Здравје
Сијамски близнаци раздвоени по 27-часовна операција во Њујорк

Сијамските близнаци чии глави беа споени успешно се раздвоени по 27-часовна операција во Њујорк, објавија локалните медиуми.
Тринаесетмесечните момченца Анаис и Џејдон делеа дел од мозочното ткиво, напиша нивната мајка Никол Мекдоналд на Facebook.
Операцијата за одвојување на нивните черепи траела 16 часа, пренесува CNN. Натамошните операции биле потребни за да се реконструираат нивните глави.
„Две одвоени бебиња!.Стоиме пред прагот на нешто непознато. Следните неколку месеци ќе бидат критични во поглед на нивното закрепнување и многу седмици нема да знаеле сигурно како Анаис и Џејдон заздравуваат“, напиша мајката.
Околу 80 отсто од сијамските близнаци кои не ја минале операцијата умираат во рамките на првите две години од животот, што родителите ги става пред страшно тежок избор.
Сијамските близнаци се извонредно ретка појава и се проценува дека се случуваат меѓу еден случај на 49.000 и еден случаја на 189.000 родени./крај/мф/сн
Извор: DPA
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Забава
Паста диета: можете да изгубите 3 килограми за само 5 дена

Диетата со шпагети трае само пет дена и ви овозможува да изгубите до три килограми. Кога избирате тестенини, обидете се да ги изберете оние од цело зрно, кои се особено богати со хранливи материи и витамини.
Ден 1.
Појадок: парче леб намачкано со крем сирење, украсено со киви одозгора.
Ручек: варени шпагети (70 г), за сосот користете половина кромид, 2 домати и 150 грама печурки на пареа и зачинете сè со лута пиперка.
Вечера: тестенини (70 г), пиперка (3 парчиња), 2 домати и малку рендано сирење.
Ден 2.
Појадок: чаша јогурт (1,5% масленост) со две лажици овесни снегулки и половина јаболко.
Ручек: сварете 70 грама тестенини, со 1 лажица доматен сос и тиквички.
Вечера: топли тестенини (40 г), 1 домат, маслинки, 3 млади кромиди и 40 г сирење. Зачинете со маслиново масло и сок од лимон.
Ден 3.
Појадок: овошна салата од мандарина, 1/2 јаболко, киви и 1/4 банана.
Ручек: шпагети (70 г), сос од 3-4 домати, грашок и 1 морков.
Вечера: 70 г сварени тестенини со сос (2 лажици доматно пире и малку кромид).
Ден 4.
Појадок: тост со сирење и парче киви.
Ручек: сварете 70 грама тестенини, послужете со 150 г варен зеленчук (грав, моркови, грашок, карфиол). Посипете со рендано сирење.
Вечера: шпагети (70 г), 1 краставица, портокал за десерт.
Ден 5.
Појадок: јогурт и јаболко.
Ручек: Сварете тестенини (70 г), додадете малку брокула (150 г), додадете рендано сирење, лук и пипер.
Вечера: 40 г тестенини со сирење, 4 маслинки и домати. Зачинете со 1 лажичка маслиново масло, сок од лимон и пипер.
Забава
Едноставно, евтино и ефикасно решение за намалување на салото на стомакот – една намирница што сите ја сакаме

Летото речиси започна, иако можеби не според календарот, но сме сведоци на жештините, па затоа е крајно време да се подготвиме за морето и новата сезона на бикини. Сепак, тие фрустрирачки наслаги околу стомакот едноставно не ве напуштаат? Не очајувајте, постои едноставно решение за тоа.
Нутриционистката Роксана Ехсани ја откри тајната за витка фигура: обичен, обезмастен грчки јогурт.
Висцералните масти, кои се акумулираат длабоко во стомакот, можеби се невидливи однадвор, но имаат сериозни здравствени последици. Го зголемуваат ризикот од срцеви заболувања, дијабетес и други сериозни состојби. Но, и за тоа постои решение – променете ја исхраната.
Додадете обичен, обезмастен грчки јогурт во вашата исхрана. Студиите покажаа дека исхраната богата со протеини, калциум и витамин Д може да ги намали висцералните масти.
Грчкиот јогурт е богат со протеини, што ви помага да се чувствувате сити и спречува прејадување. Исто така, содржи пробиотици кои го поддржуваат здравјето на цревата.
Едноставно, евтино и ефикасно решение за намалување на салото на стомакот.
Забава
Жени, внимавајте: популарната фризура може да предизвика опаѓање на косата

Бројни секојдневни навики би можеле да имаат прилично негативно влијание врз вашата кожа и коса, а една специфична фризура може дури и да доведе до опаѓање на косата.
Експертот за нега на кожа и коса, д-р Сухаил Алам, за „Експрес“ изјави дека фризурите што премногу цврсто ја влечат косата можат да предизвикаат здравствен проблем.
„Фризурите што премногу цврсто ја влечат косата, како што се залижаните коњски опашки, можат да предизвикаат тракциона алопеција, форма на опаѓање на косата предизвикана од хроничен стрес врз фоликулите што се јавува како резултат на прекумерно влечење или затегнување на косата.“
„Истражувањето објавено во списанието на Американската академија за дерматологија покажа дека до една од три жени кои редовно носат вакви фризури доживуваат одреден степен на опаѓање на косата“, објасни д-р Сухаил.
Докторот, кој се занимава со трансплантација на коса со години, исто така истакна дека не треба да си легнувате со влажна коса. „Тогаш косата е послаба и посклона кон кршење. Вртењето на главата на перницата предизвикува триење и заплеткување на косата. Оставете ја косата да се исуши природно или нежно исушете ја со фен пред спиење.“
Исто така, памучните навлаки за перници можат да предизвикаат проблеми и за косата и за кожата. Д-р Сухаил предложи да се префрлите на свила и сатен, бидејќи тоа може да помогне во намалувањето на испуканите врвови и идните брчки на лицето.
Прекумерното миење е уште еден проблем што може да ја оштети вашата кожа и коса. Експертот открил дека на повеќето луѓе им е доволно да ја мијат со шампон два или три пати неделно и да го мијат лицето двапати на ден.
Дополнително, топлата вода може да ја уништи заштитната бариера на кожата, што доведува до сувост и чувствителност. За да се спречи ова, експертот советува водата да се одржува млака и да се ограничи туширањето на помалку од десет минути за да се одржи кожата хидрирана.