Регион
Ердоган ја прифати оставката на Давутоглу, ќе го наследи Јилдирим
– Новиот челник на турската владејачка партија AKP, Билали Јилдирим
Турскиот претседател Реџеп Тајип Ердоган во неделата и официјално ја прифати оставката на досегашниот премиер Ахмет Давутоглу, неколку часа откако нивната владејачка Партија на правото и развојот (АКР) избра нов челник, долгогодишниот близок соработник на Ердоган, досегашниот министер за сообраќај Бинали Јилдирим, кој со тоа ќе стане и премиер.
Турскиот претседател Реџеп Тајип Ердоган во неделата и официјално ја прифати оставката на досегашниот премиер Ахмет Давутоглу, неколку часа откако нивната владејачка Партија на правото и развојот (АКР) избра нов челник, долгогодишниот близок соработник на Ердоган, досегашниот министер за сообраќај Бинали Јилдирим, кој со тоа ќе стане и премиер.
Претседателот Ердоган му се заблагодари на Давутоглу на досегашната работа, се наведува во соопштението.
Меѓу Давутоглу и Ердоган се јавија несогласувања, според претпоставките во медиумите, поради прашањето на уставните промени имајќи предвид дека турскиот претседател се заложи за поголеми уставни претседателски овластувања.
Претходно во неделата досегашниот министер за сообраќај, 60-годишниот Бинали Јилдирим едногласно беше избран за претседател на владејачката АКР, со што автоматски стана премиер и се претпоставува дека задача ќе му биде на претседателот Реџеп Тајип Ердоган да му овозможи низ уставните промени да воспостави претседателски систем. Се очекува подоцна во текот на денот Јулдирим да го добие мандатот за состав на новата турска влада.
Еден од сооснавачите на АКР, Јилдирим ги освои гласовите на сите 1.405 делегати на вонредниот партиски конгрес. Долгогодишниот пријател на Ердоган, и еден од неговите најверни соработници, беше единствениот кандидат за оваа должност.
Неговиот избор, се очекува, ќе ја зајакне позицијата на Ердоган и ќе ја забрза промената на уставот, што на Ердгоан ќе му гарантира поголеми уставни овластувања и трансформација на Турција од парламентарен во претседателски систем.
Јилдирим потекнува од скромно семејство во источниот град Ерзинкан, а со Ердоган тесно соработува од 1994 година кога актуелниот претседател ја извршуваше должноста градоначалник на Истанбул. Од 2002 година непрекинато е на функцијата министер за сообраќај.
Досега управуваше со грандиозни инфраструктурни проекти кои беа жестоко критикувани и од опозицијата и од екологистите. Станува збор за изградбата на третиот меѓународен аеродром во Истанбул поради кој се уништени големи шумски површини и покрај масовните протести, а полемика избувна и поради градењето на третиот мост преку Босфор наречен по султанот Селим Први кој XVI век масакрирал 40.000 алевите (шиити), припадници на либерално муслиманско конфесионално малцинство.
Новиот проект кој допрва треба да се изведе е каналот меѓу Црното и Мраморното Море, кој треба да го растовари густиот поморски сообраќај преку Босфор.
Јилдирим, по струка инженер на бродоградежништво, на Босфор ги извршувал своите први работни задачи од 1994 до 2000 година, водејќи ја силната компанија IDO која управува со ткн морски автобуси во Истанбул.
Откако во 2001 година Ердоган ја основа партијата АКР, Јилдирим замина со него и стана градски советник во управата на Истанбул, а потоа беше именуван за министер.
Со неговото име се поврзуваат и контроверзии, бидејќи во 2004 година, кога опозицијата ја бараше неговата смена поради излетувањето на воз од шини во северозападниот дел при што загинаа 40 патници, одби да поднесе оставка.
Една од работите кои му ги забележуваат е и изјавата дека не секал да студира на угледниот Универзитет Босфор во Истанбул, бидејќи видел „дека таму момчињата и девојките седат заедно и разговараат во кампусот“./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
(Видео) Вучиќ ѝ се јавил на Дијана Хрка за да ја замоли да го прекине штрајкот со глад, таа вели дека не се чувствува добро
Претседателот на Србија, Александар Вучиќ, утрово лично им се јавил на Дијана Хрка и Угљеша Мрдиќ, двајцата активисти кои веќе неколку дена штрајкуваат со глад во Собранието.
„Разговарав по телефон со Дијана Хрка и Угљеша Мрдиќ. Ги замолив да го прекинат штрајкот со глад и ја поканив госпоѓата Хрка во претседателството на состанок. Сите добри луѓе во Србија се загрижени за нивното здравје, се молам и се надевам дека ќе донесат одлука за прекин на штрајкот“, изјави Вучиќ.
View this post on Instagram
Дијана Хрка, мајката на Стефан Хрка, кој загина при пад на натстрешница на железничката станица во Нови Сад, штрајкува со глад веќе девет дена.
Во изјава за агенцијата ФоНет, Хрка потврди дека не се чувствува добро и дека не е во состојба да коментира за повикот на претседателот. „Не можам да зборувам за тоа сега. Моментално лежам и не сум баш добро“, изјави таа.
Претходно Хрка изјави дека нема да го прекине штрајкот со глад додека институциите не почнат да си ја работат својата работа.
Регион
(Видео) Татко и син предизвикаа несреќа во БиХ, па се степаа: потоа синот тргна да гази луѓе со својот автомобил
Драма се одвиваше вчера во местото Трнови во близина на Велика Кладуша, каде што сообраќајна несреќа прерасна во физичка пресметка, а потоа и во обид за прегазување луѓе со автомобил.
Според очевидци, во инцидентот биле вклучени татко и син, а вознемирувачките снимки од настанот бргу се проширија на социјалните мрежи.
Otac i sin prave haos u Kladuši pic.twitter.com/XSMBk5wTPd
— Doznajemo (@Doznajemo) November 9, 2025
Сè почна кога „голфот“ премина во спротивната лента и предизвика судир. По несреќата, двајцата мажи во „голфот“ застанаа на блиска раскрсница, каде што ситуацијата ескалира.
Набргу избувна вербална, а потоа и физичка пресметка со други учесници во сообраќајот. Двајцата од „голфот“ се судрија со возачот на сив автомобил, кој не беше вклучен во несреќата, и го удрија. Според снимките објавени на интернет, возачот на „голфот“ исто така беше погоден во тепачката по што неговиот сопатник седна зад воланот, го запали моторот и возеше со полн гас кон групата луѓе со кои штотуку се расправаа.
View this post on Instagram
Потоа го сврте автомобилот и повторно се залета во луѓето.
Во хаосот што настанал е повредено најмалку едно лице. Според првичните информации, повредениот пешак е префрлен во болница.
фото: принтскрин
Регион
Воздухот во Загреб во црвена зона: „Не е добра идеја да се трча или игра фудбал надвор“
Густа магла се насобрала над Загреб, а со неа и опасно загадување на воздухот, кое трае со денови. Официјалните мерења покажуваат дека главниот град е во црвена зона, што значи дека квалитетот на воздухот е лош и може да има штетно влијание врз здравјето, а најпроблематични се ПМ-честичките 2,5, кои лесно продираат во белите дробови, пренесуваат медиумите во регионот.
„Катастрофа. Да знаевме, немаше ни да излеземе со нашето бебе. Сега трчаме дома штом слушнавме дека е црвено. Бебето има два месеца“, вели Иван од Загреб во изјава за РТЛ.
Другите граѓани не се изненадени. „Ништо изненадувачки. Магла, нема ветер, зима. Кога нема ветер, воздухот не може да се прочисти“, коментира Драгослав додавајќи дека лошиот воздух во Загреб може да се почувствува речиси секогаш, исто така и поради Јакушевац.
Мерните станици повторно во црвена боја утрово
Што се однесува до ситуацијата утрово, веб-страницата на Министерството за заштита на животната средина покажува дека мерните станици Загреб 1, Загреб 2 и Загреб 3 повторно се во црвена боја утрово.
„Избегнувајте физички активности на отворено“
Бранко Колариќ, директор на Наставниот институт за јавно здравје „Д-р Андрија Штампар“, предупредува на претпазливост.
„Кога квалитетот на воздухот е лош, советуваме да не се прави интензивна физичка активност на отворено. Кога нема ветер или дожд, смогот е видлив со голо око и не е мудро да се трча или игра фудбал надвор“, вели тој за РТЛ.
Тој објаснува дека станува збор за честички од саѓи и пепел. „Хемиските соединенија што би можеле да бидат поопасни не се покачени, туку се во нормални граници. Ова загадување е типично за зимските месеци и грејната сезона“, рече Колариќ.
Критично и во други градови
Иако Загреб моментно е во фокусот, ситуацијата не е многу подобра во другите делови на Хрватска.
„Граѓаните се со право огорчени. Пред десет години ми кажаа дека моите здравствени проблеми се поврзани со загадувањето на воздухот“, вели Мирослав од Славонски Брод.
Здружението „Екоинтеграл“, кое со години предупредува за проблемот во Славонски Брод, вели дека ова е најкритичниот дел од годината.
Фото: принтскрин
Приведена жена од Кавадарци поради напад врз своето 6-месечно бебе
Утрово, околу 6 часот, полицијата во Скопје приведе 23-годишна девојка од Кавадарци, која се сомничи дека ноќеска, околу 00:37 часот,...
„’Вреди’ до Јаневска“: Непознавањето на албанскиот јазик не треба да води до фрустрација
Вчера, за време на јавен настап, министерката за образование, Весна Јаневска, во два или три наврати изрази незадоволство од комуникацијата...
Половина од младите во Македонија не веруваат дека земјата некогаш ќе стане членка на ЕУ
Повеќе од 46 отсто од младите во Македонија не веруваат дека земјата ќе стане членка на Европската унија, покажува новиот...
Герасимовски: Отстрануваме 10 диво поставени објекти, нема толеранција за кршење на законите
Инспекциските служби на Општина Центар спроведоа вонредни инспекциски надзори на плоштадот „Филип Втори“ и на влезот на Старата скопска чаршија....
Граѓаните да бидат внимателни и да не отвораат лажни електронски пораки во име на директорот на БЈБ, предупредува МВР
Министерството за внатрешни работи известува дека до неколку граѓани од страна на сторители што лажно се претставуваат во име на...
Комисијата за историски прашања е алиби за моментно многу комплицираните односи меѓу Бугарија и Северна Македонија, вели Димитров
Комисијата за историски прашања со РСМ е еден вид алиби за моментно многу комплицираните односи меѓу Бугарија и Северна Македонија,...
Турција сака безбеден премин за 200 цивили заробени во тунелите во Газа
Турција се обидува да обезбеди сигурен премин за околу 200 цивили заробени во тунелите во Газа, откако го олесни враќањето...
Сенатот постигна договор: заврши најдолгата блокада на буџетот во историјата на САД
Американските сенатори постигнаа привремен договор со кој ќе се стави крај на буџетската парализа што блокираше некои јавни услуги рекордни...
(Видео) Зеленски: За разлика од целиот свет, јас не се плашам од Трамп
Украинскиот претседател Володимир Зеленски изјави дека, за разлика од многу западни лидери, не се плаши од Доналд Трамп и ги...
(Видео) Супертајфун ги погоди Филипините: бројот на жртви расте, еден милион луѓе принудени да се евакуираат
Супертајфунот Фунг-вонг ги погоди Филипините вчера, при што загинаа две лица, а еден милион луѓе беа принудени да се евакуираат...
(Видео) Нов напад врз Крим: погоден важен руски складиштен објект за нафта
Украинските војници во неделата нападнаа руско складиште за нафта во близина на селото Гвардејское на окупираниот украински полуостров Крим, објави...
(Видео) Судир на возови во Словачка, десетици повредени
Два воза се судрија ноќеска во Словачка откако едниот се удрил во задниот дел на другиот, при што се повредени...
Ѓорѓиевски: За два дена од Скопје се исчисти над четири и пол илјади тони отпад, скопјани имаат човек на кој може да се потпрат
Над четири и пол илјади тони отпад или четири до пет пати повеќе од секој вообичаен викенд што се собирало...
Пијан возач од Турција направи хаос во Аеродром
Полицијата објави фотографија од сообраќајката што се случила синоќа на улицата Матеја Матевски во Аеродром, кога возач на „БМВ 5“...
Ѓорѓиевски со предупредување до граѓаните, ќе се казнува секој што ќе фрла отпад
Градоначалникот на Град Скопје, Орце Ѓорѓиевски, објави дека акцијата за чистење „72 часа“ се одвива одлично, со цел градот да...
Таткото на едно од девојчињата загинати со „Пулс“ објави видео од нејзиното последно излегување од дома
Александар Наунов, таткото на трагично загинатата Надица, една од 63-те жртви во пожарот во дискотеката „Пулс“ во Кочани, сподели видео...
Јаневска: Следната година нема „прогледување низ прсти“ ако директорите не нарачаат учебници на време
Директорите на училиштата треба многу сериозно да си ја сфатат работата дека се должни да ги почитуваат законите и да...
„Супорт Кочани“ собра 11 милиони денари од донации за настраданите од „Пулс“, државата им наплати 1 милион денари данок
Околу 11 милиони денари се распоредени од заедничката сметка за донации од граѓанската иницијатива „Супорт Кочани“. Од граѓанската иницијатива велат...
Родителите на починатите во „Пулс“ со порака до судиите: Не дозволувајте болката и гневот да станат уште поголеми
Во Кочани денеска родителите на жртвите од пожарот во дискотоеката „Пулс“ одржаа нов „Марш за ангелите“, упатувајќи порака до правосудните...
Грабнале жена, ја тепале, па откако се онесвестила, ја силувале во напуштен објект во Струга
Две лица од дебарско се осомничени дека на 6 ноември околу 19 часот грабнале 30-годишна жена која потоа едниот од...
