Црна хроника
Надзорник во затворот Идризово препродавал хероин
СВР Скопје-Единицата за недозволена трговија со дрога поднесе кривична пријава против 37-годишниот И.Н. од Скопје, поради поради постоење основи на сомнение дека во текот на месец октомври 2016-та година неовластено набавил поголема количина наркотична дрога хероин, која ја препакувал во 27 полиетиленски паковки со намера да ја продава на уживатели во затворот, со што сторил кривично дело „неовластено производство и пуштање во промет наркотични дроги, психотропни супстанци и прекурсори“.
За стореното кривично дело предвидено и казниво по член 215 од КЗ, судија на претходна постапка на И.Н. му одредил мерка притвор во траење од 30 дена. Имено при превземањето мерки и активности за сузбивање на недозволената трговија со дрога од страна на Единицата за недозволена трговија со дрога во соработка КПУ „Идризово“ било дојдено до сознание дека пријавениот, инаку вработен како надзорник во КПУ „Идризово“, во текот на месец октомври 2016-та година, од засега непознато лице набавил поголема количина на хероин која ја чувал во својот дом, каде ја препакувал во помали количини по што ја внесувал во затворот и ја продавал на уживатели.
По потврдувањето на сознанието, на 6-ти октомври од страна на вработени во КПУ „Идризово“, при пристигнување на работа на И.Н. му било соопштено дека ќе му се изврши личен претрес, на што истиот не се согласил и со вербални напади ги спречувал службените лица од КПУ да го претресат, при тоа успевајќи да дојде до задната врата и од под пантолоните да извади една најлонска ќеса која преку решетката успеал да ја фрли во дворот од затворот.
Од страна на службени лица од КПУ „Идризово“ било извршено пребарување во непосредната околина при што била пронајдена една најлонска ќеса во која имало 27 полиетиленски кесички со прашкаста материја.
Од извршениот увид на местото на настанот и вештачењето на подигнатиот доказен материјал било утврдено дека пронајдените 27 полиетиленски кесички со прашкаста материја со вкупна нето маса од 124,82 грама се наркотична дрога хероин, по што со наредба од судија на претходна постапка, во домот на И.Н. извршен бил претрес при што биле пронајдени една рамка за пиштол, еден куршум со ознака ППУ 7,62 TT и една службена легитимација. Во извршениот разговор И.Н. пред полциските службеници не дал појаснување од кого ја купил наркотичната дрога-хероин, на кого ја продавал и по која цена./крај/мф/бс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Приведен шверцер на мигранти, пронајдени 11 лица од Сирија
Синоќа во 20 часот на локален пат во село Богородица, гевгелиско, полициски службеници од СВР Струмица – ОВР Гевгелија го лишиле од слобода Ј.М.(32) од Република Србија.
Во возило „сааб“ со цол таблички, кое го управувал, биле пронајдени 11 мигранти од Сирија.
Лицето било задржано во Полициската станица Гевгелија, а мигрантите се спроведени во Прифатно-транзитен центар „Винојуг“ Гевгелија.
Според полицијата, по целосно документирање на случајот, против Ј.М. ќе биде поднесена соодветна пријава.
Црна хроника
Тешко повреден пешак, удрен со возило во Илинден
Вчера во 14.45 часот во СВР Скопје било пријавено дека на ул.„534“ во село Марино, скопско, патничко возило „ауди“ со скопски регистарски ознаки, управувано од В.Ш.(20) удрило во пешакот П.Н.(54), двајцата од населба Илинден, скопско.
Во несреќата со тешки телесни повреди се здобил пешакот, констатирани во Градската општа болница „Св.Наум Охридски“.
Извршен бил увид од увидна екипа од СВР Скопје.
Црна хроника
Маж од Прилеп се соблекол пред малолетни девојчиња и ги вознемирувал
Вчера во 16 часот полициски службеници од ОВР Прилеп во Прилеп го лишиле од слобода Т.Д.(49) од Прилеп, по пријава од 45-годишен маж од Прилеп дека Т.Д. се соблекол пред малолетни девојчиња и ги вознемирувал.
По документирање на случајот ќе биде поднесена соодветна пријава.