Црна хроника
Прегазен пешак на патот Пехчево – Делчево
Починал прегазен пешак, еден поминал со тешки повреди, а повреден е и тракторист во неколку соонбраќајки што се случиле во Македонија во понеделникот.
Имено, во понеделникот во 20.10 часот на регионалниот пат Пехчево-Делчево, на местото викано Манчово поле атар на село Тработивиште, се случила сообраќајна незгода во која автомобил „Тојота Корола“ со бугарска регистарска ознака управувано од П.И.(1971) од Делчево удрило во пешакот И.Н.(1972) од село Тработивиште, кој од здобиените повреди починал на лице место.
Смрт е констатирана од страна на доктор од итната медицинска помош. Увид на лице место извршиле основното јавно обвинителство и увидна екипа од СВР-Штип. Во 22.05 часот сообраќајот е нормализиран.
Истиот ден, во 13.40 часот во Виница на раскрсницата од ул.„Ангел Винички“ и ул.„Ванчо Китанов“ во близина на Виничка река, се случила сообраќајна незгода во која автомобил „Мазда“ со штипски регистарски ознаки, управувано од З.А.(1985) од Виница удрило во пешакот И.С.(1984) од Виница. Во незгодата со тешки повреди се здобила И.С. на која и била укажана лекарска помош во Клиничкиот центар-Штип, по што била упатена во Ургентниот центар-Скопје. Увид на лице место извршила екипа од полицијата од Виница.
Во 19 часот пак, на регионалниот пат Кавадарци – Неготино кај местото викано Антената, се случила сообраќајна незгода помеѓу автомобил „Форд Ескорт“ со кавадаречки регистарски ознаки, управувано од С.А. (1964) од Кавадарци и трактор „ИМТ 533“ со приколка, без регистарски ознаки, управувано од Љ.К.(1996) од село Марена. Во незгодата со скршеница на карлица се здобил Љ.К., на истиот му е укажана лекарска помош во ЈЗУ-Неготино, по што бил препратен во болницата во Велес каде е задржан на лекување. Увид на лице место извршила екипа од полицијата Неготино. Сообраќајот бил во прекин до 22.15 часот./крај/со/бб
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Познат идентитетот на скопјанецот кој ноќеска загина во сообраќајка на патот Штип -Кочани
Познат е идентитетот на мажот кој ноќеска загина во сообраќајна несреќа на патот Штип -Кочани.
– На 06.05.2024 во 02.45 часот во СВР Штип било пријавено дека на експресниот пат Штип -Кочани, во близина на с.Крупиште, патничко возило „рено лагуна“ со скопски регистарски ознаки, управувано од С.М.(34) од Скопје, излетало надвор од коловозот. По несреќата, возачот и сопатниците, И.М.(39) од Скопје и двајца малолетници биле пренесени во Клиничка болница Штип, каде што кај И.М. била констатирана смрт, додека кај возачот и малолетниците биле констатирани телесни повреди, информираа од полицијата.
Увид на местото извршиле јавен обвинител и увидна екипа од СВР Штип.
Црна хроника
Велосипедист е тешко повреден во сообраќајка во Охрид
Вчера околу 14.45 часот во СВР Охрид било пријавено дека на ул.„Питу Гули“ во Охрид се случила сообраќајна несреќа помеѓу велосипед управуван од Ј.Д.(74) од Охрид и патничко возило „хјундаи “ со охридски регистарски ознаки, управувано од Д.В.(28) од Охрид.
Во несреќата со тешки телесни повреди се здобил велосипедистот, констатирани во специјалната болница „Св.Еразмо“ во Охрид.
Увид на местото извршила екипа од СВР Охрид.
Црна хроника
Скопјанец измамен во менувачница од двајца странски државјани
Скопјанец пријавил дека во менувачница во Старата скопска чаршија бил измамен од страна на двајца странски државјани за сума од 25.000 евра, информираат попладнево од Министерството за внатрешни работи.
Синоќа во 19.15 часот во СВР – Скопје, Х.М., на возраст од 34 години од главниот град на државава, пријавил дека околу 15 часот во менувачница во Старата скопска чаршија бил измамен од двајца странски државјани.
Според пријавеното, откако се договориле во менувачницата да сменат пари за 25.000 евра, лицата дошле со чанта со договорената сума на пари во денари, при што еден од нив ја заменил чантата со денари со друга иста чанта, која во долниот дел била полна со хартиени ливчиња.
Како што пријавил Х.М., тој им ги дал еврата без да ја провери чантата, а откако заминале, сфатил дека е измамен, појаснуваат од МВР.
Се преземаат мерки за расчистување на случајот.