Култура
Највносниот филм на сите времиња
Paranormal Activity стана највносниот филм на сите времиња, минувајќи го според заработката познатиот студентски филм Blair Witch Projekt, објави агенцијата TheWrap.com која ги следи резултатие од американските кинобилетарници
Хорор хитот кој е снимен за помалку од 15 илјaди долари, до средата остварил бруто заработка од 65.1 милиони доlари, пренесоа американските медиуми. Статистичарите на TheWrap.com.пресметале дека успехот на филмот се изразува со 414.233 отстотен поврат на средствата вложени во неговото снимање.Филмот постапно го проширувал својот успех низ американската кино мрежа, почнувајќи од прикажување во 12 кино сали, па на 33, на 160, па 760 кино сали а минатиот викенд се прикажувал во 1.945 кино сали низ целите Соединети држави. Според директорот за дистрибуција на Paramount, Дон Харис, во тоа лежи еден од факторите на нговиот неверојатен успех. Американските медиуми потенцираат и дека студиото Pаramount потрошило помалку од десет милиони долари за маркетиншка презентација на овој филм, што што е исто така една од најмалите суми употребени на ваква активност во современата холивудска продукција.Во приказната станува збор за незадоволство од новите станари на надприродната моќ. Кејти (ја игра Кејти Фитерстон) и Михеј (Михеј Слоат) се двојка која тукушто се преселува во нивниот нов дом во Сан Диего, Калифорнија. Кејти има интерес зо паранормалното и верува дека злобни духови ја следат уште од детството, додека Михеј не верува во надпридорните појави. Но по неколку ноќи кога слуша гласни шумови и чудни работи се случуваат во нивниот дом, Михеј почнува да и’ верува на Кејти дека некој дух ги демне во новиот дом.Ангажираат истражувач на паранормални појави, но тој вели дека не може да им помогне, по што Михеј одлучува да ја преземе контролата врз ситуацијата и поставува видео камери, сакајќи да забележи на видео што ги вознемираува.По поставувањето на камерите, Кејти и Михеј преземаат спиритуалистички сеанси во обид да разговараат со духовите, со што го разгневуваат сеништето.Ова е првиот игран филм на сценаристот и режисер Орен Пили.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Култура
Денес е Ден на македонскиот јазик
Петти мај е прогласен за „Ден на македонскиот јазик“. На овој ден во 1945 година, со решение на Народната влада на Федерална Македонија е усвоена азбуката на македонскиот јазик врз принципот еден глас – една буква, а набргу потоа, на 7 јуни 1945, е усвоен и Правописот на македонскиот јазик.
Кодификацијата на современиот македонски стандарден јазик се заокружува со делата на Блаже Конески – Граматиката на македонскиот литературен јазик, Речникот на македонскиот јазик и Историјата на македонскиот јазик.
Култура
Инспиративен настап на SIN PUSTINJE во Битола за Меѓународниот ден на џезот 2024
МКЦ-Битола по јубилеен 10-ти пат го одбележа Меѓународниот ден на џезот во Битола 2024. Во прекрасниот амбиент на кафе барот Порта Џез, Ахмед Буриќ, Дамир Имамовиќ, Тони Китановски и Иван Михајловиќ приредија несекојдневно музичко поетско доживување.
Во проектот станува збор за искуството и интерпретацијата на музиката и поезијата која ги сумира различните интереси и вештини на уметниците кои досега ги познававме од другите жанрови. На концертот Буриќ, Имамовиќ, Китановски и Михајловиќ изведоа дванаесеттина песни од нивниот прв албум, како и некои други делови кои на изведбата во живо му дадоа комплетна форма и магична атмосфера.
Овој концерт по десетти пат ја стави Битола на глобалната мапа на градови кои го одбележуваат Меѓународниот ден на џезот и ги слават вредностите кои тој ги промовира. Битола ја ставаме на иста линија со светските метрополи кои имаат почит кон уметноста како начин на живот и извор на енергија не само за уметниците туку и за обичните граѓани.
Концертот се организира со финансиска поддршка на Министерството за култура и Општина Битола.
Култура
Вердиевата спектакуларна опера „Трубадур“ на 11 мај на „Мајските оперски вечери“
На 11 мај со почеток во 20.00 часот ќе се изведе спектакуларната опера „Трубадур“ од Џузепе Верди, во рамките на 52. издание на меѓународниот фестивал „Мајски оперски вечери“. Билетите за премиерната изведба на „Трубадур“ на 9 мај се распродадени.
Диригент е Иван Еминовиќ, режијата е на реномираниот македонски режисер, Иван Поповски кој живее и работи во Москва повеќе од две децении и за своите врвни уметнички достигнувања е добитник на највисоки признанија во Русија и низ светот и за првпат поставува опера на македонската сцена. Сценографијата е на Миодраг Табачки од Србија, костимографијата е на Марија Пупучевска, а кореографијата на Саша Евтимова.
Во улогата на Манрико ќе настапи гостинот од Чиле, Филипе Рохас, тенор кој настапувал на повеќе светски сцени, во улогата на Гроф Луна ќе настапи нашиот баритон Ристе Велков, во улогата на Леонора ќе настапи гостинката од Канада Криста де Силва, драмски сопран препознатлива по нејзините темни мистични бои. Во улогата на Ацучена ќе настапи, Сања Анастасиа, мецосопран, првенка на операта во Народниот театар во Белград. Во улогата на Ферандо ќе настапи нашиот бас, Владимир Саздовски кој е чест гостин на светските оперски сцени. Во останатите улоги ќе настапат: Јане Дунимаглоски, Ана Ројдева, Тихомир Јакимовски и Дејан Стоев во придружба на хорот и оркестарот на Националната опера и балет.
Романтична љубов, смртна љубомора и oдмазда се движечките драмски елементи на операта „Трубадур“ од италијанскиот музички мајстор Џузепе Верди. Операта се одликува со прекрасна музика и спектакуларно предводени вокални делови кои пренесуваат силни емоции, додека исклучително сложената приказна изобилува со огнена страст.