Улјана Волф
Секоја година жирито на фондацијата „Brandenburger Tor“ избира по еден автор од Централна и Источна Европа кој ќе престојува и твори два месеци во Берлин, а како резултат на тоа германски автор доаѓа како гостин во земјата на селектираниот автор. Никола Маџиров престојуваше во Берлин во мај и јуни, а Улјана Волф живееше и твореше во Македонија во септември и октомври годинава. Ова читање е финалето од овој книжевен тандем, а потоа напишаните есеи и песни ќе се објават во списание заедно со другите европски тандеми. Никола Маџиров оваа сабота ќе учествува и на завршната меѓународна поетска вечер од големиот настан што се одржува во Берлин – „10 години од поетската интернационална мрежа Лириклајн“. Овој настан вчера го отвори претседателот на Германија и поранешен директор на Меѓународниот монетарен фонд, Хорст Колер. Тој во својот говор нагласи дека поезијата е од голема важност и денес, бидејќи таа е најпрефинетиот и најсубјективниот начин на обликување на јазикот, на оживување на светот во зборови, на изразување на личното постоење. Финалното поетско читање на 31 октомври во 20 часот ќе биде пренесувано во живо низ целиот свет преку интернет страницата www.lyrikline.org и на него, покрај Никола Маџиров кој ќе ги чита песните на македонски јазик, ќе настапат и поети од Нигерија, САД, Аргентина, Малави, Холандија, Намибија, Канада, како и една од најголемите живи германски поети, Елке Ерб.Во рамките на јубилејот „10 години Лириклајн“, под покровителство на Амбасадата на Р. Македонија во Берлин, на 30 октомври во просториите на амбасадата ќе се одржи поетско читање на кое ќе учествуваат и германската поетеса Улјана Волф, Американката Клаудија Келан, како и Звонко Маковиќ од Хрватска.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Култура
Изложба: „Четирите мајстори на модернизмот“
Град Скопје и ЈУ Културно Информативен Центар ќе отпочнат со реализација на Европскиот проект CreArt 3, со активноста „Европски месец на креативноста“ на 10 мај во галеријата Империјал 1 – ЈУ Културно Информативен Центар, каде што до крајот на месец мај ќе биде отворена групната изложба насловена: „Четирите мајстори на модернизмот“
Учесници: Теодора Андоноска, Мартин Буровски, Илина Василеска, Сергеј Јордановски, Камелија Каламерникова, Манели Крстиќ, Сара Милошевска, Ивона Петрова и Никола Тренов, сите студенти од четврта година на студиската програма Сликарство на Факултетот за ликовни уметности, Универзитет „Св. Кирил и Методиј“ – Скопје, во класата на проф. Слободанка Стевческа.
Изложбата „Четирите мајстори на модернизмот“ е воспоставена во чест на основоположниците на Факултетот за ликовни уметности од Катедрата за сликарство, професорите Петар Мазев, Родољуб Анастасов, Димитар Кондовски и Душан Перчинков.
Изложбата ќе биде отворена до 20.04.2024 година.
Култура
Распишани конкурсите за државните награди „11 Oктомври“ и „22 Ноември“
Денеска се распишани конкурсите за државните награди „11 Oктомври“ и „22 Ноември“ за 2024 година.
Со државната награда „11 Октомври“ се оддава највисоко признание за животно дело во областа на науката, уметноста, стопанството и во другите дејности од јавен интерес на државата. Наградата се доделува на поединци, група творци, екипи, установи, трговски друштва и здруженија на граѓани од земјава.
Со државната награда „22 Ноември“, пак, се оддава признание на личностите од политичкиот, културниот и општествениот живот во нашата држава кои дале свој придонес во унапредување на меѓучовечкиот соживот и меѓусебно разбирање меѓу припадниците на различните заедници, култури и вери.
Конкурсите за државните награди „11 Oктомври“ и „22 Ноември“ за 2024 година траат од 1 до 31 мај 2024 година.
Конкурсите се објавени и на веб–страницата на Министерството за култура на следните линкови:
Државна награда „11 Октомври“ – https://kultura.gov.mk/wp-content/uploads/2023/10/odluka-3.pdf
Државна награда „22 Ноември“ – https://kultura.gov.mk/22-%d0%bd%d0%be%d0%b5%d0%bc%d0%b2%d1%80%d0%b8/
Култура
Мајските оперски вечери немаат никакви примеси на економски ниту политички стремеж, организаторите го најавија 52-рото издание
Мајските вечери немаат никакви економски ниту политички стремеж, еден ваков уникатен собир ќе го обележи и Скопје и Македонија, соопштија организаторите на прес-конференција.
„Оваа манифестација датира од крајот на 60-тите години. Тогаш имало криза со публика, која не била изразена само во Скопје. Во првите години мајските оперски вечери се празни, но со текот на годините заинтересираноста расте“, изјавја организаторите.
Како што велат оттаму, ова е еден од најголемите фестивали во регионот и со квалитетна програма сите овие години.
„Оваа година ќе има екслузивна програма. Очекуваме одлични резултати“, додаваат оттаму.
Реномираниот македонски режисер Иван Поповски, со успешна кариера во Русија, ја поставува операта „Трубадур“ од Џузепе Верди, со чија премиера ќе се отворат 52. Мајски оперски вечери (МОВ) на 9 мај во Националната опера и балет (НОБ). Диригент ќе биде Енрико Довико (Италија), сценографијата ја работи реномираниот Миодраг Табачки од Србија, костимите Марија Пупучевска, а кореографијата Саша Евтимова.
Во рамките на 52. Мајски оперски вечери, во фоајето на Националната опера и балет, од 9 до 31 мај ќе биде поставена и изложбата „Оперска одисеја“ – наследството на Милка Ефтимова. Изложбата ќе ја сочинуваат донирани лични предмети од движно материјално и нематеријално културно наследство, класифицирани во категоријата лични предмети како и голем број награди, признанија, уметнички портрети и фотографии кои во детали ја прикажуваат нејзината богата музичка кариера.
„Оперска одисеја“ е резултат на институционалната соработка помеѓу Музејoт на македонската борба за самостојност и Националната опера и балет. Автор на изложбата е Василија Чали, соработник за визуелни уметности, дизајн и архитектура.