Европа
Туск и Јункер сé уште се оптимисти околу потпишувањето на СЕТА со Канада
Претседателите на Европскиот совет и на Европската комисија (ЕК), Доналд Туск и Жан Клод Јункер, во средата изјавија дека сé уште е можно потпишување на договорот за слободна трговија (СЕТА) меѓу ЕУ и Канада, предвидено за четврток, а кое во моментов е блокирано од страна на белгиската покраина Валонија, пренесуваат светските агенции.
Во четврток во Брисел треба да се одржи самитот ЕУ-Канада, но тоа е доведено во прашање бидејќи Белгија сé уште не дала согласност за потпишувањето на договорот. Белгиската сојузна влада мора да добие согласност од сите федерални ентитети во земјата за да го потпише меѓународните договори, а на ова сé уште се противат претставниците на Валонија, регионот на главниот град Брисел и франкофонската заедница во Белгија.
„Сé уште се надевам дека Белгија ќе ја покаже својата умешност во постигнувањето компромис и дека наскоро ќе постигнеме договор“, рекол Туск во говор пред европратениците во Европскиот парламент во Стразбур. Туск предупредил дека неуспехот во ова би можел да има тешки последици на позицијата на Европа во светот, истакнувајќи дека Канада е „најевропската земја надвор од Европа и наш добар пријател и сојузник“.
И претседателот на ЕК, Жан-Клод Јункер изразил уверување дека е можно да се постигне договор и на тој начин да се отвори пат за потпишувањето на договорот во четврток. Белгискиот премиер Шарл Мишел од вторникот води интензивни преговори со франкофонските ентитети за постигнување на договор.
„Се надевам дека во текот на денот ќе биде постигнат договор меѓу белгиската и валонската влада и останатите делови од земјата“, рекол Јункер пред европските парламентарци. „Дали тоа ќе ни обезбеди до утре да го потпишеме договорот со Канада се уште не е јасно, но помалку е важно кога ќе се случи тоа, отколку тоа да се случи“, рекол Јункер.
Валонија се противи на СЕТА поради тоа што сака подобра заштита за своите земјоделски производи и исто така има примедби на прашањата околу арбитражата за решавање на инвестициските спорови, кои наместо на редовните судови во земјата ќе се препуштат на меѓународна арбитража, со што големите мултинационални компании можат да го заобиколат правосудниот систем и политичките одлуки на земјите во кои вложуваат./крај/мф/бс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Шолц ја откажа изборната кампања и ги посети поплавените региони во Германија
Германскиот канцелар Олаф Шолц денеска ги посети поплавените региони во западната германска сојузна покраина Сарланд, каде обилните дождови предизвикаа поплави и лизгање на земјиштето, а неколку згради беа евакуирани.
Шолц ја откажа својата изборна кампања во Сар, на границата со Франција, и наместо тоа, го обиколи делумно поплавениот пат во селото Клајнблитерсдорф заедно со регионалниот гувернер Анке Релингер.
Тој ја потврди солидарноста на сојузната влада со Сарланд.
„За жал, не е првпат да треба да се справиме со голема природна катастрофа, па ќе разгледаме што треба да се направи овде и што е неопходно“, им рече Шолц на новинарите.
Службите за итни случаи одговорија на илјадници повици за помош во главниот град на покраината, Сарбрикен.
Европа
Напаѓачот на Фицо доби мерка притвор за да не побегне и да не го повтори делото
Специјалниот кривичен суд во словачкиот град Пезинок, со силно полициско обезбедување денеска му одреди притвор на 71-годишниот Словак Јурај Цинтула, кој на 15 мај годинава во градот Хандлова со пет истрели го застрела премиерот Роберт Фицо и тешко го рани во стомакот.
Притворот за осомничениот е побаран поради опасност да не избега или да го повтори делото.
Осомничениот за нападот врз словенечкиот премиер Јурај Цинтула денеска призна вина.
Адвокатите предупредија дека признавањето на вината е спорно, бидејќи Цинтула веднаш по атентатот и апсењето бил сослушан во шок, без присуство на адвокат.
Европа
Премиерот Фицо уште е во животна опасност, напаѓачот призна вина
Осомничениот за нападот врз словенечкиот премиер Јурај Цинтула денеска пред Специјализираниот кривичен суд во градот Пежинок призна вина. Состојбата на премиерот Фицо и понатаму е сериозна.
Обвинителството вчера побара притвор за 71-годишниот Цинтула поради евентуално бегство или повторување на кривичното дело. Напаѓачот беше спроведен под силно полициско обезбедување, а ниту на новинарите им беше дозволен влез во Судот.
Премиерот на Словачка, Роберт Фицо на 15 мај беше застрелан во градот Хандалова додека се поздравуваше со насобраниот народ. Цинтула веднаш по нападот е приведен.
Тој се соочува со обвинение за обид за убиство од одмазда, за што е предвидена казна од 25 години до доживотен затвор.
Словачките политичари изјавија дека нападот врз Фицо не е политички мотивиран.