Женскиот камерен хор “Св. Злата Мегленска”, на 7 јануари, во 20 часот, во Соборниот храм “Св. Климент Охридски”, Скопје, ќе одржи концерт насловен како “БОЖИК – СЛАВА”

Традицијата на одржување божикни концерти што е  установена на десетгодишнината од постоењето на хорот „Света Злата Мегленскa”, продолжува и оваа година. Како што кажа диригентката Летка Димовска-Полизова традицијата за одржување на божикни концерти продолжува и оваа година, која е четврта по ред. „Од господин господин Стефан побаравме благослов тој концерт да биде традиционален и тој ја даде својата согласност. Вечерта на Божиќ ние ќе го чествуваме големиот христијански празник во црковниот храм, опкружени со нашите прекрасни икони, во атмосфера што облагородува и смирува. Таму а капела ќе ги пееме православните духовни песни посветени на Господ. И овој Божиќ хорот „Света Злата Мегленска“ ќе го одржи својот традиционален божикен концерт“ изјави Полизова на прес-конференцијата што се одржа во духовно-концертната сала при Соборниот Храм „Св. Климент Охридски“. И оваа година програмата за божикниот концерт е подготвувана внимателно за да биде интересна за присутните но, и  за самите учесници. Женскиот камерен хор „Св. Злата Мегленска” е формиран во 1996 год. при Македонската православна Црква и е прв од ваков вид во Република Македонија. Хорот е составен од 22 женски вокали, од кои повеќето се млади академски образовани музичари и студенти на Факултетот за музичка уметност во Скопје. Концертот е во организација на Здружението на камерни хорски состави „Света Злата Мегленска“ во кое е и истоимениот хор и Македонската православна црква со поддршка на Министерството за култура и Град Скопје. Влезот за божикниот концертот во Соборниот храм е слободен. Прогама за концертот Детски архиепископски хор „Херувими“ при МПЦ – Скопска Епархија1. Божикна Песна – К.КостовМашки Камерен Хор „Св. Нектариј“ при МПЦ – БитолаДиригент – Игор Гулевски1. Божикна катавасија – М.поп Тодоров2. Слава на хвалитни – ав.непознат3. Отца и Сина – М.поп Тодоров4. Достојно ест – П. ЕфескинЖенски Камерен Хор „Св. Злата Мегленска“ – СкопјеДиригент Летка Димовска – Полизова1. Величит душа моја – В.И. Володин2. Радусја вси Ангели – С. Строкин3. Тебе поем – Ф. Степанов, солист Ирена Крстеска4. Богородице Дево радусја – С. Рахмањинов5. Да исправитсја молитва моја – П. Чесноков, солист Николина Јаневска6. Под Твоју милост – Д. Бортњански, солист Јулија Карамитрова7. Во царствии Твоем – Д. Христов, солист Катерина Стојановска8. Приклони Господи – С. Дектјаев, солисти Ирена Крстеска и Николинас Јаневска9. Отче наш – Д. Шуплевски10. Во Божик-Слава – З. Запров, солист Горан Начевски11. Воспојте – М. ТајчевиќЦрковни ѕвона Сања Пановска Миланова