Забава
“Оаза на морињата“- најголем брод за крстарење
Најголемиот и најскапиот изграден патнички брод за крстарење, “Оаза на морињата“, вистински пловечки забавен парк, ќе исплови во петок од финското бродоградилиште СТХ во пристаништето Турку.
Најголемиот и најскапиот изграден патнички брод за крстарење, “Оаза на морињата“, вистински пловечки забавен парк, ќе исплови во петок од финското бродоградилиште СТХ во пристаништето Турку. Околу 900 милиони евра чинеше градењето на тој колос, што го нарача американската компанија “Ројал Карибиан“, а ќе може да превезува до 6.360 патници и две илјади членови на посада. “Оазата на морињата“ треба да го премине Атлантикот до источниот брег на Сојузните Американски Држави, од каде на први декември ќе исплови од Форт Лаудердејл, Хаити, на првото туристичко патување. Компанијата Ројал Карибиан го нарекува овој брод “најоригинален досега, со најмногу иновации и забавни места, што претставуваат вистински мали села на море“. Новиот брод на гостите им нуди базен со бранови за сурфање, карпа за качување, програм од Бродвеј, претстави на мраз, а посетителите ќе можат и да уживаат во сенките на вистинскиот дрворед. Бродот има 16 мостови на височина од 65 метри, долг е 360 метри и широк 47, со што за 32 метри е поголем од “Слобода на морињата“, досегашниот рекордер во должина меѓу бродовите за крстарење. Од 1990 до 2008 година бројот на крстарења во светот се зголемил од 3,7 на 13 милиони. Едно крстарење чини од 900 до една илјада евра за една недела по човек, а децата и помладите од 18 години не плаќаат за патувањето.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
Ева Мендес за семејството и животот во 50-тите: Вака не го замислував мојот пат
Иaкo никогаш не го замислувала својот живот на 50 години, Ева Мендес живее во свој ритам – и не може да биде посреќна. „Не подлегнувам на притисокот на општеството. Што сакам да правам, правам“, вели актерката, која ги има ќерките Есмералда Амада (9) и Амада Ли (8) со Рајан Гослинг.
“Сигурно не мислев дека ќе имам деца и ќе бидам дома. Затоа, многу сум среќна што одреден маж влезе во мојот живот и ме натера да се предомислам за сите тие работи”, рекла таа. Пред 10 години таа ја напушти актерската кариера за да се фокусира на своите деца.
Таа вели дека тоа била „најлесната одлука“ што ја донела. „Кога забременив на 40-годишна возраст, беше страшно за другите. И кога повторно забременив на 42-годишна возраст, луѓето ми велеа: „О Боже мој, ќе бидеш толку уморна“, откри таа.
„Тоа е најглупавата работа што сум ја слушнала. Патем, потребно е само малку повеќе трпение. Мислам дека не бев подготвена за тоа во моите 20-ти, пиев и пушев. Дефинитивно не можев да подигнам деца во кое било друго време од мојот живот освен сега“, додава таа.
Една од најубавите жени на светот истакна дека е „среќна што се отишло во тој правец“.
Инаку, Мендес нема снимено ништо откако стана мајка. Нејзината последна улога беше во 2014 година. Покрај нејзината актерска кариера, таа е портпарол на голема козметичка компанија, модел и креативен директор на брендот за шминка „CIRCA Beauty“.
Забава
Емили Ратајковски го привлече вниманието со фустан кој повеќе открива отколку што крие
Емили Ратајковски присуствуваше на настанот The King’s Trust Global Gala што се одржа во Casa Cipriani во Њујорк, каде што ги привлече погледите со храбар фустан.
Познатата убавица носеше свилен крем фустан со длабоко деколте, кој допираше речиси до нејзиниот папок, а кој ја истакна нејзината витка линија. Фустанот имал и гол грб и бил врзан околу вратот.
The King’s Trust Global Gala е основана од британскиот крал Чарлс III. со цел да им се помогне на младите, а свечениот настан собра многу познати фаци, како моделот Ирина Шајк, актерката Кејт Бекинсејл, славната двојка Криси Тајген и Џон Леџенд, поранешната манекенка Кејт Мос и плус сајз моделот Ешли Греам.
Забава
Мишел Фајфер се појави на црвениот тепих, обожавателите се восхитени од нејзината убавина
Актерката Мишел Фајфер не се појавува често во јавноста, но сега позираше со сопругот Дејвид Е.Кели на црвениот тепих на Американскиот филмски институт во Лос Анџелес. Обожавателите се восхитуваат на нејзиниот изглед во 67-та година и пишуваат дека изгледа како да не старее.
Иконската жена-мачка често зборува за тоа како го прифатила стареењето и се фотографира без шминка. Иако изгледа како да го должи својот фантастичен изглед на посебни скриени трикови, таа тврди дека работата е многу едноставна.
Таа претходно за Daily Mail откри дека доволно спие, вежба и се храни здраво.