Македонија
Промоција на книгата „Тајните на светските ПР експерти“
Светски познатата македонска компанија за организација на маркетинг настани Пи Ворлд на македонската публика ќе и ја претстави својата прва стручна книга „Тајните на светските ПР експерти“.
Светски познатата македонска компанија за организација на маркетинг настани Пи Ворлд на македонската публика ќе и ја претстави својата прва стручна книга „Тајните на светските ПР експерти“.
Промоцијата ќе се одржи, во петок на најголемиот настан во Македонија „Маркетинг Кингдом“, кој ќе се одржи во хотелот Александар Палас во Скопје. Книгата ќе биде во продажба од 3-ти октомври 2016 година во сите книжарници на Издавачкиот центар ТРИ, како и на kniga.com.mk„Книгата е напишана од 12 светски експерти за односи со јавноста и нуди решенија за предизвиците во професијата. Нуди интересни идеи и размислувања на овие експерти за совладување на односите со јавноста во свет на постојани промени. Одлучивме да ја промовираме пред стручната јавност во Македонија со поддршка на Агенцијата за односи со јавност Чептер 4 Македонија“, вели Коста Петров, основач и сопственик на Пи Ворлд, уредник на книгата „Тајните на светските ПР експерти“.Според неговата колешка, Мери Џо Џејкоби-Џефсон, оваа книга е различна од останатите затоа што собира „богатство од лични искуства и практични совети“.„Четириесет години во индустријата на комуникации и односи со јавност ме научија како да препознаам вистински експерт, а секој член на оваа фасцинантна група автори, индивидуално, е вистински пример за тоа. Заедно, тие претставуваат богатство од лични искуства и практични совети, кои нема да ги најдете на друго место. Како експерти, сите се зафатени личности, кои активно работат на корпоративните побарувања или побарувањата на клиентите, водат стратегиски сесии за размена и дискусија на мислење и се справуваат со куп барања. Големо барање е да ги убедите да ги споделат со читателите нивните грижливо чувани професионални тајни со пишување поглавје за оваа колекција. Фактот што ова издание постои кажува многу за нашиот уредник, раководител на овој проект, македонската инспирација, Коста Петров“, вели Мери Џо Џејкоби-Џефсон.Книгата која ги содржи размислувањата на меѓународните експерти од индустријата на односите со јавноста може да се купи во книжарниците низ Македонија. „Тајните на светските ПР експерти“ е поддржана од Агенцијата за односи со јавност Чептер 4 Македонија, која годинава одбележува пет години функционирање на македонскиот пазар./крај/со/бб
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Економија
АСО: Владата преку измени на тарифникот да ги намали цените на полисите за задолжително осигурување од автомобилска одговорност
Агенцијата за супервизија на осигурување (АСО) ја охрабрува Владата, согласно своите законски надлежности, да ги заштити правата на осигурениците и преку измени во Тарифникот да ги намали цените на полисите за задолжително осигурување од автомобилска одговорност.
АСО како регулатор на пазарот на осигурување уште еднаш јавно информира дека е целосно неоправдан и без основа потегот со кој осигурителните компании ги зголемија цените на осигурувањето од задолжителна автомобилска одговорност.
Клучните аргументи против зголемување на цената се наведени во анализата што е доставена до надлежната комисија при Министерството за финансии.
Зголемувањето на цената на осигурувањето не е во функција на јакнење на заштитата на осигурениците. Напротив, како што се додава, ова зголемување на цените е само и исклучиво во функција на покривање на трошоците за оперативно работење на компаниите за осигурување.
Економија
Финансии побара до крајот на денов да се стави во мирување поскапувањето на осигурувањето на автомобилите при регистрација
Комисијата за осигурување од автомобилска одговорност на денешната седница го разгледа доставениот извештај од Националното биро за осигурување поврзано со зголемените цени по основ на премија за вршење на дејноста на осигурување.
На состанокот Комисијата му укажа на Националното биро за осигурување и на регулаторот Агенцијата за супервизија на осигурувањето во текот на денешниот ден да им предложи на друштвата за осигурување до крајот на денешниот ден да ги стават во мирување одлуките за зголемување на трошоците и да ги вратат на ниво од пред 25 април 2024 година и да ја известат Комисијата во текот на денешниот ден. Ваквото укажување е со цел обезбедување транспарентност и предвидливост на процесите, имајќи предвид дека компаниите ниту поединечно, ниту преку Националното биро за осигурување го немаат известено регулаторот, односно Агенцијата за супервизија на осигурувањето ниту Комисијата дека планираат да ги зголемат трошоците по основ на премијата за вршење на дејноста на осигурување, и на тој начин не е обезбеден инклузивен пристап и кооперативност со сите засегнатите страни при донесување на одлуките.
Комисијата за осигурување од автомобилска одговорност на денешната седница побара од регулаторот, односно Агенцијата за супервизија на осигурувањето, да изготви анализа за оправданоста и исправноста на донесените одлуки од страна на друштвата за осигурување, во насока на заштита на крајните корисници, а со цел обезбедување сеопфатна информација за донесување објективна и транспарентна одлука. Во правец на ова е укажувањето кон регулаторот за ставање во мирување на одлуката за зголемување на цената на трошоците од страна на друштвата за осигурување. Истовремено, побара од друштвата за осигурување преку Националното биро да дадат свој придонес во изготвување на анализата и предлог-заклучоци за промена на Тарифата на премии за осигурување на сопствениците на моторни возила од одговорност за штети предизвикани на трети лица.
На состанокот, Комисијата одлучи во најскоро време по доставување на анализата од регулаторот, односно Агенцијата за супервизија на осигурувањето, да свика седница и да ја разгледа доставената Информација и да донесе соодветни заклучоци.
Економија
Битиќи: Осигурителните компании да го повлечат зголемувањето на цените, а на граѓаните да им се компензираат средствата
Вицепремиерот задолжен за европски прашања, Фатмир Битиќи, на својата официјална Фејсбук страница имаше реакција на едностраната одлука на осигурителните компании за менување на тарифата и зголемувањето на цените на задолжителната осигурителна полиса за регистрација на возила.
„Згрозен сум од зголемувањето на сумата за задолжителна осигурителна полиса од страна на осигурителните компании. Ова може да се толкува и како директен атак, или политичко мешање на компаниите за осигурување, бидејќи тарифникот со тие зголемувања два пати е доставен до Владата и два пати не е одобрен на Владина седница.
Ова е манипулативен начин со кој надвор од предвидената процедура осигурителните компании изнаоѓаат начин да ја зголемат цената на авто осигурувањето на грбот на граѓаните.
Ова е пример за длабоката држава која мора да се искорени.
Го повикувам ресорното министерство за финансии и комисијата за заштита на конкуренција да постапат и да покренат постапка за олигополско здружување и осигурителните компании да го повлечат зголемувањето на цените, а на граѓаните кои веќе платиле повисоки цени очекувам да им се компензираат средствата“, реагира вицепремиерот.