Црна хроника
Го згрешил патот и го фатиле со 25 кгр марихуана на Табановце
Околу 26 килограми марихуана биле запленети во саботата на граничниот премин Табановце при контрола на автомобил „фолксваген“ со којшто управувал педесет и деветгодишен албански државјанин.
Заради сомневање во неговата изјава дека нема ништо за пријавување, царинскиот службеник го селектирал возилото за преглед. При вршење на преглед на внатрешноста од возилото под возачкото и совозачкото седиште, царинските службеници се посомневале дека подот има дупло дно. Теписонот од возилото бил залепен за патосот, па откако царинските службеници ги тргнале двете предни седиште и го одлепиле теписонот и изолацијата, забележале на подот под двете седишта специјално се направени капаци во вид на врати. Кога ги отвориле капаците царинските службеници ги виделе двата специјално направени бункера и од нив извадиле 17 пакетчиња, замотани со кафеава селотејп трака во кои имало марихуана со вкупна тежина од 26 килограми. Сторителот и марихуаната биле предадени на инспектори од Одделението за истраги при Секторот за контрола и истраги, заради преземање на понатамошни предистражни дејстивија.Од спроведената предистражна постапка, собрани се материјални и вербални докази кои укажуваат дека осомниченото лице марихуаната ја набавил во Албанија, и преку Косово и Македонија требало да ја однесе во Бугарија. Таму требало да се сретне со уште едно лице и заедно марихуаната требало да ја носат за Турција. Меѓутоа возачот го погрешил патот и наместо на граничниот премин Деве Баир, се упатил кон граничниот премин Табановце.Против сторителот, Царинската управа ќе поднесе кривична пријава за сторено кривично дело „Неовластено производство и пуштање во промет на наркотични дроги, психотропни супстанции и прекурсори“ до надлежното Јавно обвинителство, а сторителот ќе биде изведен пред надлежен истражен судија./крај/мф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
„Цитроен“ удри во електричен тротинет, тешко повреден малолетник од Прилепско
Вчера во 11.50 часот во Полициската станица Прилеп било пријавено дека во село Црнилиште, прилепско, патничко возило „цитроен“ со прилепски регистарски ознаки, управувано од 48-годишниот М.А. од село Црнилиште, удрило во електричен тротинет управуван од малолетник од село Црнилиште, прилепско, извести МВР.
„Во несреќата со тешки телесни повреди се здобил малолетникот, а неговиот малолетен сопатник се здобил со телесни повреди констатирани во Општа болница Прилеп“, соопшти МВР.
Извршен бил увид од увидна екипа од ОВР Прилеп.
Црна хроника
Претрес во Кичево, пронајдена дрога, приведени двајца дилери
Вчера во 21.40 часот во Кичево, полициски службеници од Надворешната канцеларија за криминалистички работи Кичево и Полициската станица Кичево ги лишиле од слобода 32-годишниот Б.Д. и 25-годишниот А.Д., двајцата од Кичево, извести МВР.
„При претрес во нивниот дом, извршен со судска наредба, биле пронајдени и одземени марихуана и грутчеста материја“, соопшти МВР.
Лицата биле задржани во полициска станица и по целосно документирање на случајот против нив ќе биде поднесена соодветна пријава.
Црна хроника
Уапсена жена во Гостивар, била фатена како краде во продавница
Вчера во 18.45 часот на улица „Светозар Пепоски“ во Гостивар, полициски службеници од ОВР Гостивар ја лишиле од слобода 50-годишната Г.И. од гостиварско Неготино.
„Таа била фатена при извршување кражба во продажен објект, по што се обидела да побегне, но била спречена и лишена од слобода“, соопшти МВР.
По целосно расчистување и документирање на случајот против неа ќе биде поднесена соодветна пријава.