Забава
Здравје за вашето бебе
Зеленчукот не секогаш е прифатен од страна на бебињата, затоа се препорачува во почетокот да се меша со млеко. Да се нахрани детето со овој вид на кашичка со помош на мало лажиче понекогаш завршува со неуспех, па потоа треба да се чека да помине некој период за да пробате пак
Советот кој го препорачува изворот www.hrana.com.mk, ако правите супа од зеленчук немојте во првите 2 – 3 недели да ставате праз, лук, кромид и слични плодови кои можат да го обесхрабрат бебето. Користите само морков, тиквици, компир или зелена салата. Во текот на 2 – 3 дена во шишето на бебето ( во попладневниот оброк ) ставете чорба наместо вода и додајте млеко. Така бебето ќе го навикнете на вкусот на зеленчукот. Некои бебиња обожаваат зеленчук, некои не. Овој постепен метод може да помогне околу навикнувањето на бебето на вкусот на зеленчукот. Детето кое неможе да изеде доволно во редовните оброци има потреба од ужина меѓу оброците. Ужината се дава 2 -3 пати дневно и не треба да биде обилна. Исто така важно е ужината да се сервира во вид на оброк така да детето не јаде ништо се до следниот оброк. Детето треба да се спречи да јаде по малку секој час. За дете од 6 – 8 месеци се препорачува да се даде ужина од пире, вариво, сирење, двопек, банана или попара. За дете од 9 – 12 месеци се дава варен зеленчук, сецкано овошје, јаболка, крушка, праска, компот или пире од овошје, ќофте од мелено месо, риба или ситно сецкано пилешко или говедско месо. За дете постаро од година и половина, може да се дава се што е погоре наведено, а може плус и житарици со млеко, разни сендвичи или пире од банана или тиква.“Послушното” бебе можете да го наградите со овошен компот од јаболка, круша итн. Бебето обично го сака овој вкус затоа што е по благ од вообичаеното. Во почетокот не знае и ќе прифати само 1 – 2 кафени лажички но за кратко време дозата ќе се зголеми од 20 – 30 – 40гр. Бебињата и малите деца обично го сакаат десертот и може да изедат повеќе од предвиденото. Во тој случај намалете го млекото во наредниот оброк. Бебињата многу ги сакаат бананите. На бебињата помали од 8 месеци можете да им дадете добро созреано овошје, излупено и испасирано, во мали количини. Јогурти и млади сирења можете да им давате по 8-иот месец, но овие млечни продукти малку засладете ги. Корисни совети: – Добро измијте ги рацете пред да го земете стерилното шише и цуцла на детето. – Пазете на цуцлата! Некои цуцли пропуштаат повеќе млеко, а тоа доведува до брзо прејадување на бебето што има понатамошни последици проследени со повраќање. – Во почетокот не му дозволувајте на детето да го испие цело млеко без да земе воздух. На секои 5 – 6 голтки прекунувајте го, така да детето ке може да земе воздух. – Водете сметка шишето на бебето да биде убаво дигнато така да целата цуцла да биде исполнета со млеко во спротивно бебето ке се наголта воздух.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
С.О.С. фестивалот се враќа на домашната сцена
С.О.С. фестивалот се враќа на домашната сцена и ги носи Забрањено пушење, кои годинава одбележуваат јубилејни 40 години од првиот студиски материјал „Das ist Walter“, најдоброто од Игор Џамбазов придружуван од Гуру Харе со неговиот бенд и екс-ју ретроспективата на Rootboy Selector.
Јубилеј слави и домаќинот „Фреш унион“ – полни 20 години од првиот настан и стартот на реализацијата на идејата за развој на урбаната музичката култура. 20 години за портфолио во коe се запишани соработки со светски познати имиња, но и еминентни имиња од Балканот и, секако, дел од домашната музичка елита.
Овогодинешното издание на С.О.С. фестивалот е закажано на 15 јуни, со почеток во 20:00 часот, на Ракометно игралиште во Битола, и тоа ќе биде своевидно музичко патување низ времето и уживање во хитовите на Забрањено пушење – „Зеница блуз“, „Хаџија или бос“, „Гузоњин син“, „Памтим то као да је било данас“, „Можеш имат моје тијело“… ќе имате можност да го чуете и „Најдоброто од Игор Џамбазов“ придружуван од неговиот Гуру Харе со својот бенд. Планирана е изведба на неговите најголеми хитови: „Диши длабоко“, „Да си жив и здрав“, „Каква е оваа ситуација“, „Скопјанец в Битола“, „Скопје – Сарај – Матка“, „Племето и семето“, „Фотографија“, „Време за плачење“, „Хотел Македонија“, „Во бестрага“, на материјалот од новиот албум „Првите триесет“, како и анегдоти од над 30-годишната кариера.
Забава
Хороскопски знаци кои го пикаат носот секаде: ги интересира се и повеќе отколку што треба
Хороскопските знаци кои го пикаат носот насекаде се оние кои се обидуваат да дознаат за работи кои апсолутно не ги засегаат.
Хороскопските озборувачи се и хороскопските знаци кои сакаат да знаат сè и ништо не им бега. Тие се многу љубопитни и имаат тенденција да го пикаат носот дури и во ситуации кои не се нивна работа, или поради озборувања или затоа што само сакаат да ги имаат сите информации и да бидат разузнавачка служба која може да има контрола над сите.
Хороскопски знаци кои го пикаат носот насекаде
Близнаци
Ова е знакот што прво на сите им паѓа на ум. Тие се луди по озборувања и сакаат да знаат сè. Ништо не им бега и лесно ќе научат сè за никого. Дури и тој да разговара со вас, а некои други да зборуваат малку подалеку, тие сигурно со едно уво слушаат што се случува. Близнаците извршуваат повеќе задачи и можат многу работи одеднаш.
Шкорпија
Вторите на листата дефинитивно се Шкорпиите и тоа не е случајно. Тие делумно гледаат на озборувањата како на антишпионска алатка. Колку повеќе знаат, толку е полесно да се заштитат. Тие ве имаат во свои раце и можат да го искористат она што го знаат за вас во секое време против вас. Таа го слуша секој разговор, набљудува и надгледува сè и тешко ќе го скриете она што таа сака да го знае.
Бик
Ова е можеби изненадувачки бидејќи никој не очекува Бикот на оваа листа. Можеби изгледаат сериозно и одмерено, но треба да знаете дека се што ги интересира се тајните озборувања. Претставниците на овој знак сакаат да се мешаат во се, полни се со сомнеж и не веруваат никому. Во сè се многу слични на Шкорпијата. Иако овие знаци се хороскопски спротивни, тие имаат некои заеднички елементи како одмаздата која се сервира ладна.
Hitech
(Видео) 7 милиони прегледи: Мајкрософт објави снимка со вештачка интелигенција на Мона Лиза како рапува
Мајкрософт ја претстави новата технологија за вештачка интелигенција наречена VASA-1, која може да комбинира фотографија и аудио клип и да генерира реални видеа.
Тие ја претставија новата технологија со видео на кое Мона Лиза рапува на песната Папараци, но ова не е хит на Лејди Гага, туку рап песна што Ен Хатавеј ја напиша и изведе во ток-шоуто на Конан О’Брајан во 2011 година.
Microsoft just dropped VASA-1.
This AI can make single image sing and talk from audio reference expressively. Similar to EMO from Alibaba
10 wild examples:
1. Mona Lisa rapping Paparazzi pic.twitter.com/LSGF3mMVnD
— Min Choi (@minchoi) April 18, 2024
Видеото набрзо стана вирално и беше прегледано повеќе од 7,1 милиони пати на само еден профил на „Икс“.
„Ова е толку смешно, плачев од смеење“, „Уште едно страшно видео со вештачка интелигенција“, „Ова е морничаво“, „Кога би можел Да Винчи да го види ова“, се дел од коментарите.