Црна хроника
Деветнаесетгодишен кичевец силувал врсничка
Деветнаесетодишен жител на кичевското село Осој силувал врсничка, а против него е поднесена кривична пријава и се наоѓа во битолскиот затвор каде одлежува притвор во траење од осум дена.
Силувањето се случило на 6-ти октомври, пред повеќе од шест дена, попладнето околу 16 часот покрај железничката линија во близина на кичевската населба каде живеела девојката.Силувачот од зад грб, мошне брзо ѝ се доближил на девојката и физички ја нападнал ставајќи ѝ ги рацете на нејзиното лице, ја соборил на земја и започнал да ја допира по целото тело. Девојката активно се спротивставила и започнала гласно да вика барајќи помош. Силувачот се обидел со раце да ѝ ја затвори устата, но откако не успеал да го спречи нејзиното викање и отпор, веднаш избегал.Во консултации со Jавен обвинител, полициската станица од Кичево ги презел неопходните мерки за пронаоѓање на сторителот. На 13-ти овој месец, Р.Х. е лишен од слобода а потоа, во присуство на Jавен обвинител извршено е соочување со пријавениот и негово препознавање од страна на оштетената девојка./крај/мф/ффс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Маж насилно изваден од својот дом и со убодни рани оставен кај Транспортниот центар во Скопје
Вчера во 07.40 часот во Полициската станица Аеродром, 34-годишниот К.Б. од Скопје пријавил дека на 24/25.04.2024 околу 01.30 часот, А.„Н“ со употреба на сила го извадил од неговиот дом и го внел во патничко возило кое го управувал К.„Н“, со уште едно лице совозач, извести МВР.
„Како што е пријавено, во возилото А.„Н“ му нанел неколку убодни рани со остар предмет и го однеле кај Транспортен центар во Скопје, каде што повторно му нанел повреда со остар предмет, по што физички го нападнале и го оставиле. Исто така, според пријавеното, тој не бил на преглед и не пријавил во полициска станица затоа што лицата му се заканиле“, соопшти МВР.
Се преземаат мерки за расчистување на случајот.
Црна хроника
Кривична против двајца штипјани, истепале полицаец
СВР Штип поднесе кривична пријава против 53-годишниот Д.Д. и 54-годишниот П.Д., двајцата од Штип, поради постоење основи на сомнение за сторено кривично дело „напад на службено лице при вршење работи на безбедноста“, извести МВР.
„На 22.02.2024, по претходна расправија околу сообраќајот, пријавените физички нападнале полициски службеник“, соопшти МВР.
Црна хроника
Тело на починат маж извадено од Вардар во Велес
Полициски службеници од СВР Велес, вчера во 8.30 часот, во водите на реката Вардар блиску до местото наречено „Јаниташ“, пронашле тело на починато машко лице.
Телото на починатиот било извадено од реката од полициски службеници од Одделот за специјални полициски операции при МВР, известуваат од СВР Велес.
Увид извршила увидна екипа од СВР Велес. По наредба на јавен обвинител, телото е дадено на обдукција.