Наука
Нобеловата награда за хемија за спознавањето на животот на молекуларно ниво
Еден Германец и двајца американски научници ја добија во средата Нобеловата награда за хемија, бидејќи со нивните истражувања овозможија да се видат поединечните молекули во жива клетка, односно да се проучи структурата на различни објекти во мали димензии со рекордно висока резолуција.
Еден Германец и двајца американски научници ја добија во средата Нобеловата награда за хемија, бидејќи со нивните истражувања овозможија да се видат поединечните молекули во жива клетка, односно да се проучи структурата на различни објекти во мали димензии со рекордно висока резолуција.
Американците Вилијам Морнер, кој инаку последните неколку години беше споменуван како еден од можните лауреати, од универзитетот Стенфорд, и Ерик Бетциг од Медицинскиот институт „Хауард Хјуз“ во Ешбурн, и Германецот Стефан Хел од Институтот за биофизичка хемија „Макс Планк“ со употреба на флуоросценција го подигнаа микроскопските уреди на нови ниво, премостувајќи ги пречките кои за оптичкиот микроскоп ги претставуваше минијатурноста на молекулот. Предноста на нивните методи е што тие овозможуваат разгледување објекти чијашто големина е многу помала од ограничувањата на резолуцијата на конвенционален светлосен микроскоп, се истакнува во соопштението на стокхолмскиот Нобелов комитет при Кралската шведска академија на науките.
Научниците сега можат во реално време да ги проучуваат создавањето на синапсите меѓу мозочните клетки, на пример. Особено нивното откритие овозможува проучување на структурата на одделните живи клетки и молекулите во нив, што е посебно важно од аспект на создавање нови лекови. „Новината на научниците се состои во тоа што на светлинската микроскопија тие ја издигнаа на нивно на нанодимензии“, се додава во соопштението.
Во далечната 1873 година научниците мислеле дека постојат ограничувања на она што може да се види, бидејќи тогаш Ернст Ејби востановил дека резолуцијата на оптичкиот микроскоп не може да биде подобра од 0,2 микрометри, што е 500 пати помалку од пречникот на човечко влакно.
Меѓутоа, тројцата годинешни носители на наградата на Нобел за хемија ја пробиле таа бариера со скенирање на флуоросцентните молекули и создавање попрецизна слика. Тие ја осмислија „наноскопијата“ со која научниците сега доста се служат во одредување на молекуларниот состав на клетката. Модерните микроскопи можат да следат конкретна белковина поради подоброто разбирање на болести, како што се Алџхајмер или Паркинсон, а можат и да го следата делењето на оплодена јајце-клетка и настанувањето на ембрионот.
„Тоа е многу важно за разбирање на работата на клетките и она што се случува доколку се разболи клетката“, изјави Хел во телефонската прес-конференција откако му соопштија дека е еден од добитниците на најпрестижната награда во сферата на науките. За него ова признание е „потполно изненадување“, рече.
Вториот добитник, Бетциг, изјави дека е шокиран (од наградата). „Последниот час време одам наоколу како низ магла, а во Минхен е сончев ден и се плашам дека животот ми се промени“, изјави телефонски за Reuters од Минхен каде во средата одржа предавање.
Бетциг и Морнер независно еден од друг сфатиле дека како може да се гледа преку микроскоп посебна молекула со „вклучување“ или „исклучување“ на флуоросценцијата на одредена површина под дејство на светлина. Правејќи ги голем број снимки и „наметнувајќи“ ги едни врз други, се покажало дека може да се добие многу појасна слика за секоја индивидуална молекула. Хел, пак, дошол до можноста како да се „засили“ молекулот да флуоросцира под влијание на ласерски зрак, а потоа со помош на друг зрак да се „засече“ само областа којашто е од интерес за експерименталното набљудување која е со многу мали димензии.
Според научниците, доделувањето на признанието за флуоросцентната микроскопија, всушност, претставува признание за новите технологии, а не за некое фундаментално откритие.
Во историјата на Нобеловите награди има многу случаи кога оваа награда се доделува за методи на истражувањето на различни супстанции и објекти. Што се однесува до истражувањата со микроскопите, ова е петти пат во историјата тие да го добиваат највисокото научно признание. Во 1925 година Нобеловата награда за хемија ја добил тогаш австроунгарскиот научник Рихард Жигмонди за методот за развој на ултрамикроскопијата, со чијашто помош го проучувал Брауновите движења на мали честички. Во 1953 година, Германецот Фирц Цернике ја добил наградата за создавање на фазо-контрастнито микроскоп, а во 1982 година Британецот Аарон Клуг беше награден за развој на кристалографската електронска микроскопија., во 1986 година беа наградени германските научници, Ернс Руска за изумување на електронскиот микроскоп, а Герд Биниг ио Хенрих Рорер за методот за скенирање во тунелната микроскопија.
Церемонијата на доделувањето на наградите ќе се одржи на 10-ти декември, според традицијата во Стокхолм и на денот на смртта на основачот на Нобелова награда, шведскиот претприемач и пронаоѓач Алфред Нобел (1833-1896). Износот на секоја на Нобеловата награда во 2014 година изнесува осум милиони шведски круни или 1,2 милиони американски долари.
Четирите од пет премии се вклучени во тестаментот на Нобел, за физиологија или медицина, физика, хемија и литература, додека признанието за економија, воспоставено во 1968 година во знак на сеќавање на основачот ја доделува Шведската централна банка. Тие се врачуваат во Стокхолм, додека Нобеловата награда за мир, според волјата на основачот, се врачува во Осло./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Наука
Здравиот начин на живот го неутрализира влијанието на генетиката за повеќе од 60 проценти, покажува истражување
Здравиот начин на живот може да го компензира влијанието на генетиката за повеќе од 60 проценти и да додаде уште пет години на животот, според првата студија спроведена на оваа тема.
Добро е познато дека некои луѓе се генетски предиспонирани за пократок животен век, објави Гардијан.
Исто така, добро е познато дека факторите на животниот стил, особено пушењето, консумирањето алкохол, исхраната и физичката активност, можат да влијаат на долговечноста.
Сепак, досега не е направено истражување за степенот до кој здравиот начин на живот може да се спротивстави на генетиката.
Наодите од неколку долгорочни студии сугерираат дека здравиот начин на живот може да ги ублажи ефектите од гените што го скратуваат животот за 62 проценти и да додаде дури пет години на животот.
Резултатите беа објавени во списанието BMJ Evidence-Based Medicine.
Оваа студија ја појаснува клучната улога на здравиот начин на живот во ублажувањето на влијанието на генетските фактори врз скратувањето на животниот век, заклучија истражувачите.
Студијата опфатила 353.742 луѓе од Обединетото Кралство Биобанка и открила дека оние со висок генетски ризик за пократок живот имаат 21 отсто зголемен ризик од рана смрт во споредба со оние со низок генетски ризик, без оглед на нивниот животен стил.
Наука
Балканот ќе биде еден од најтешко погодените региони во Европа, ниту на Mакедонија не ѝ се пишува добро
Иако научниците имаат алатки и методи за мерење на влијанието на климатските промени – како може тоа да се направи така што поединецот, во својот живот, има одредена вредност со која може да измери како, под влијание на климатските промени, неговиот живот е исто така се менува?
Не е лесно да се замисли што точно е „просечно глобално затоплување од 1,5 °C или 2 °C“ и како тоа ќе го промени нашето секојдневие, пишува Слободна Далмација.
На ова се обратија истражувачите од Технолошкиот институт во Масачусетс (МИТ)”; тие развија нов начин за мерење на влијанието на глобалното затоплување во реалниот живот и предвидување на долгорочните ефекти. Излегува дека и луѓето на Балканот ќе ја чувствуваат значајната промена.
Мерката на научниците од МИТ, создадена со помош на податоци од 50 различни климатски модели, е одредена од тоа колку ќе се зголеми или опадне бројот на „надворешни денови“ на различни дестинации низ светот до 2100 година, односно 24-часовни периоди кога температурите се доволно удобни за повеќето луѓе да се вклучат во активности на отворено, без разлика дали се за работа или за одмор. Ова се денови кога не е ниту премногу топло, ниту премногу студено, што научниците го сместуваат во температурен опсег од приближно помеѓу 10 °C и 25 °C, без екстремни временски појави.
Студијата на МИТ покажа дека тропските дестинации ќе доживеат најголеми промени во деновите на отворено. Најголемиот удар ќе го претрпи Доминиканската Република која до крајот на векот ќе губи дури 124 дена пријатно време годишно. Мексико, Индија, Тајланд и Египет ќе изгубат половина од тие денови.
Во Европа, на север ќе има повеќе денови со пријатно време бидејќи зимите ќе станат потопли, но на југ екстремните горештини во летните месеци ќе предизвикаат намалување на деновите на отворено.
Според податоците на МИТ, Балканот најверојатно ќе биде еден од најтешко погодените региони во Европа. Така Албанија ќе загуби 30 дена, Србија 26, Македонија 21, Бугарија 17, а Романија 12 дена. На југ, Грција би можела да изгуби 37 денови на отворено до 2100 година поради екстремните горештини помеѓу мај и јуни, според студијата на МИТ.
Промени ќе доживее и Пиринејскиот Полуостров: Португалија ќе има 33, а Шпанија 13 помалку денови на отворено.
Истражувачите велат дека разликата веќе се чувствува во Европа, при што луѓето избираат каде да патуваат врз основа на сè поекстремните жештини на претходно популарните дестинации.
Северна Европа ќе доживее попријатни денови, но причините за тоа не се добри вести. Франција, Германија и Австрија ќе добијат меѓу 18 и 52 дена пријатно време до 2100 година, главно поради потоплите зими, но ова би можело да биде фатален удар за и онака борбената скијачка индустрија во Европа. Поради недостигот на снег, се размислува за замена со вештачки снег, но многумина мислат дека тоа ни оддалеку не би помогнало да се одржи скијачката индустрија, за која „пријатни“ и целосно профитабилни „денови на отворено“ се само оние со многу реални снег.
Наука
Еден Американец и двајца Руси со руско летало заминаа на МВС во вселената
Еден Американец и двајца Руси полетаа со руско летало од космодромот Бајконур во Казахстан до Меѓународната вселенска станица. Станува збор за астронаутот на НАСА Лорал О’Хара и космонаутите на Рокосмос Олег Кононенко и Николај Чуб.
О’Хара ќе помине шест месеци на станицата, а Кононенко и Чуб ќе останат таму една година.
Тројцата космонаути требаше да заминат во вселенската станица минатата пролет, но нивната првична капсула послужи како придружба за друг екипаж. Вториот екипаж – исто така двајца Руси и еден Американец – се враќа дома на Земјата кон крајот на овој месец.
Нивниот престој беше продолжен од шест месеци на една година бидејќи нивната капсула Сојуз испушти течност за ладење додека беа на станицата.
Според НАСА, кога командантот на мисијата Кононенко ќе го заврши својот престој во вселената, тој ќе постави рекорд како човек кој поминал најмногу време – повеќе од илјада дена – во вселената.