Регион
Ердоган негодува за сопирање на истрагата против германскиот сатиричар
Турскиот претседател Реџеп Тајип Ердоган вложил жалба на сопирањето на судскиот прогон на германскиот комичар, автор на сатирата насочена против него, што е нова фаза од скандалот кој пролетва, меѓу другото, придонесе за турско-германската дипломатска криза, соопшти во понеделникот државното обвинителство во Мајнц.
„Адвокатот кој го застапува турскиот претседател поднесе во неделата жалба до државното обвинителство во Мајнц и до главното државно обвинителство во Кобленц кои се надлежни за овој случај“, се наведува во соопштението на Андреа Келер, главна државна обвинителка во Мајнц.
Келер истакнува дека главното обвинителство во Кобленц ќе одлучи за натамошната постапка во овој предмет, односно дали ќе покрене постапка против Јан Бомерман, германскиот комичар кој има своја емисија на јавниот сервис ZDF.
Државното обвинителство во Мајнц минатиот вторник соопшти дека се откажува од судското гонење на Јан Бомерман. Оценувајќи дека „резултатите од истрагата покажуваат дека кривичното дело не може да се докаже“.
Турскиот претседател Реџеп Тајип Ердоган го тужеше сатиричарот бидејќи на 31-ви март годинава во својата телевизиска емисија „Neo Magazin Royale“ читаше текст во којшто го нарече „педофил и содомист“.
Оваа „песна“ го разгневи Ердоган и официјална Анкара и доби политички димензии откако германската канцеларка Ангела Меркел му дозволи на државното обвинителство врз основа на законот од членот 19 да покрене постапка поради „навреда на претставник на странска држава“, за што според германскиот закон може да се добие три години затвор.
Меѓутоа, државното обвинителство во Мајнц оценило дека „нижењето претерани описи“ покажува дека навистина станува збор за сатира, а не за „сериозен напад“ врз турскиот претседател.
Адвокатите на Бомерман, пак, образложуваа дека тој сакал само да укаже на тоа што во Германија е забрането.
Германското правосудство во ноември ќе одлучува по другата жалба на Ердоган во рамките на граѓанската парница со којашто сака да биде забрането натамошното објавување на таа „песна“./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Tлото на Балканот се тресе: По Хрватска, земјотреси и во Албанија и Грција
Два земјотреси, во растојание од една минута – во 19.19 и 19.20 часот – вечерва се регистрирани на територијата на Албанија.
Земјотресите се со интензитет од 2,1 степен според Рихеровата скала.
Епицентарот на првиот земјотрес бил на седум километри од Елбасан, додека вториот на 62 километри од Тирана.
Според информациите на ЕМСЦ, неколку минути претходно, земјотрес од 2,5 степени имало и во јужниот дел од Грција, а уште два од 2 и 2,3 степени се регистрирани предмалку на Крит.
Претходно денес, Хрватска ја погоди силен земјотрес од 4,7 степени, а беше почувствуван и во Босна и Херцеговина. По овој потрес, следеа неколку помали.
Регион
Не ги навредив Бугарите, туку ја критикував нашата влада, објасни хрватскиот претседател по изјавата на која реагираше Софија
Хрватскиот претседател Зоран Милановиќ изјави дека со изјавата дека Хрватска е „на дното на ЕУ по повлекувањето на европските пари, а само Бугарија е полоша“, не ги навредил Бугарите, туку ја исмејува хрватската влада која прави „будали и социјални случаи“ од нејзините граѓани.
Милановиќ претходно рече дека „Хрватска е дното на Европската унија и дека само Бугарија е полоша“, па секој ден се молат на Бога, Бугарија да остане последна и ништо да не и се случи, бидејќи во спротивно би била Хрватска“. По изјавата, според хрватските медиуми, Бугарите ја повикале хрватската амбасадорка во Софија, Јасна Огњеновац и изразиле незадоволство, пренесува порталот „Индекс“.
Бугарското Министерство за надворешни работи на хрватскиот амбасадор му пренело „длабоко разочарување од изјавата на претседателот Милановиќ“, каде што истакнале „дека изјавата е неприфатлива за Бугарија и не е во согласност со одличните билатерални односи меѓу Хрватска и Бугарија“.
Тие истакнаа и дека се надеваат дека „хрватската влада ќе се огради од таа изјава“.
„Не ги навредив Бугарите, туку исмевав некои елементи на хрватската влада кои не’ прават будали и социјален случај“, рече шефот на хрватската држава и додаде дека претходно ја критикувал земјата на тема повлекување европски пари.
„Дали можеме да кажеме дека Хрватска се моли Сингапур последен да подигне пари? Дали тоа звучи подобро? Но, Сингапур не е европска земја. Значи некој мора да биде последен. Тоа е Бугарија, а Хрватска е претпоследна“, рече Милановиќ и потсети дека тоа се статистички податоци и дека тоа досега го кажал десет пати.
„Тоа е потсмев, за жал, на сметка на некои во Хрватска кои не прават социјален случај, кои не можат да земат доволно европски средства, па затоа сме претпоследни. Нормално, гледаш кој е последен. Бугарија е последна, секогаш е последна (…) Хрватска е претпоследна“, рече Милановиќ.
„И тоа е факт за кој зборував десет пати. Алелуја (…) Тоа се факти за кои мора да се разговара во политиката бидејќи се многу релевантни податоци. Зошто Хрватска е претпоследна? Зошто не е петата одоздола, или петта одозгора. Зошто не е? Веројатно некој е одговорен за тоа“, додаде тој.
На крајот, како што додаде, никој не се моли Бугарија да пропадне, туку дека неговата изјава е верзија на американската шега за сојузната држава Арканзас, која „се моли на Бога Мисисипи, кој е најсиромашниот, да биде здрав и добро“, бидејќи во спротивно тоа би бил Арканзас.
„За да го знаете тоа, треба да прочитате нешто во животот, а не да се занимавате со селски скандали“, рече Милановиќ.
Регион
Земјотрес со јачина од 4,7 степени во Хрватска, почувствуван и во БиХ
Земјотрес со јачина од 4,7 степени според Рихтеровата скала утрово во 05:38 часот е регистриран во Хрватска, објави Европскиот медитерански сеизмолошки центар (ЕМСЦ).
Според информациите од Европскиот медитерански сеизмолошки центар, земјотресот бил на 92 километри јужно од главниот град Загреб и на 14 километри од границата со Босна и Херцеговина, кај Тржачка Раштела.
Земјотресот бил на длабочина од 10 километри.
Земјотресот најмногу бил почувствуван во централна Хрватска и во дел од Босна и Херцеговина со интензитет од V-VI степени според Европската макросеизмичка скала.
Засега нема извештаи за повредени лица или за предизвикана материјална штета.